ເງິນຄືອາສໍລະພິດ

   ຄວາມ​ຈິງ​ເງິນ​ກະ​ຄື​ເງິນ ມັນ​ເປັນພຽງ​ທະ​ນາບັດ​ທີ່​ກຳນົດ ຂຶ້ນ​ມາ​ນຳ​ໃຊ​້​ເປັນ​ສິ່ງ​ມີຄ່າ​ສຳລັບ​ມະນຸດ​ດ້ວຍ​ກັນ​ແຕ່​ຢູ່​ພາຍ​ໃຕ້​ໂລກ ສົມມຸດ​ອັນ​ນີ້ ​ເຮັດ​ໃຫ້​ຄົນ​ເຮົາ​ແຂ່ງຂັນ​ກັນ​ສະ​ສົມ​

ຄວາມ​ຮັ່ງມີ​ລ້ຳ​ລວຍ​ເພາະ​ຖ້າ​ເຂົ້າ​ສັງຄົມ​ແລ້ວກໍພາກັນ​ເວົ້າ​ເຖິງ​ຖານະ​ທາງ​ວັດຖຸເປັນ​ສິ່ງ​ເຊີດ​ໜ້າຊູ​ຕາ ​ແລະ​ ອາດ​ມີພຽງ​ໜ້ອຍ​ຄົນ​ທີ່​ຍ່າງ​ສວນ​ທາງ​ກັບ​ຄວາມ​ລ້ຳ​ລວຍ​ແຕ່​ກໍ​ຜ່າ​ຍ​ແພ້ ​ໃຫ້​ກັບ​ກະ​ແສ​ເງິນ​ທີ່​ມາ​ແຮງ​ກວ່າ, ​ເຄີຍ​ໄດ້​ຍິນ​ຄູບາ​ອາຈານ​ສອນ​ໄວ້ ວ່າ ​ເງິນ ຄື ອາ​ສໍ​ລະ​ພິດທີ່​ສາ​ມາດກັກ​ເຈົ້າ​ຂອງ​ໃຫ້​ຕາຍ​ໄດ້​ເມື່ອ​ຫວນນຳ​ມາ​ຄິດ​ກັບ​ເຫດການ​ໃນ​ປະຈຸ​ບັນ ຈິ່ງ​ບໍ່​ແຕກ​ຕ່າງ​ກັນ​ປານ​ໃດເພາະ​ປາກົດ​ມີ​ຂ່າວ​ວ່າຄົນ​ລວຍ​ໃນ​ທາງ​ທີ່​ບໍ່​ຖື​ກຕ້ອງຖືກ​ຢຶດຊັບ​ກໍ​ມີ​ຫຼາຍ​ຄະດີ.

   ຜູ້​ຂຽນ​ໄດ້​ຕິດຕາມ​ຂ່າວ​ທາງໜັງສື​ພິມປະ​ຊາ​ຊົນ​ເສດຖະກິດ- ສັງຄົມອອກ​ຂ່າວ​ເມື່ອ​ວັນ​ຈັນ ທີ 27 ຜ່ານ​ມາ​ນີ້​ວ່າ: ກະຊວງ​ການ​ເງິນ​ເຜີຍ​ແຜ່​ຂໍ້​ຫ້າມ ​ແລະ​ ວິ​ໄນ​ແກ່ ພະນັກງານ, ​ເນື້ອ​​ໃນ​ຂ່າວ​ເວົ້າວ່າ: ຢູ່​ຫ້ອງ​ປະຊຸມ​ກະຊວງ​ການ​ເງິນ ​ໄດ້​ຈັດ​ສຳ​ມະ​ນາ​ເຜີຍ​ແຜ່​ຮ່າງ​ຂໍ້ຕົກລົງ​ຂອງ​ລັດຖະມົນຕີ​ກະຊວງ​ການ ​ເງິນ, ລວມທັງ​ຄົ້ນ​ຄວ້າ​ປຶກສາ​ຄຳສັ່ງ​ແນະນຳ​ຂອງ​ນາຍົກລັດຖະມົນ ຕີ ​ເລກທີ 36/ນຍ ວ່າ​ດ້ວຍ​ຫັນ ວຽກ​ພາສີ, ສ່ວຍ​ສາ​​​ອາກອນ ​ ​ແລະ​ຄັງ​ເງິ​ນ​ແຫ່ງ​ຊາດ ລວມສູນ ຕາມ​ສາຍ​ຕັ້ງ​ຂຶ້ນ​ໂດຍ​ກົງ​ກັບ​ກະຊວງ​ການ​ເງິນ, ​ໃນກອງ​ປະຊຸ​ມດັ່ງກ່າວ ທ່ານ ບຸນ​ໂຈມ ​ອຸບົນ​ປະ​ເສີດ ຮອງ​ລັດຖະມົນຕີ​ກະຊວງ​ ການ​ເງິນ​ໄດ້​ເນັ້ນໜັກ​ໃຫ້​ພະນັກງານ​ການ​ເງິນ​ເອົາ​ໃຈ​ໃສ່​ຕໍ່ຈັນ​ຍາ​ບັນ​ຂອງ​ຕົນ, ​ໃຫ້ການ​ຈັດ​ຕັ້ງ​ຂະ​ແໜງ​ການ​ເງິນ​ທຸກ​ຂັ້ນມີ​ຄວາມ ​ໂປ່​ງ​ໃສ, ​ເຂັ້ມ​ງວດ​ໃນ​ການ​ປະຕິ ບັດ​ກົດໝາຍ ​ແລະລະບຽບການ​ທີ່ ກ່ຽວຂ້ອງ.

​   ໃນ​ຂ່າວ​ດັ່ງກ່າວ​ຍັງ​ເວົ້າ​ຕື່ມ​ວ່າ: ກະຊວງ​ກາ​ນ​ເງິນ​ໄດ້​ອອກຂໍ້​ຫ້າມ 10 ຂໍ້ ​ເຊັ່ນ: ຫ້າ​ມສ້າງ ​ແລະ ລາຍ​ງານ​ຂໍ້​ມູນ​ທີ່​ບໍ່​ຖືກຕ້ອງ ຫຼື ບໍ່ ມີ​ມູນ​ຄວາມ​ຈິງ, ສ້າງ​ກຸ່ມ​ກ້ອນ, ປັ່ນ​ປ່ວນ, ​ແບ່ງ​ແຍກ​ຄວາ​ສາມັກຄີ​ພາຍ​ໃນ​ກໍ​​ໃຫ້​ເກີດ​ຄວາມ​ເສຍ​ຫາຍ ຕໍ່​ການຈັດ​ຕັ້ງ ຫຼື ບຸກຄົນ, ຫ້າມສົມ ຮູ້​ຮ່ວມຄິດ, ປົກ​ປ້​​ອງ, ​ເຊື່ອງ​ອຳ​ ການ​ກະທຳ​ຜິດ​ລະ​ເມີດ​ກົດໝ​າຍ ​ແລະ​ ລະບຽບການ​ກ່ຽວ​ກັບ​ພາສີ, ສ່ວຍ​ສາ​ອາກອນ​ຊັບ​ສິນ​ຂອງ​ລັດ, ຫ້າມ​ປອມ​ແປງ​ເອກະ​ສາ​ນຖານ​ຂໍ້ ມູນ,​ໃບ​ເກັບ​ເງິນ​ອາກອນ, ພາສີ, ຊັບ​ສິນ, ຄັງ​ເງິນ, ຫ້າມ​ນຳ​ໃຊ້​ເອກະສາ​ນປອມ​ເພື່ອ​ຫາ​ຜົນ​ປະ​ໂຫຍ​ດສ່ວນ​ຕົວ, ຫ້າມ​ສວຍ​ໃຊ້​ໜ້າ​ທີ່​ໃນ ​ການ​ຕົກລົງ, ປອມ​ແປງມາດຖານ​ ເຕັກ​ນິກ, ບໍລິ​ມາດ, ລາຄາ​ຫົວໜ່ວຍການ​ປະມູນ... ຖ້າ​ຫາກ​ພະນັກງານ​ລັດຖະກອນ​ຂະ​ແໜງ​ການ​ເງິນ​ລະ​ເມີດ​ຈະ​ຖື​ກປະຕິບັດ ມາດ​ຕະການ​ຢ່າງ​ເຂັ້ມ​ງວດ.

   ຜູ້​ຂຽນ​ຕິດຕາມ​ຂ່າວ​ກ່ຽວກັບວຽກ​ງານການ​ເງິນ​ກໍ​ເຫັນ​ວ່າທ່ານຮອງ​ນາຍ​ົກ-ລັດຖະມົນຕີ​ກະຊວງ​ການ​ເງິນ​ໄດ້​ຂຶ້ນ​ເໜືອ​ລົງ​ໃຕ້ເພື່ອຊີ້​ນຳ​ວຽກ​ງາ​ນການ​ເງິນ (​ເກັບ​ລາຍຮັບ) ​ເພາະວ່າ​ຖ້າ​ມີ​ການ​ຮົ່ວ​ໄຫຼໃນການ​ເກັບ​ລາຍ​ຮັບ​ເຂົ້າ​ຄັງ​ເງິນນັ້ນຍ່ອມ​ພາ​ໃຫ້​ວຽກ​ງານ​ອ່ອນ​ບໍ່​ສາມາດ​ສະໜອງ​ງົບປະມານ​ແກ່​ການ​ພັດທະນາ​ຕາມ​ແຜນ​ໄດ້ຊຶ່ງ​ບໍ່ຕ່າງຫຍັງ​ກັບ​ການ​ເງິນ​ຄອບຄົວຖ້າ​ມີຮູ​ຮົ່ວ​​ແລ້ວຍາກ​ທີ່​ຈະສ້າງຄອບຄົວ​ໃຫ້​ໝັ້ນຄົງ​ໄດ້, ​ເງິນ​ຈິ່ງປຽບ​ ດັ່ງ​ອະສໍລະ​ພິດ ທີ່​ສາມາດ​ຂ້າ​ຄົນໃຫ້​ຕາຍ​ເພາະ​ຄວາມ​ໂລບ​ໄດ້ຖ້າວ່າ​ເງິນ ຫຼື  ຄວາມ​ລ້ຳ​ລວຍ ນັ້ນ​ມີທີ່​ມາບໍ່ຖືກ​ກົດໝາຍ ຫຼື ​ເຮັດ​ຜິດລະບຽບວິ​ໄນ​ຂອງ​ລັດ, ມີ​ແຕ່​ຈັນຍາ​ບັນ ​ແລະ ​ສິນ​ທຳ​ປະຕິວັດ​ເທົ່ານັ້ນ​ທີ່​ຈະ​ປາບ​ອາ​ສໍ​ລະ​ພິດ​ໄດ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ