ສົມປັນຍາໂຮງຮຽນປອດຢາເສບຕິດ 5 ປີຊ້ອນ

     ໂຮງຮຽນສົມປັນຍາເປັນ ອີກໂຮງຮຽນທີ່ເນັ້ນຄຸນນະພາບໃນການຮຽນການສອນໃຫ້ແກ່ນັກ ຮຽນແນໃສ່ໃຫ້ນັກຮຽນມີຄວາມ ຮູ້ຄວາມສາມາດ ຊຶ່ງໃນໄລຍະຜ່ານມາກໍໄດ້ສົ່ງນັກຮຽນໄປແຂ່ງ ຂັນຢູ່ຕ່າງປະເທດ ນອກນັ້ນທາງ ໂຮງຮຽນຍັງໄດ້ເປັນໂຮງຮຽນ ປອດຢາເສບຕິດເຖິງ 5 ປີຊ້ອນ.

 

     ທ່ານ ຄຳເສີມ ມະນີວົງ ຜູ້ອຳນວຍການໂຮງຮຽນສົມປັນຍາໃຫ້ສຳພາດວ່າ: ໂຮງຮຽນສົມປັນຍາ ແມ່ນໄດ້ສ້າງຕັ້ງຂຶ້ນໃນປີ 2009 ທີ່ບ້ານຊ້າງຄູ້ ເມືອງໄຊທານີ ນະຄອນຫຼວງວຽງຈັນ ໂດຍເລີ່ມຈາກອະນຸບານ, ຕໍ່ມາຈຶ່ງໄດ້ຂະຫຍາຍມາເປັນໂຮງຮຽນປະຖົມ, ມັດທະຍົມຕອນຕົ້ນ ແລະມັດທະຍົມຕອນປາຍ, ປະຈຸບັນທົ່ວໂຮງຮຽນມີນັກ ຮຽນທັງໝົດ 715 ຄົນ ແລະຄູ 58 ຄົນ, ນັກຮຽນທີ່ມາຮຽນແມ່ນຢູ່ອ້ອມຂ້າງເປັນຕົ້ນໜອງພະຍາ, ດອນຕິ້ວ, ໂພນພະເນົາ ແລະອື່ນໆ, ສ່ວນຄ່າຮຽນສຳລັບອະນຸບານ 4,3 ແສນກີບຕໍ່ເດືອນ ລວມທັງເຂົ້າທ່ຽງ, ອາຫານວ່າງ ແລະອຸປະ ກອນການຮຽນ, ສຳລັບປະຖົມ, ມັດທະຍົມຕອນຕົ້ນ ແລະຕອນປາຍ ແມ່ນຂຶ້ນກັບລະດັບຊັ້ນ ແລະອຸປະກອນການຮຽນ.

     ທ່ານ ຄຳເສີມ ມະນີວົງ ໃຫ້ຮູ້ຕື່ມວ່າ: ໂຮງຮຽນສົມປັນຍາແມ່ນເນັ້ນຄຸນນະພາບໃນການຮຽນການສອນ ໂດຍຮຽນໄປແລ້ວໄລຍະໜຶ່ງ ກໍຈະມີການປະເມີນ, ວັດແທກຄວາມຮູ້ຂອງນັກຮຽນເພື່ອສ້າງ ໃຫ້ນັກຮຽນມີຄວາມຮູ້ຄວາມສາ ມາດ ນອກນັ້ນນັກຮຽນທຸກໆຄົນພາຍໃນໂຮງຮຽນຍັງຈະໄດ້ຮຽນຄອມພິວເຕີເພື່ອໃຫ້ນັກຮຽນມີພື້ນຖານໄປແຕ່ນ້ອຍ ຊຶ່ງໃນໄລຍະ ຜ່ານມາທາງໂຮງຮຽນກໍໄດ້ສົ່ງນັກຮຽນຂັ້ນນະຄອນຫຼວງວຽງຈັນ ພ້ອມທັງສົ່ງນັກຮຽນໄປແຂ່ງຂັນງານວິທະຍາສາດທີ່ປະເທດ ຈີນໃນປີ 2015 ສາມາດຍາດໄດ້ຫຼຽນທອງ ແລະປີ 2016 ຢາດ ໄດ້ຫຼຽນຄຳ ທັງນີ້ ໂຮງຮຽນສົມປັນຍາຍັງເປັນໂຮງຮຽນປອດຢາເສບຕິດ 5 ປີຊ້ອນຕິດຕໍ່ກັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ