ທະນາຄານ ລາວ-ຫວຽດ ສາຂາ ແຂວງອຸດົມໄຊ ຮ່ວມສະຫຼອງປີໃໝ່ລາວ

   ວັນທີ 1 ເມສາຜ່ານມາໜ່ວຍບໍລິການທະນາຄານຮ່ວມທຸລະກິດລາວ-ຫວຽດ ສາຂາ ແຂວງອຸດົມໄຊ ໄດ້ຈັດພິທີສະເຫຼີມສະຫຼອງບຸນປີໃໝ່ລາວປະຈຳປີ ພສ 2560 ຂຶ້ນຢູ່ທີ່ຮ້ານ

ອາຫານ ວີແຊັດ. ໂດຍການເຂົ້າຮ່ວມຂອງ ທ່ານ ບຸນໄທ ສຸພັດທອນ ຫົວໜ້າ ທະນາຄານແຫ່ງ ສປປ ລາວ ພາກເໜືອແຂວງອຸດົມໄຊ, ຄະນະທະນາຄານລາວ-ຫວຽດ ສາ ຂາແຂວງອຸດົມໄຊ ພ້ອມດ້ວຍພະນັກງານ ແລະ ບັນດາລູກຄ້າ ທັງ ເງິນຝາກເງິນກູ້ ລວມທັງນັກທຸລະ ກິດ, ແຂກເຊີນເຂົ້າຮ່ວມ.

   ການຈັດພິທີສະເຫຼີມສະຫຼອງ ບຸນປີໃໝ່ລາວໃນຄັ້ງນີ້ແມ່ນໄດ້ປະຕິບັດຮີດຄອງປະເພນີອັນດີງາມຂອງຊາດທີ່ໄດ້ສືບຕໍ່ຈັດຕັ້ງປະຕິບັດກັນມາເປັນເວລາອັນຍາວນານ ທັງເປັນການປົກປັກຮັກສາ ມໍລະດົກອັນດີງາມທັງວັດທະນະ ທຳຂອງລາວໃຫ້ຢູ່ຄູ່ກັບຄົນລາວ ແລະຊາດລາວ ໂດຍສະເພາະແມ່ນ ການບາສີສູ່ຂວັນ, ສົມມາພໍ່ແມ່, ຜູ້ອາວຸໂສ, ຄູບາອາຈານ ແລະຜູ້ມີ ພະຄຸນ, ການຫົດສົງ ແລະຫົດນ້ຳ ເຊິ່ງກັນ ແລະ ກັນຊຶ່ງໃນພິທີສະເຫຼີມສະຫຼອງດັ່ງກ່າວກໍມີການບາສີສູ່ຂວັນໃຫ້ແກ່ຄະນະພ້ອມດ້ວຍພະນັກງານພາຍໃນທະນາຄານຮ່ວມທຸລະກິດລາວ-ຫວຽດ ແລະ ຜູ້ທີ່ເຂົ້າຮ່ວມ ເພື່ອອວຍພອນໄຊ ອັນປະເສີດໃຫ້ແກ່ກັນ ແລະ ກັນນອກນັ້ນ ພິທີຍັງມີການດຳເນີນກິດຈະກຳມວນຊື່ນອີກຫຼາຍຢ່າງເປັນຕົ້ນແມ່ນການແຈກເສື້ອປີ ໃໝ່່, ຖົງກັນນ້ຳໃສ່ໂທລະສັບມືຖື, ການແຂ່ງຂັນກີລາບານເຕະຟຸດຊໍ, ແລ່ນ 4 ຂາສາມັກຄີລະຫວ່າງພະນັກງານທະນາຄານກັບບັນດາລູກຄ້າ ແລະ ແຂກເຊີນ, ການຈັບ ສະຫຼາກຮັບເອົາຂອງຂວັນລາງ ວັນຈາກທະນາຄານພ້ອມທັງຮັບປະທານອາຫານ ແລະ ມ่ວນຊື່ນຮ່ວມກັນ. ການສະເຫຼີມສະບຸນປີໃໝ່່ລາວໃນຄັ້ງນີ້ນອກຈາກຈະເປັນການປະຕິບັດຕາມຮີດຄອງປະເພນີ ແລະ ປົກປັກຮັກສາວັດທະນະທໍາອັນດີງາມຂອງລາວແລ້ວຍັງເປັນການຮ່ວມມວນຊື່ນ ແລະ ສ້າງຄວາມສາມັກຄີກັບບັນດາລູກຄ້າທີ່ໃຊ້ບໍລິການນຳໜ່ວຍບໍລິ ການທະນາຄານຕື່ມອີກ.

   ຜ່ານການສະເຫຼີມສະຫຼອງວັນບຸນດັ່ງກ່າວເຫັນວ່າມີບັນຍາກາດເບີກບານມວນຊື່ນ ແລະ ເຕັມໄປດ້ວຍຮ່ອຍຍິ້ມ, ຄວາມສາມັກຄີ, ໄມຕີຈິດ ແລະ ມິດຕະພາບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ