ຄວາມເປັນມາຂອງວັນຂື້ນປີໃໝ່ລາວ

   ຍັງບໍ່ພໍເທົ່າໃດມື້ວັນຂຶ້ນປີໃໝ່ຂອງລາວປີ ພສ 2560 ຈະໄດ້ໝູນວຽນມາຮອດອີກວາລະໜຶ່ງຄົນລາວທຸກຄົນຕ່າງພາກັນໃຈຈົດໃຈຈໍ່ລໍຖ້າວັນດັ່ງກ່າວທີ່ຈະມາເຖິງແຕ່ກ່ອນຈະເຖິງວັນນັ້ນຂ້າພະເຈົ້າຢາກສະເໜີໃຫ້ທຸກຄົນໄດ້ສຳນຶກເຖິງຄວາມເປັນມາ ຂອງວັນດັ່ງກ່າວທີ່ຖືກຕ້ອງ ແລະ ພາວະວິໄສ.

 

   ຖ້າຫາກເວົ້າເຖິງມາດຕະເກນແຫ່ງຄວາມເປັນຈິງສຳລັບການກຳນົດວັນຂຶ້ນປີໃໝ່ຂອງມວນມະນຸດຊາດໃນໂລກຈະຕ້ອງແມ່ນວັນທີ 1 ຂອງເດືອນທີ 1 ໃນທຸກໆປີເພາະວ່າທຸກຄົນທຸກຊາດໃນທົ່ວ ໂລກໄດ້ຮັບຮູ້ເປັນເອກະພາບກັນ ແລ້ວວ່າໃນປີ 1 ມີ 12 ເດືອນ ຊຶ່ງ ເລີ່ມຕົ້ນຈາກວັນທີ 1 ຂອງເດືອນ 1 ໄປເຖິງວັນທີ 31 ຂອງເດືອນ 12 ເປັນວັນສິ້ນສຸດປີເກົ່າ ສະນັ້ນ ວັນຂຶ້ນປີໃໝ່ຂອງປີຕໍ່ໄປກໍຕ້ອງເປັນວັນທີ 1 ຂອງເດືອນທີ 1 ຢ່າງແນ່ນອນ.

   ແຕ່ເປັນຫຍັງທຸກໆຊາດໃນທົ່ວໂລກຈັ່ງບໍ່ຍອມຮັບເອົາຄວາມເປັນຈິງດັ່ງກ່າວ? ໄປກຳນົດເອົາວັນອື່ນມາເປັນວັນປີໃໝ່ຂອງຊາດຕົນກໍຍ້ອນວ່າບັນດາມວນມະນຸດຊາດໃນໂລກຕະໜັກ ແລະຍຶດໝັ້ນໃນຮີດຄອງປະເພນີຄຳສັ່ງສອນທີ່ຕົນເຊື່ອຖືມາເປັນຂອດຕັດສິນການກຳນົດເອົາວັນຂຶ້ນປີໃໝ່ຂອງຊາດຕົນ, ຊຶ່ງສັງເກດເຫັນໄດ້ວ່າບັນດາປະຊາຊາດຊາວຕາເວັນຕົກມັກກຳນົດເອົາວັນທີ 25 ເດືອນ 1 ຊຶ່ງຄ້າຍກັບວັນຂອງເຍຊູຄຣິດເປັນວັນຂຶ້ນປີໃໝ່ຂອງຕົນໂດຍສ່ວນຫຼາຍກໍຍ້ອນວ່າພວກເຂົາເຈົ້ານັບຖື ແລະ ເຊື່ອຖືຄຳສອນຂອງສາສະໜາເຍຊູສ່ວນຊາວອາ ຊີສ່ວນໃຫຍ່ພັດນິຍົມກັນກຳນົດເອົາວັນຂຶ້ນປີໃໝ່ຂອງຕົນໃສ່ໃນລະຫວ່າງທ້າຍເດືອນເມສາຫາຕົ້ນເດືອນພຶດສະພາໂດຍສະເພາະ ສປປ ລາວ ເຮົາວັນຂຶ້ນປີໃໝ່ “ວັນ ຖະເຫຼິງສົກ” ທຸກປີໄດ້ກຳນົດເອົາມື້ສັງຂານໄປຊຶ່ງເອີ້ນວ່າວັນສັງຂານ ຫຼື ວັນສົງການໃນລະຫວ່າງ ອອກໃໝ່ 6 ຄໍ່າ ເດືອນ 5 ຫາມື້ ອອກໃໝ່ 5 ຄໍ່າເດືອນ 6 ລາວບໍ່ ຫຼຸດບໍ່ເກີນໃນແຕ່ລະປີຫາກປີໃດ ເປັນປີປົກກະຕິສຸຣະທິນວັນຂຶ້ນ ປີໃໝ່ອາດມາໄວຖ້າປີໃດເປັນປີ ອະທິກະສຸຣະທິນປີນັ້ນວັນຂຶ້ນປີໃໝ່ຈະມາຊ້າກວ່າວັນຂຶ້ນປີໃໝ່ຂອງລາວໄດ້ກຳນົດຂຶ້ນໃນໄລຍະດັ່ງກ່າວຍ້ອນຄວາມເຊື່ອ ແລະ ນັບຖືຕາມຮີດຄອງຂອງວັນສັງຂານລູກສາວກະບິນລະພົມທັງ 7 ນາງຊຶ່ງເປັນນິທານທີ່ເກົ່າແກ່ຄາວຕົ້ນສະໄໝພຸດທະກັບເປັນ ສະໄໝທີ່ພະເຈົ້າ 5 ພະອົງຊົງບຳເພັນປາຣະມີເພື່ອຕັດສະຮູ້ເປັນພະພຸດທະເຈົ້າອັນມີພະກຸສັນໂທເປັນອົງທຳອິດ.

   ຄາວນັ້ນມີມະຫາເສດຖີສອງຜົວເມຍອາໄສຢູ່ນະຄອນແຫ່ງໜຶ່ງ ແລະ ມີຄອບຄົວຄົນທຸກຍາກສອງຜົວເມຍມີລູກສອງຄົນຊຶ່ງອາໄສຢູ່ໃກ້ເຮືອນຂອງເສດຖີນັ້ນວັນໜຶ່ງຊາຍທຸກຍາກຄົນນັ້ນໄດ້ມີໂອກາດ ພົບປະໂອ້ລົມກັບທ່ານເສດຖີໃນຂະນະທີ່ມຶນເມົາໄດ້ຕຳນິເສດຖີຄົນ ນັ້ນວ່າ ທ່ານເສດຖີເປັນຜູ້ຮັ່ງມີແທ້ ມີເງິນຄຳຕັ້ງຫຼາຍລ້ານຫຼາຍໂກດແຕ່ບໍ່ມີຜູ້ສືບແທນເວລາທ່ານລະໂລກນີ້ໄປແລ້ວໃຜຈະມາສືບແທນພາຍຫຼັງເສດຖີສອງຜົວເມຍໄດ້ຮັບຄຳຕຳນິຂອງຊາຍຄົນນັ້ນຄິດຢາກໄດ້ລູກຫຼາຍຈິ່ງແຕ່ງເຄື່ອງບ່ວງສວງ ແລະ ເຕົ້າໂຮມເອົາບ່າວໄພ່ໄປສ່ວຍຂໍລູກນຳຕົ້ນໄມ້ໃຫຍ່ ແຫ່ງໜຶ່ງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ