Social Economic Newspapers Online

ທ່ານ ເຈືອງ ສົມ­ບູນ​ຂັນ ຢ້ຽມ­ຢາມ​ວິ­ທະ­ຍາ­ຄານ​ນາຍ​ທະ­ຫານ​ບົກ

Date of News ວັນທີ 06/01/2014 - ເວລາ 11:22:52 ເບິ່ງ 92

ທ່ານ ເຈືອງ ສົມ­ບູນ​ຂັນ ຢ້ຽມ­ຢາມ​ວິ­ທະ­ຍາ­ຄານ​ນາຍ​ທະ­ຫານ​ບົກ

ໃນ​ໂອ­ກາດ​ວັນ​ສ້າງ­ຕັ້ງ​ກອງ­ທັບປະ­ຊາ­ຊົນ​ປະ­ຕິ­ວັດ​ລາວ​ຄົບ­ຮອບ 65 ປີ​ທີ່​ຈະ​ມາ​ເຖິງ ຄະ­ນະ​ໂຄ­ສະ­ນາ​ອົບ­ຮົມສູນ​ກາງ​ພັກ (ຄອສພ) ນຳ​ໂດຍ​ທ່ານ ເຈືອງ ສົມ­ບູນ​ຂັນ ເລ­ຂາ­ທິ­ການ​ສູນ​ກາງ​ພັກ, ຫົວ­ຫນ້າ​ຄະ­ນະ​ໂຄ­ສະ­ນາ​ອົບຮົມ​ສູນ​ກາງ​ພັກ, ຢ້ຽມ­ຢາມ​ວິ­ທະ­ຍາ­ຄານນາຍ​ທະ­ຫານ​ບົກ ໃນ​ວັນ​ທີ 3 ມັງ­ກອນຜ່ານ​ມາ ໂດຍ​ໃຫ້​ກຽດ​ຕ້ອນ­ຮັບ​ຂອງ ທ່ານ ພົນ​ຈັດ­ຕະ­ວາ ຜາ​ລົມ​ລິນ​ທອງ ຄະ­ນະ​ພັກ​ກະ­ຊວງ​ປ້ອງ​ກັນ​ປະ­ເທດ, ຫົວຫນ້າ​ການ­ເມືອງ​ວິ­ທະ­ຍາ­ຄານ​ນາຍ​ທະຫານ​ບົກ, ມີ​ທ່ານ ພັກ​ເອກ ບຸນ​ຈັນ ລາດ​ຊະ​ວົງ ຫົວ­ຫນ້າ​ການ​ທະ­ຫານ​ວິ­ທະ­ຍາຄານ​ນາຍ​ທະ­ຫານ​ບົກ, ຄະ­ນະ​ອຳ­ນວຍການ, ຄະ­ນະ​ກອງ­ພັນ, ຄູŒອາ­ຈານ,  ພ້ອມ​ດ້ວຍ​ນາຍ ແລະ ພົນ­ທະ­ຫານ​ເຂົ້າ​ຮ່ວມ.

ໂອ­ກາດ​ນີ້, ທ່ານ ເຈືອງ ສົມ­ບູນ​ຂັນ ເລ­ຂາ­ທິ­ການ​ສູນ​ກາງ​ພັກ, ຫົວ­ຫນ້າ​ຄະນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກໄດ້​ໂອ້ລົມ​ໂດຍ​ມີ​ບາງ​ຕອນ​ວ່າ: ເນື່ອງ​ໃນ​ໂອກາດ​ສ້າງ​ຂະ​ບວນ​ການ​ຂ່ຳ­ນັບ​ຮັບ​ຕ້ອນ​ວັນ​ສ້າງ­ຕັ້ງ​ກອງ­ທັບ​ປະ­ຊາ­ຊົນ​ປະ­ຕິ­ວັດ​ລາວ​ຄົບ­ຮອບ 65 ປີ (20 ມັງ­ກອນ 1949Œ-20 ມັງ­ກອນ 2014) ທີ່​ຈະ​ມາ​ເຖິງ​ໃນ​ມໍ່ໆ​ນີ້ ດັ່ງ­ນັ້ນ ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ​ຈິ່ງ​ໄດ້​ຖື​ໂອ­ກາດ​ມາ​ພົບ​ປະ​ວິ­ທະ­ຍາ­ຄານ​ນາຍ​ທະ­ຫານ​ບົກ ເຊິ່ງ​ເປັນ​ສະ​ຖາ​ບັນ​ຫນຶ່ງ​ທີ່​ສຳ­ຄັນ​ໃນການ​ກໍ່­ສ້າງ​ພະ­ນັກ­ງານ​ການ​ທະ­ຫານ, ຜູ້​ບັນ­ຊາ​ຕົວ​ຈິງ​ໃຫ້​ແກ່​ກອງ­ທັບ​ປະ­ຊາ­ຊົນ​ລາວ​ກໍ່​ຄື​ບັນ­ດາ​ກຳ­ລັງ​ປະ­ກອບ​ອາ­ວຸດໃນ ສປປ ລາວ ທັງ​ໄດ້​ສະ­ແດງ​ຄວາມ​ເຫັນ​ກ່ຽວ​ກັບ​ບາງ​ບັນ­ຫາ​ເປັນ­ຕົ້ນ​ແມ່ນ: ບັນ­ຫາ​ທີ່​ຕິດ​ພັນ​ກັບ​ການ​ຮຽນŒການ​ກໍ່ສ້າງ​ບຳ­ລຸງ​ພະ­ນັກ­ງານ​ໃນ​ວິ­ທະ­ຍາ­ຄານ​ນາຍ​ທະ­ຫານ​ບົກ, ສະ­ພາບ​ແວດ​ລ້ອມ​ທີ່​ພົ້ນ​ເດັ່ນ​ຂອງ​ສາ­ກົນ ແລະ ພາກ​ພື້ນ, ຍຸດ​ທະ​ສາດ, ກົນ­ອຸ­ບາຍ​ຕ່າງໆ​ຂອງ​ອິດ​ທິ​ກຳ­ລັງ​ປໍ​ລະ​ປັກ ເພື່ອ​ໃຫ້​ເຫັນ​ໄດ້​ເຖິງ​ຄວາມ​ສຳ­ຄັນ​ທີ່​ພັກŒລັດ​ຂອງ​ພວກ​ເຮົາ ເອົາ­ໃຈ­ໃສ່​ໃນ​ການ​ປັບ­ປຸງ​ກໍ່­ສ້າງ​ກຳ­ລັງ​ປະ­ກອບ​ອາ­ວຸດ, ເວົ້າ​ສະ­ເພາະ​ກໍ່​ຄື​ກອງທັບ​ເພາະ​ມັນ​ມີ​ຄວາມ​ຈຳ­ເປັນ ແລະ ສຳຄັນ​ທີ່​ສຸດ.

ນອກ​ນັ້ນ ທ່ານ​ຫົວ­ຫນ້າ​ຄະ­ນະ​ໂຄ­ສະນາ​ອົບ­ຮົມ​ສູນ​ກາງ​ພັກ​ຍັງ​ສະ­ແດງ​ໃຫ້​ເຫັນ​ເຖິງ​ການ​ເຕີບ​ໃຫຍ່​ຂະ­ຫຍາຍ­ຕົວ ແລະ ຄວາມ​ເຂັ້ມ­ແຂງ​ຂອງ​ກອງ­ທັບ​ປະ ຊາ​ຊົນ​ປະ­ຕິ­ວັດ​ລາວທັງ​ເປັນ​ກອງ­ທັບ​ທີ່​ໄດ້​ນາມ​ມະ​ຍຸດ ແລະ ເປັນ​ກອງ­ທັບ​ວີ­ລະ​ຊົນ​ຂອງ​ຊາດ​ລາວ​ວີ­ລະ​ຊົນ ຍ້ອນ​ກອງ­ທັບ​ກໍ່​ຄື​ກຳ­ລັງ​ປະ­ກອບ​ອາ­ວຸດ​ຂອງ​ພວກ​ເຮົາ​ຢູ່​ພາຍ​ໃຕ້​ການ​ນຳ­ພາ​ໂດຍ​ກົງ, ເດັດ­ຂາດ ແລະ ຮອບ­ດ້ານ​ຂອງ​ພັກ, ພັກ​ເປັນ​ຜູ້​ຈັດ​ຕັ້ງ​ນຳ­ພາ​ສຶກ​ສາ​ອົບ­ຮົມ​ກອງ​ຈິ່ງ​ເຕີບ​ໃຫຍ່ ແລະ ເຂັ້ມແຂງ ຫລັງ​ຈາກ​ທີ່​ປະ­ທານ​ໄກ­ສອນ ພົມວິ­ຫານ ນຳ­ພາ​ສ້າງ­ຕັ້ງ​ກອງ​ລາ­ຊະ­ວົງ ໃນ​ວັນ​ທີ 20 ມັງ­ກອນ 1949 ເພື່ອ​ເປັນການ​ໂຮມ​ເອົາ​ບັນ­ດາ​ກອງ​ປະ­ກອບ​ອາວຸດ​ທີ່​ມີ​ຢູ່​ໃນ​ບໍ­ລິ­ເວນ​ຕ່າງໆ​ຂອງ​ປະ­ເທດ​ໃຫ້​ມີ​ລັກ­ສະ­ນະ​ລວມ​ສູນ, ມີ​ການ​ນຳ­ພາ ໂດຍ​ກົງ​ຂອງ​ພັກ​ທັງ​ໄດ້​ຮັບ​ການ​ສະ­ຫນັບສະ​ຫນູນ​ຊ່ວຍ­ເຫລືອ​ຈາກ​ປະ­ຊາ­ຊົນ​ຖື​ປະ ຊາ​ຊົນ​ເປັນ​ບໍ່­ເກີດ​ແຫ່ງ​ກຳ­ລັງ​ແຮງ​ຂອງ​ກອງ­ທັບ.

ສະ­ນັ້ນ, ເນື່ອງ​ໃນ​ໂອ­ກາດ​ວັນ​ສ້າງ ຕັ້ງ​ກອງ­ທັບ​ປະ­ຊາ­ຊົນ​ປະ­ຕິ­ວັດ​ລາວຫມູນ­ວຽນ​ມາ​ບັນ­ຈົບຄົບ­ຮອບ 65 ທີ່​ຈະ​ມາ​ເຖິງ​ນີ້ ຄະ­ນະ​ໂຄ­ສະ­ນາ​ອົບ​ຮົບ​ສູນ​ກາງ​ພັກ​ສະ­ແດງ​ຄວາມ​ຍ້ອງ­ຍໍ​ຊົມ­ເຊີຍ​ພະ­ນັກ­ງານ​ນັກ­ຮົບ​ໃນ​ກອງ­ທັບ, ເວົ້າ​ສະ­ເພາະ​ກໍ່​ຄື​ວິ­ທະ­ຍາ­ຄານ​ນາຍ​ທະ­ຫານ​ບົກ​ຈົ່ງ​ມີ​ຄວາມ​ພະ­ຍາ­ຍາມ​ບຸກ​ບືນ, ປັບ­ປຸງ​ກໍ່­ສ້າງ​ວິ­ທະ­ຍາ­ຄານ​ຂອງ​ພວກ​ເຮົາ​ໃຫ້​ເປັນ​ວິ­ທະ­ຍາ­ຄານ​ທີ່​ສາ­ມາດ​ສ້າງ​ນາຍ​ທະ­ຫານ​ຮຸ່ນ​ສືບ​ທອດ​ໃຫ້​ໄດ້​ທັງ​ດ້ານ​ປະ­ລິ­ມານ ແລະ ຄຸນ​ນະ​ພາບ ເພື່ອ​ຕອບ​ສະ­ຫນອງ​ຕໍ່​ພາ­ລະ­ກິດ​ປົກ​ປັກ​ຮັກ­ສາ ແລະ ສ້າງ­ສາ​ພັດ­ທະ­ນາ​ປະ­ເທດ​ຊາດ​ຂອງ​ພວກ​ເຮົາ.

ໃນ​ໂອ­ກາດ​ດັ່ງ­ກ່າວ, ທ່ານ ພົນ​ຈັດ ຕະ​ວາ ຜາ​ລົມ ລິນ​ທອງ ຍັງ​ໄດ້​ລາຍ​ງານ​ເຖິງ​ສະ­ພາບ​ລວມ ແລະ ນຳ­ພາຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ​ລົງ​ຢ້ຽມ­ຢາມ​ຈຸດ​ສຳ­ຄັນ​ຂອງ​ວິ­ທະ­ຍາ­ຄານ ແລະ ໄດ້​ເບິ່ງ​ຕົວ​ຈິງ​ໃນ​ການ​ປະ­ກອບ​ອຸປະ­ກອນ, ການ​ຮຽນŒການ​ສອນ, ການ​ຝຶກ­ແອບ​ສິ­ລະ​ປະ­ຍຸດ ແລະ ຍຸດ­ທະ­ວິ­ທີ​ຕ່າງໆ​ອີກ​ດ້ວຍ.

ຄຳເຫັນຂອງທ່ານ:
ແຈ້ງ! ເຖິງຜູ້ອ່ານທຸກທ່ານທີ່ຕ້ອງການໃຫ້ຄໍາເຫັນໃນບົດ ຫລື ຂ່າວຂອງທາງເວັບໄຊພວກເຮົາ ກະລຸນາພິມເປັນພາສາລາວ ເພື່ອເປັນການເຂົ້າໃຈເຖິງຈຸດປະສົງຂອງທ່ານທີ່ຈະໃຫ້ຄໍາແນະນໍາຕ່າງໆ ແລະ ພວກເຮົາຈະສະແດງຂໍ້ຄວາມຂອງທ່ານອອກ ທາງຫນ້າເວັບໄຊ (ພາສາອື່ນໆພວກເຮົາຈະບໍ່ສະແດງໃນຫນ້າເວັບໄຊ)

ກະລຸນາລະບຸຂໍ້ຄວາມທີ່ສະແດງໃນຮູບຂ້າງເທິງ.
ຂໍ້ຄວາມເປັນຕົວພິມນ້ອຍ.