ຄວາມເປັນມາຂອງວັນຂື້ນປີໃໝ່ລາວ

    ການໄຫວ້ວອນຂອງເສດຖີ ໄດ້ຮ້ອນເຖິງພະຍາອິນພະຍາພົມພະຍາພົມຈິ່ງແຕ່ງໃຫ້ທ້າວທຳມະ ບານກຸມມານລົງມາເກີດນຳເປັນລູກຂອງເສດຖີທ້າວທຳມະບານກຸມມານເວລາ

ໃຫຍ່ເປັນຄົນສະຫຼຽວສະຫຼາດສາມາດເປັນຄູສອນໄຕເພດວິຊາອາຄົມທັງ 3 ພາກໃຫ້ບ່າວໄພ່ລາຊະດອນຊຶ່ງຢູ່ໃນໄວພຽງ 10 ຂອບມີ ຊື່ສຽງໂດ່ງດັງໄປເຖິງທ້າວກະບິນລະພົມຜູ້ມີປັນຍາວິຊາ ຄວາມຮູ້ກວ່າພະຍາພົມທັງໝົດທົ່ວເມືອງແຖນກະບິນລະພົມຈິ່ງຄິດຢາກທົດລອງຄວາມຮູ້ກັບທຳມະ ບານກຸມມານ ວັນໜຶ່ງໄດ້ລົງມາພົບ ທຳມະບານກຸມມານ ແລະຂໍຖາມບັນຫາມີການພະນັນຂັນຕໍ່ເຊິ່ງກັນ ແລະ ກັນໂດຍເອົາຫົວເປັນປະກັນຖ້າທ້າວທຳມະບານກຸມມານຕອບໄດ້ກະບິນລະພົມຍອມໃຫ້ຕັດຄໍເອົາຫົວໄປບູຊາທຳມະບານກຸມມານ ຫາກວ່າທຳມະບານກຸມມານຕອບບໍ່ໄດ້ຕ້ອງຖືກຕັດຄໍເອົາຫົວໄປບູຊາທ້າວກະບິນລະພົມ.

    ສາມວັນຜ່ານໄປທ້າວທຳມະ ບານກຸມມານຕອບຄຳຖາມຂອງກະບິນລະພົມບໍ່ໄດ້ຄິດອາຍບ່າວໄພ່ລາຊະດອນທັງຄິດຢ້ານກະບິນລະພົມຕັດຄໍຈິ່ງຕັດສິນໃຈໜີຈາກວັງຊັດເຊພະເນຈອນໄປຕາມປ່າຕາມດົງຈົນເຖິງວັນທີ 6 ທຳມະບານກຸມມານອິດເມື່ອຍຫຼາຍຈິ່ງໄດ້ນອນຫຼັບເທີ້ງຢູ່ຕົ້ນໄຮໃຫຍ່ຕົ້ນໜຶ່ງຢູ່ເທິງນັ້ນໄດ້ມີນົກອິນຊີຜົວເມຍເຮັດຮັງຢູ່ພໍເຖິງຕອນຄໍ່າມານົກອິນຊີຜົວເມຍໄດ້ລົມກັນວ່າມື້ອື່ນເຊົ້າບໍ່ຕ້ອງໄປຫາກິນຍາກພວກເຮົາຈະໄດ້ກິນຊາກສົບທີ່ຜາສາດ ຈາກຫົວ ຂອງທ້າວທຳມະບານກຸມມານເພາະວ່າຈະຖືກກະບິນລະພົມຕັດຄໍເພາະຕອບບັນຫາຂອງກະບິນລະພົມບໍ່ໄດ້ນົກອິນຊີຜູ້ເປັນເມຍໄດ້ຖາມຜົວວ່າແມ່ນບັນຫາອັນໃດແລ້ວເຈົ້າ ຕອບໄດ້ບໍ່ ໂອຍ! ບັນຫາກ່ຽວກັບລາສີຂອງຄົນໃນມື້ໜຶ່ງມີຢູ່ໃສແດ່ຍາມເຊົ້າລາສີທີ່ຢູ່ໜ້າຄົນເຮົາຕື່ນເຊົ້າມາໄດ້ເອົານ້ຳສວ່າຍໜ້າ, ຍາມສວາຍລາສີຢູ່ເອິກຄົນມັກເອົາລູບເອິກສ່ວນຍາມແລງລາສີຄົນຢູ່ຕີນເພາະທຸກຄົນກ່ອນຈະເຂົ້ານອນຕ້ອງເອົານ້ຳລ້າງຕີນ ທ້າວທຳມະບານກຸມມານ ເປັນຄົນຮູ້ພາສານົກໄດ້ດີ ພໍໄດ້ຍິນຄຳຕອບຂອງນົກອິນຊີແລ້ວຕື່ນເຊົ້າມາທ້າວໄດ້ກັບຄືນບ້ານແຕ່ເຊົ້າໆເພື່ອໄປລໍຖ້າຕອບກະບິນລະພົມຕາມນັດໜາຍເພາະມື້ນັ້ນເປັນວັນທີ 7 ແລ້ວທີ່ທັງສອງຝ່າຍໄດ້ນັດໝາຍໃນການແກ້ບັນຫາ.

   ພໍເຖິງເວລານັດໝາຍກະບິນລະພົມກໍໄດ້ມາເຖິງທຳມະບານກຸມມານຈິ່ງໄດ້ສະເຫຼີຍບັນຫາດັ່ງກ່າວແກ່ພະບິນລະພົມຟັງເຫັນວ່າຄຳຕອບດັ່ງກ່າວແມ່ນຖືກຕ້ອງກະບິນລະພົມຍອມໃຫ້ຕັດຄໍຕົນເອງບູຊາທຳມະບານກຸມມານຕາມສັນຍາແຕ່ກ່ອນກະບິນລະພົມຈະຖືກຕັດຄໍໄດ້ສັ່ງໃຫ້ລູກສາວທັງ 7 ເອົາພາພານມາໂຕ່ງໄວ້ແລ້ວເອົາໄປຮັກສາໄວ້ທີ່ຫໍນ້ອຍເທິງພູເຂົາໄກລາດຄັນຮອດຍາມເດືອນ 5 ໃຫ້ລູກສາວປ່ຽນກັນແຕ່ລະປີເອົາຫົວຂອງຕົນອອກມາຫົດສົງສະນັ້ນການຫົດ ສົງຫົວກະບິນລະພົມຈິ່ງກາຍມາເປັນຮີດຄອງປະເພນີຂອງຊາວລາວ ແລະຖືເປັນວັນປີໃໝ່ຂອງ ຊາດກໍຄືມໍລະດົກອັນລ້ຳຄ່າຂອງຄົນລາວມາແຕ່ດົນນານເນື່ອງຈາກວ່າພາຍລຸນມາ ບັນພະບຸລຸດລາວ ເມື່ອເຖິງວັນນັ້ນໄດ້ພາກັນເອົານ້ຳ
ຫົດສົງກັນທາງພຸດທະສາສະໜາຜັດໄດ້ມີແນວຄິດເອົາພະພຸດທະຮູບລົງມາໃຫ້ຍາດໂຍມຫົດສົງພິທີກຳດັ່ງກ່າວຈິ່ງໄດ້ຕົກທອດມາຮອດທຸກວັນນີ້.

   ດັ່ງນັ້ນພວກເຮົາຄົນລາວທຸກຄົນໃນຖານະເປັນຜູ້ສືບທອດຮີດຄອງປະເພນີຊຶ່ງເປັນມໍລະດົກທາງດ້ານວັດທະນະທຳຈາກບັນພະບຸລຸດລາວຄວນຄິດໃສ່ໃຈຢູ່ສະເໝີວ່າຖ້າມໍລະດົກເຫຼົ່ານີ້ໄດ້ຮັບຄວາມຄົງຕົວສີວິໄລຮຸ່ງເຮືອງຢູ່ຄຽງຄູ່ກັບປະເທດຊາດຂອງເຮົາສະແດງວ່າເຮົາ ຕ້ອງຮັກສາມໍລະດົກ ແລະກຽດສັກສີຂອງຊາດກໍຄືເຈຕະນາລົມຂອງບັນພະບຸລຸດຂອງພວກເຮົາໄວ້ໄດ້ຖ້າພວກເຮົາປະລະຮີດໃຫ້ໝອງຄອງໃຫ້ເສົ້າກະສະແດງເຖິງຂີດຄວາມຮັບຜິດຊອບຂອງພວກເຮົາໃນການປົກປັກຮັກສາມໍລະດົກ ແລະ ປະເທດຊາດຂອງພວກເຮົາບໍ່ໄດ້ຜົນກະທົບຕາມມາກໍຈະເຮັດໃຫ້ຮີດຄອງປະເພນີຊຶ່ງເປັນມໍລະດົກຂອງຊາດເສື່ອມສູນໄປພ້ອມດຽວກັນນີ້ປະເທດອັນເປັນທີ່ຮັກ ແລະ ຫວງແຫນຂອງຄົນລາວກໍເສື່ອມເສຍໄປເຊັ່ນ ດຽວກັນເພາະວ່າການເສຍວັດທະນະທຳກໍຄືເສຍຊາດ. (ຈົບ)

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ