ເມືອງທົ່ງມີໄຊ ຈັດງານພົບປະຕັ້ງຄ້າຍເຍົາວະຊົນຄັ້ງທຳອິດເພື່ອ 7 ຈຸດປະສົງຫຼັກ

     ເພື່ອເປັນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຂອງຜູ້ແທນຊາວໜຸ່ມແຂວງຄັ້ງທີ III ຂອງຜູ້ແທນຊາວໜຸ່ມເມືອງ ວາງອອກໃຫ້ໄດ້ຮັບຜົນສຳເລັດຕາມລະດັບຄາດໝາຍ ແລະເພື່ອຂໍ່ານັບຮັບຕ້ອນການສະເຫຼີມສະຫຼອງວັນສ້າງຕັ້ງຊາວໜຸ່ມປະຊາຊົນປະຕິວັດລາວຄົບຮອບ 62 ປີ ທີ່ຈະມາເຖິງໃຫ້ມີບັນຍາກາດຟົດຟື້ນໃນຕອນເຊົ້າຂອງວັນທີ 6 ເມ ສາ 2017 ຢູ່ທີ່ເດີນກີລາເມືອງທົ່ງມີໄຊ

ໄດ້ຈັດງານພົບປະຕັ້ງຄ້າຍເຍົາວະຊົນຄັ້ງທີ I ຂຶ້ນໂດຍການ ເຂົ້າຮ່ວມຂອງ ສົມພອນ ໄຊດວງຕາ ເຈົ້າເມືອງໆທົ່ງມີໄຊ ທ່ານ ສຸລິສັກ ຄຳອ່ອນ ຮອງເລຂາປະທານ ກວດກາຄະນະບໍລິຫານງານຊາວໜຸ່ມແຂວງໄຊຍະບູລີພ້ອມດ້ວຍ ພາກສ່ວນທີ່ກ່ຽວຂ້ອງຕ່າງໆຂອງ ເມືອງຕະຫຼອດຮອດນ້ອງນ້ອຍເຍົາວະຊົນເຂົ້າຮ່ວມ.

     ການຈັດງານພົບປະຕັ້ງຄ້າຍຄັ້ງນີ້ແມ່ນມີຈຸດປະສົງຄື 1 ເປັນການສຶກສາສະມາຊິກເຍົາວະຊົນທາງກົງ ແລະທາງອ້ອມໂດຍຜ່ານການເຄື່ອນໄຫວກິດຈະກຳຕົວຈິງ 2 ສ້າງຄວາມສາມັກຄີ ຊ່ວຍເຫຼືອເຊິ່ງກັນ ແລະກັນຂອງສະມາຊິກເຍົາວະຊົນບັນດາໂຮງຮຽນ 3 ແລກປ່ຽນບົດຮຽນໃນການຊີ້ນຳໆພາຂອງເຍົາວະຊົນແຕ່ລະໂຮງຮຽນ 4 ເປັນການຊຸກຍູ້ສົ່ງເສີມສ້າງເງື່ອນໄຂອຳນວຍຄວາມສະດວກໃຫ້ນ້ອງນ້ອຍເຍົາວະຊົນໄດ້ມີໂອກາດແລກປ່ຽນບົດຮຽນການເຂົ້າຮ່ວມສ້າງກິດຈະກຳຕ່າງໆ, ເຍົາວະຊົນໄດ້ສະແດງຄວາມສາມາດ ແລະພອນສະຫວັນດ້ານຕ່າງໆຂອງເຂົາເຈົ້າ ອອກມາ 5 ເປັນການຊຸກຍູ້ການແຂ່ງຂັນຮ່ຳຮຽນ ແລະຝຶກຝົນຫຼໍ່ຫຼອມຕົນເອງ 6 ເປັນການປູກຈິດສຳນຶກໃຫ້ເຍົາວະຊົນໄດ້ຮຽນຮູ້ລະບຽບແບບແຜນຂອງເຍົາວະເຊົາທັນວາ, ປະຕິບັດຄຳສອນ 6 ຮັກ 3 ຊັງ, ຂໍ້ແຂ່ງຂັນ 3 ດີ 4 ຮູ້ຂອງເຍົາວະຊົນໃຫ້ປາກົດຜົນເປັນຈິງ 7 ປຸກລະດົມຊຸກຍູ້ພອນ ສະຫວັນຂອງເດັກດ້ານຕ່າງໆ ແລະບັນຍາກາດໃນການແຂ່ງຂັນ.

     ເຍົາວະຊົນທີ່ໄດ້ເຂົ້າຮ່ວມໃນ ການຕັ້ງຄ້າຍໃນຄັ້ງນີ້ມີໂຮງຮຽນ ມັດທະຍົມ 3 ແຫ່ງ, ປະຖົມ 5 ແຫ່ງ, ມີຕົວແທນສະມາຊິກເຍົາວະຊົນເຂົ້າຮ່ວມຕັ້ງຄ້າຍທັງໝົດ 80 ນ້ອງ, ຍິງ 39 ນ້ອງພ້ອມດຽວກັນນັ້ນໃນຄ່ຳຄືນຂອງວັນ ດຽວກັນຍັງໄດ້ມີການຮັບຊົມສະແດງສິລະປະວັນນະຄະດີຂອງ ນ້ອງນ້ອຍເຍົາວະຊົນນຳອີກ.

     ຜົນຂອງການແຂ່ງຂັນການຕັ້ງຄ້າຍສຳລັບໂຮງຮຽນມັດທະຍົມທີ 1 ແມ່ນມາຈາກໂຮງຮຽນ ມສ ນາມ່ວງ, ທີ 2 ແມ່ນມາຈາກໂຮງຮຽນ ມສ ທົ່ງມີໄຊ, ທີ 3 ແມ່ນມາຈາກໂຮງຮຽນ ມໍຕົ້ນ ບ້ານໃໝ່ ສຳລັບໂຮງຮຽນປະຖົມທີ 1 ແມ່ນມາຈາກໂຮງຮຽນປະຖົມບ້ານທາດ ທີ 2 ແມ່ນມາຈາກໂຮງຮຽນປະຖົມບ້ານໃຫຍ່, ທີ 3 ແມ່ນມາຈາກ ໂຮງຮຽນປະຖົມບ້ານແດດບວກກັບບ້ານນາມ່ວງ, ພ້ອມດຽວກັນ ນີ້ຍັງມອບໃບຊົມເຊີຍໃຫ້ກັບບຸກຄົນນັກທຸລະກິດຜູ້ປະກອບການທີ່ມາຊຸກຍູ້ຊ່ວຍເຫຼືອ ແລະໜ່ວຍຮາກຖານຊາວໜຸ່ມເຍົາວະຊົນຈຳນວນ 13 ສະຫາຍ, ຈາກນັ້ນການ ນຳຂອງເມືອງກັບນ້ອງນ້ອຍຊາວໜຸ່ມເຍົາວະຊົນໄດ້ຮ່ວມກັນຊຸມນຸມ ກອງໄຟເພື່ອປະຕິຍານຕົນດ້ວຍ ຄວາມຈາລຶກຄຸນງາມຄວາມດີ ແລະຄວາມອາໄລຮັກຢ່າງສຸດຊື້ງເຖິງ ປະທານໄກສອນ ພົມວິຫານ ຜູ້ເປັນ ສະມາຊິກຊາວໜຸ່ມຮຸ່ນທຳອິດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ