ເມືອງນອງ ປະກາດ 7 ບ້ານ ເປັນບ້ານວັດທະນະທຳ

   ເມື່ອບໍ່ດົນຜ່ານມານີ້ ຫ້ອງ ການ ຖວທ ເມືອງນອງລົງຊຸກຍູ້ການກໍ່ສ້າງບ້ານວັດທະນະທໍາໃນ 7 ບ້ານທີ່ຂຶ້ນກັບຈຸດສຸມແກ້ງລີ້ນປະກອບມີ ບ້ານລະເບົາໂຄກ, ລະເບົານໍ້າ, ບ້ານປໍໂຄກ, ບ້ານປາຈະຕຽນ, ບ້ານຜູ້ໄທ, ບ້ານທ່າທາ ແລະ ບ້ານໄກສອນ.

 

   ພິທີດັ່ງກ່າວໄດ້ຈັດຂຶ້ນທີ່ບ້ານລະເບົາໂຄກ ເມືອງນອງ  ແຂວງ ສະຫວັນນະເຂດ ນໍາໂດຍທ່ານ ທອງຄູນ ໝອນບຸນໂຮມ ກໍາມະການພັກເມືອງ ຫົວໜ້າຫ້ອງການ ຖວທ ເມືອງ, ທ່ານ ຖັນມາລາ ໄຊຍະວົງ ເລຂາຄະນະພັກຮາກຖານຫົວໜ້າຈຸດສຸມແກ້ງລີ້ນມີບັນດາພະນັກງານວິຊາການ, ອໍານາດການປົກຄອງ ແລະ ອົງການຈັດຕັ້ງທຸກຂັ້ນພາຍໃນ 7 ບ້ານ ເຂົ້າຮ່ວມ.

   ທ່ານ ທອງຄູນ ໜອນບຸນໂຮມຫົວໜ້າຫ້ອງການ ຖວທ ໄດ້ຂຶ້ນກ່າວຈຸດປະສົງເປົ້າໝາຍຂອງ ການສ້າງຄອບຄົວ ແລະ ບ້ານວັດທະນະທໍາໃນແຕ່ລະບາດກ້າວຂອງຂັ້ນຕອນໃນແຕ່ລະໄລຍະ ພ້ອມທັງໄດ້ເຜີຍແຜ່ມາດຖານເງື່ອນໄຂໃນການສ້າງຄອບຄົວວັດທະນະທໍາຊຶ່ງແຕ່ລະຄອບຄົວ ຕ້ອງສູ້ຊົນປະຕິບັດໃຫ້ໄດ້ 5 ມາດຖານເງື່ອນໄຂ ແລະ 5 ມາດຖານ ເງື່ອນໄຂໃນການສ້າງບ້ານວັດທະນະທໍາ. ທັງນີ້ກໍ່ເພື່ອເຮັດໃຫ້ອໍານາດການປົກຄອງ ແລະ ບັນດາອົງການຈັດຕັ້ງທຸກຂັ້ນໃນແຕ່ລະບ້ານຮັບຮູ້ ແລະ ເຂົ້າໃຈເລິກເຊິ່ງເພື່ອເຮັດໃຫ້ການພັດທະນາ ແລະຮູ້ຈັກທຳການຜະລິດຂຶ້ນເລື້ອຍໆພ້ອມທັງເປັນການຊຸກຍູ້ໃຫ້ແຕ່ລະຄອບຄົວມີຄວາມຕື່ນຕົວເຂົ້າຮ່ວມ ໃນຂະບວນການສ້າງຄອບຄົວ ແລະ ບ້ານວັດທະນະທໍາໃຫ້ໄດ້ຕາມແຜນການທີ່ວາງໄວ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ເພີ່ມເຕີມໃນໝວດນີ້:

ໄປເທິງສຸດ