ນິທານການເມືອງທຶນນິຍົມ

   ຫາກເພື່ອນຜູ້ອ່ານຕິດຕາມ ຂ່າວຕ່າງປະເທດຈະເຫັນວ່ານະໂຍບາຍ ແລະ ຄຳເວົ້າທີ່ໂຄສະນາໃນການຫາສຽງຂອງປະທານາທິບໍດີສະຫະລັດອາເມລິກາຄົນໃໝ່ Donal Trump

ອາດບໍ່ແມ່ນເລື່ອງຈິງທັງໝົດທີ່ສາມາດນຳມາປະຕິບັດໄດ້ໃນຂອບຂອງການບໍລິຫານປະເທດຕາມສະພາບຄວາມເປັນຈິງເພາະຕ້ອງໄດ້ຜ່ານການເຫັນດີຈາກສະພາສູງ ຫຼື ຜ່ານຂະບວນການຂັ້ນຕອນທີ່ຫຼາຍຝ່າຍໃນອຳນາດລັດເຫັນດີສາກ່ອນ ດັ່ງນັ້ນ ທັງສຽງເຊຍ ແລະສຽງຕົບມືເມື່ອຕອບຫາສຽງເລືອກຕັ້ງອາດເປັນພຽງກະແສເກີດຂຶ້ນແບບດາວຕົກວູບລົງທັນທີເຫດການນີ້ມັນສອນວ່ານີ້ຄືນິທານການເມືອງພາກທຳອິດຂອງທ່ານ Donal Trump.

   ອີງຕາມແຫຼ່ງຂ່າວຕ່າງປະເທດຫຼາຍແຫ່ງຕ່າງພາກັນສະເໜີວ່າ ທ່ານ Donal Trump ໄດ້ ກ່າວຄຳປາໄສຕໍ່ສະພາທຳອິດແມ່ນມີຄວາມຂັດແຍ່ງກັນກັບບົດປາໄສໃນພິທີສາບານຕົນເຂົ້າຮັບ ຕຳແໜ່ງເຖິງແມ່ນວ່ານະໂຍບາຍ American First ຈະໄດ້ຮັບຫາງສຽງສະໜັບສະໜູນເປັນສ່ວນຫຼາຍກໍ່ຕາມແຕ່ຫາງສຽງຄັດຄ້ານກໍມີບໍ່ໜ້ອຍຈາກນະໂຍບາຍຫຼາຍດ້ານທີ່ Donal Trump ຈະນຳມາໃຊ້ພາຍໃຕ້ລັດຖະບານຂອງຕົນເຊັ່ນ ບັນຫາການສ້າງກຳ ແພງລຽບຕາມຊາຍແດນ, ບັນຫາຄົນສ່ວນໃຫຍ່ກໍ່ບໍ່ຄ່ອຍເຫັນດີກັບແນວຄິດຂອງ Donal Trump, ແຕ່ບໍ່ຄວນລືມວ່າໜັງສືພິມ Was- hington Post ກໍຢັ້ງຢືນວ່າ Donal Trump ກ່າວປາໄສຕໍ່ສະພາສູງດ້ວຍໜ້າທີ່ເຂັ້ມງວດ ແລະ ປອງດອງນີ້ແຫຼະທ່ີຢາກເວົ້າວ່າເກມການເມືອງໃນການຫາສຽງ ແລະ ການເມືອງໃນເວທີຂອງສະພາມັນເປັນຄົນລະແບບກັນ.

   ຜູ້ຂຽນໄດ້ອ່ານບົດຂຽນຂອງອາຈານກະສິດພິລົມລົງພິມໃນໜັງສືພິມແນວໜ້າທີ່ເປັນສື່ຈາກປະເທດໄທທີ່ເວົ້າເຖິງນິທານການເມືອງວ່າມັນເປັນຄວາມຈິງພຽງເຄິ່ງດຽວຊຶ່ງແນ່ນອນຜູ້ເລົ່ ນິທານການເມືອງກໍຕ້ອງໄດ້ສ້າງລີລາທ່າທາງ, ໃຊ້ພາສາໃຫ້ຄົນຟັງເກີດຄວາມເຫັນດີຄ້ອຍຕາມໄປນຳແນວຄິດຂອງຕົນນີ້ຄືກົນລະຍຸດການສ້າງພາບພົດທາງການ ເມືອງເພື່ອດຶງຫາງສຽງ ຫຼື ຄະແນນນິຍົມປຽບໃສ່ທ່ານ Donal Trump ຫາສຽງກໍຖືກເປະແຕ່ເມື່ອໄດ້ເຂົ້າມາຮັບຕຳແໜ່ງແລ້ວບໍລິຫານປະເທດນັ້ນຍ່ອມຂຶ້ນກັບຫຼັກການ ແລະກົດໝາຍ ເພາະສິດ ແລະ ອຳນາດຕ້ອງໃຊ້ຜ່ານຫຼາຍໜ່ວຍງານຂອງລັດທີ່ມີອຳນາດທ່ວງດຸນເປັນຕົ້ນແມ່ນຈາກສະພາ, ຢູ່ໃນຕອນທ້າຍຂອງບົດຂຽນດັ່ງກ່າວຍັງເວົ້າເນັ້ນວ່າ: ຖ້າສັງຄົມໃດຍັງປ່ອຍໃຫ້ປະຊາຊົນເຂົ້າໃຈບົນພື້ນຖານຂອງນິທານການເມືອງແລ້ວຍ່ອມມີແຕ່ຄວາມແຕກແຍກ ແລະ ລົ້ມເຫຼວຕາມມາເພາະປະຊາຊົນບໍ່ສາມາດເຂົ້າເຖິງຄວາມຈິງ ໄດ້ທັງໝົດ.

   ເຫັນວ່າໃນຍຸກສື່ມີອຳນາດ ແລະ ຜູ້ສະຫຼາດມີທັງເງິນໃນການໃຊ້ສື່ເປັນເຄື່ອງມື, ຜູ້ບໍລິໂພກສື່ຕ້ອງໃຊ້ປັນຍາຄິດແຍກແຍະຫຼາຍຂຶ້ນໂດຍບໍ່ຟ້າວເຊື່ອຕາມເຂົາທັນທີເພາະມັນອາດເປັນນິທານການເມືອງກ່ໍໄດ້ທີ່ຈະສ້າງພາບຈູງໃຫ້ຄົນຫຼົງວ່າສິ່ງທີ່ເຂົາຄິດເຂົາສະເໜີເປັນສິ່ງທີ່ດີທີ່ສຸດສຳລັບຕົນເອງ (ປະຊາຊົນ) ແຕ່ສຸດທ້າຍກໍບໍ່ສາມາດເຮັດໄດ້ໝົດເພາະມັນເປັນ ຄວາມຈິງພຽງບາງສ່ວນທີ່ເຊື່ອງຊ້ອນຄວາມບໍ່ຈິງໄວ້ຂ້າງໃນ, ການສະເໜີຂໍ້ມູນຂ້າງເທິງນັ້ນກໍເພື່ອຢາກໃຫ້ເພື່ອນຜູ້ອ່ານໄດ້ຮູ້ເຖິງເວທີການເມືອງຂອງໂລກທຶນນິຍົມນັ້ນຄວາມຈິງມັນເປັນແນວໃດ?.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ