ປະຖົມໂຊກອຳນວຍ ສຳເລັດກອງປະຊຸມໃຫຍ່ໜ່ວຍພັກ

     ວັນທີ 31 ມີນາຜ່ານມາ ນີ້ທີ່ໂຮງຮຽນປະຖົມສົມບູນບ້ານໂຊກອໍານວຍ ເມືອງປາກເຊແຂວງຈໍາປາສັກ ໄດ້ຈັດກອງປະຊູມໃຫຍ່ຄັ້ງທີ III ຂອງໜ່ວຍພັກຂຶ້ນໂດຍການເຂົ້າຮ່ວມຂອງ ທ່ານ ອໍາຄາ ປ້ອງວິໄລ ປະທານກວດກາພັກ-ລັດເມືອງປາກເຊ, ທ່ານ ສີສະຫວາດ ທອງປະເສີດ ຮອງຫົວໜ້າ ຫ້ອງການສຶກສາທິການ ແລະກີລາເມືອງປາກເຊ ພ້ອມດ້ວຍບັນ ດາທ່ານແຂກຜູ້ໃຫຍ່ທີ່ກ່ຽວຂ້ອງ ແລະບັນດາຄູອາຈານພາຍໃນໂຮງຮຽນເຂົ້າຮ່ວມຢ່າງພ້ອມພຽງ.

 

     ຕະຫຼອດໄລຍະ 3 ປີຜ່ານມາ (2013-2016) ໂຮງຮຽນປະຖົມສົມບູນໂຊກອໍານວຍເອົາໃຈ ໃສ່ໃນການຈັດຕັ້ງຜັນຂະຫຍາຍ ມະຕິ IX ຂອງສູນກາງພັກ, ມະຕິ VI ຂອງອົງຄະນະພັກແຂວງຈໍາປາສັກ, ມະຕິ V ແລະມະຕິ VI ຂອງອົງຄະນະພັກເມືອງ ແລະມະຕິຄໍາສັ່ງຕ່າງໆຂອງເມືອງວາງອອກ ໄດ້ທັນຕາມກໍານົດເວລາ, ນອກນີ້ກໍ່ຍັງສາມາດຜ່ານຜ່າຕໍ່ສີ່ງທ້າຍທາຍ ແລະຂໍ້ຫຍຸ້ງຍາກຕ່າງໆສູ້ຊົນເຮັດ ໃຫ້ໄດ້ຕາມລະດັບຄາດໝາຍ ແລະມີຜົນສໍາເລັດຕາມແຜນການທີ່ວາງໄວ້, ປະຈຸບັນໂຮງຮຽນມີນັກຮຽນທັງໝົດ 804 ຄົນ, ມີຄູອາຈານສິດສອນທັງໝົດ 10 ກວ່າຄົນ ຊຶ່ງໃນປີທີ່ຜ່ານມານັກຮຽນສາມາດສອບເສັງເລື່ອນຊັ້ນໄດ້ 100%.

     ໃນກອງປະຊຸມດັ່ງກ່າວຜູ້ເຂົ້າຮ່ວມຍັງໄດ້ໃຊ້ສິດເຂົ້າໃນການປ່ອນບັດຄັກເລືອກເອົາຄະນະເລຂາໜ່ວຍພັກຊຸດໃໝ່ ຊຶ່ງຜ່ານການປ່ອນບັດເຫັນວ່າໄດ້ສໍາເລັດຕາມລະດັບຄາດ ໝາຍຢ່າງຈົບງາມ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ