ນາ­ຍົກ​ຊີ້​ນຳ 10 ກະ­ຊວງ​ຕ້ອງ ​ເພີ່ມ​ທະ­ວີ​ປະ­ຕິ­ບັດ ວຽກ​ຢ່າງ​ມີ​ຄວາມ ​ຮັບ­ຜິດ­ຊອບ​ສູງ

  ນາ­ຍົກ­ລັດ­ຖະ­ມົນ­ຕີ​ໄດ້​ຊີ້​ນຳ​ໃຫ້​ສະ­ມາ­ຊິກ​ລັດ­ຖະ­ບານໂດຍ​ສະເພາະ​ແມ່ນ 10 ກະ­ຊວງ​ຕ້ອງ​ເພີ່ມ​ທະ­ວີ​ໃນ​ການ​ຜັນ​ຂະ­ຫຍາຍ​ບັນ­ດາວຽກ​ງານ​ຈຸດ​ສຸມ​ສຳ­ລັບ​ເດືອນ​ມີ​ຖຸ​ນາ 2016 ດ້ວຍ​ຄວາມ​ຮັບ​ຜິດຊອບ​ສູງເພື່ອ​ເຮັດ​ໃຫ້​ບັນ­ດາ​ເນື້ອ​ໃນ​ຈິດ​ທີ່​ໄດ້​ຕົກ­ລົງ​ເປັນ​ເອ­ກະ​ພາບໃນ​ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ​ປະ­ຈຳ​ເດືອນ​ພຶດ­ສະ­ພາ 2016 ຖືກ​ຈັດ​ຕັ້ງ​ປະ­ຕິ­ບັດ​ຢ່າງ​ມີ​ໝາກ​ຜົນ­ສຳ­ເລັດ​ຕາມ​ລະ­ດັບ​ຄາດ­ໝາຍ.

 

   ກອງ​ປະ­ຊຸມ​ລັດ­ຖະ­ບານ​ສະ­ໄໝ​ສາ­ມັນ​ປະ­ຈຳ​ເດືອນ​ພຶດສະ­ພາ 2016 ໄດ້​ດຳ­ເນີນ​ຢ່າງ​ເປັນ​ທາງ​ການ​ໃນ​ລະ­ຫວ່າງວັນ​ທີ 24-25 ພຶດ­ສະ­ພາ 2015 ທີ່​ສຳ­ນັກ­ງານ​ນາ­ຍົກ​ລັດຖະ​ມົນ­ຕີ ພາຍ​ໃຕ້​ການ​ເປັນ​ປະ­ທານ​ຂອງ ທ່ານ ທອງ​ລຸນສີ​ສຸ​ລິດ ນາ­ຍົກ­ລັດ­ຖະ­ມົນ­ຕີ ໂດຍ​ມີ​ບັນ­ດາ​ທ່ານ​ຮອງ​ນາ­ຍົກ ລັດ­ຖະ­ມົນ­ຕີ ແລະ​ສະ­ມາ­ຊິກ​ລັດ­ຖະ­ບານ​ເຂົ້າ​ຮ່ວມ.

   ກອງ​ປະ­ຊຸມ​ຄັ້ງ​ນີ້ ສຸດ​ທີ່​ມີ​ຄວາມ​ສຳ­ຄັນ,  ເພາະ​ລັດ​ຖະບານ ໄດ້​ນຳ​ເອົາ​ບັນ­ຫາ​ສຳ­ຄັນ​ຕ່າງໆ 3 ກຸ່ມ​ບັນ­ຫາ​ໃຫຍ່​ມາພິ­ຈາ­ລະ­ນາ ແລະ​ຕົກ­ລົງ​ຮັບ­ຮອງ​ຄື: ບັນ­ຫາ​ຈັດ​ເກັບ​ລາຍຮັບ​ງົບ­ປະ­ມານ ແລະ​ສ້າງ​ສະ­ຖຽນ​ລະ​ພາບ​ໝັ້ນ​ທ່ຽງ​ໃຫ້​ແກ່ເສດ­ຖະ­ກິດ​ການ​ເງິນ, ບັນ­ຫາ​ການ​ຜະ­ລິດ​ກະ­ສິ­ກຳ-ປົກ​ປັກຮັກ­ສາ​ປ່າ­ໄມ້​ແບບ​ຍືນ​ຍົງ ແລະ​ບັນ­ຫາ​ແກ້​ໄຂ​ວຽກ​ງານ​ບາງກະ­ຊວງ​ທີ່​ມີ​ການ​ຊ້ຳ​ຊ້ອນ​ກັນ ຊຶ່ງ​ມີ​ເນື້ອ​ໃນ​ລະ­ອຽດ​ດັ່ງ­ນີ້:

   ກອງ​ປະ­ຊຸມ​ໄດ້​ພິ­ຈາ­ລະ­ນາ ແລະ​ຮັບ­ຮອງ​ເອົາ​ບົດ​ລາຍງານ​ສະ­ພາບ​ການ­ຈັດ­ຕັ້ງ​ປະ­ຕິ­ບັດ​ແຜນ​ລາຍ​ຮັບ​ງົບ­ປະ­ມານແລະ​ມາດ​ຕະ­ການ​ຕ່າງໆ​ໃນ​ການ​ຈັດ​ເກັບ​ລາຍ​ຮັບ​ຂອງ ເດືອນ 6, 7, 8 ແລະ 9 ແລະ 3 ເດືອນ​ຂ້າມ​ຜ່ານ (10, 11 ແລະ 12) ປີ 2016, ບົດ​ລາຍ​ງານ​ກ່ຽວ​ກັບ​ການ​ແກ້​ໄຂສະ­ພາບ​ຄ່ອງ​ຂອງ​ເສດ­ຖະ­ກິດ​ມະ­ຫາ​ພາກແຕ່​ນີ້​ຮອດ​ທ້າຍ​ປີ 2016 ແລະ​ແຜນການ​ປັບ­ປຸງ​ເສດ­ຖະ­ກິດ​ໄລ­ຍະ​ສັ້ນ ແລະ ປັບ­ປຸງ​ໂຄງ​ສ້າງ​ເສດ­ຖະ­ກິດ​ໄລ­ຍະ​ກາງ.

   ພິ­ຈາ­ລະ­ນາ ແລະ​ຮັບ­ຮອງ​ເອົາ​ບົດລາຍ​ງານ​ກ່ຽວ​ກັບ​ແຜນ​ການ­ຈັດ­ຕັ້ງ​ປະຕິ​ບັດ​ການ​ຜະ­ລິດ​ລະ­ດູ­ແລ້ງ  ແລະ​ແຜນການ​ຜະ­ລິດ​ລະ­ດູ­ຝົນ ປະ­ຈຳ​ສົກ​ປີ 2015-2016 ແລະ​ບົດ​ລາຍ​ງານ​ນະ­ໂຍ­ບາຍ ແລະ​ມາດ​ຕະ­ການ​ກ່ຽວ​ກັບ​ການ​ຄຸ້ມ​ຄອງ​ປ່າ­ໄມ້​ແບບ​ຍືນ​ຍົງ.

   ບົດ​ລາຍ​ງານ​ການ­ຈັດ­ຕັ້ງ​ປະ­ຕິ­ບັດການ​ຜະ­ລິດ​ລະ­ດູ­ແລ້ງ ແລະ​ແຜນ­ການ​ຜະລິດ​ລະ­ດູ­ຝົນ​ສົກ​ປີ 2015-2016 ແມ່ນໄດ້​ສຸມ​ໃສ່​ການ­ຈັດ­ຕັ້ງ​ປະ­ຕິ­ບັດ​ແຜນງານ​ຄ້ຳ­ປະ­ກັນ​ສະ­ບຽງ​ອາ­ຫານ​ເປັນ­ຕົ້ນສູ້​ຊົນ​ຜະ­ລິດ​ເຂົ້າ­ນາ­ແຊງ, ການ​ປູກ​ພືດ ເປັນ​ສະ­ບຽງ​ອາ­ຫານ, ເປັນ​ສິນ­ຄ້າ, ການລ້ຽງ­ສັດ ແລະ​ການ​ປະ­ມົງ​ໃຫ້​ໄດ້​ຕາມຄາດ­ໝາຍ ແລະ​ແຜນ​ງານ​ທີ່​ໄດ້​ກຳ­ນົດໄວ້, ກອງ​ປະ­ຊຸມ​ໄດ້​ພິ­ຈາ­ລະ­ນາ ແລະ ຮັບ­ຮອງ​ເອົາ​ບົດ​ລາຍ​ງານ​ກ່ຽວ​ກັບ​ການປັບ­ປຸງ​ສັບ​ຊ້ອນ​ບາງ​ວຽກ​ງານ​ຂອງ​ລັດຖະ​ບານ​ທີ່​ມີ​ການ​ຊ້ຳ​ຊ້ອນ​ກັນ​ເປັນ­ຕົ້ນວຽກ​ງານ​ການ​ຄຸ້ມ​ຄອງ​ປ່າ­ໄມ້, ວຽກງານ​ການ​ຄຸ້ມ​ຄອງ​ແຮ່​ທາດ, ການ​ຄຸ້ມຄອງ​ທີ່​ດິນ, ວຽກ​ງານ​ຄະ­ນະ​ກຳ­ມະ­ການຄຸ້ມ​ຄອງ​ແຫ່ງ​ຊາດເພື່ອ​ແກ້​ໄຂ​ບັນ­ຫາ​ລະເບີດ​ບໍ່​ທັນ​ແຕກ​ທີ່​ຕົກ​ຄ້າງ​ຢູ່ ສປປ ລາວ.

   ຕໍ່​ບັນ­ຫາ​ດັ່ງ­ກ່າວ, ກອງ​ປະ­ຊຸມ​ໄດ້​ມີ ທິດ​ຊີ້​ນຳ​ວຽກ​ງານ​ການ​ຄຸ້ມ​ຄອງ​ປ່າ­ໄມ້ ໂອນ​ທັງ​ໝົດ​ກ່ຽວ​ກັບ​ການ​ຄຸ້ມ​ຄອງ​ທຸກ ປະ­ເພດ​ປ່າ­ໄມ້​ໃຫ້​ກະ­ຊວງ​ກະ­ສິ­ກຳ ແລະ ປ່າ­ໄມ້, ວຽກ​ງານ​ການ​ຄຸ້ມ​ຄອງ​ແຮ່​ທາດ ແມ່ນ​ໂອນ​ທັງ​ໝົດ​ວຽກ​ງານ​ຄຸ້ມ​ຄອງ​ຊັບ ພະ­ຍາ­ກອນ​ແຮ່​ທາດ​ໃຫ້​ກະ­ຊວງ​ພະ­ລັງງານ ແລະ​ບໍ່​ແຮ່​ຮັບ­ຜິດ­ຊອບ​ຄຸ້ມ​ຄອງ, ການ​ຄຸ້ມ​ຄອງ​ທີ່​ດິນ​ແມ່ນ​ຮັກ­ສາ​ວຽກ ງານ​ຄຸ້ມ​ຄອງ​ຊັບ­ພະ­ຍາ­ກອນ​ທີ່​ດິນ​ລວມທັງ​ວຽກ​ອອກ​ໃບ​ຕາ­ດິນ​ໃນ​ຂອບ​ເຂດທົ່ວ​ປະ­ເທດ​ແມ່ນ​ຍັງ​ຮັກ­ສາ​ໄວ້​ນຳ​ກະ ຊວງ​ຊັບ­ພະ­ຍາ­ກອນ​ທຳ​ມະ​ຊາດ ແລະສິ່ງ­ແວ­ດລ້ອມ ຄື­ເກົ່າ​ສ່ວນ ການ​ເກັບ​ພາ­ສີ ທີ່​ດິນ​ແມ່ນ​ມອບ​ໃຫ້​ກະ­ຊວງ​ການ​ເງິນ ເປັນ​ຜູ້​ຈັດ​ຕັ້ງ​ປະ­ຕິ­ບັດ, ສ່ວນ​ວຽກ​ງານ​ຄະ­ນະ​ກຳ­ມະ­ການ​ຄຸ້ມ​ຄອງ​ແຫ່ງ​ຊາດເພື່ອ​ແກ້​ໄຂ​ບັນ­ຫາ​ລະ­ເບີດ​ບໍ່​ທັນ​ແຕກ ທີ່​ຕົກ​ຄ້າງ​ຢູ່ ສປປ ລາວ ແມ່ນ​ໃຫ້​ໂອນໃຫ້​ກະ­ຊວງ​ແຮງ​ງານ ແລະ​ສະ­ຫວັດ­ດີ ການ​ສັງ­ຄົມ​ສຳ­ລັບ​ວຽກ​ງານ 3 ສ້າງແມ່ນ​ມອບ​ໃຫ້​ກະ­ຊວງ​ພາຍ​ໃນ​ເປັນ​ຜູ້​ຮັບຜິດ​ຊອບ.

   ແນວ­ໃດ​ກໍ​ດີຕອນ​ທ້າຍ​ກອງ​ປະ­ຊຸມ, ທ່ານ​ນາ­ຍົກ­ລັດ­ຖະ­ມົນ­ຕີ​ໄດ້​ຊີ້​ນຳ​ໃຫ້​ສະມາ​ຊິກ​ລັດ­ຖະ­ບານນຳ​ເອົາ​ເນື້ອ​ໃນ​ຈິດ­ໃຈທີ່​ໄດ້​ຕົກ­ລົງ​ເປັນ​ເອ­ກະ​ພາບ​ໃນ​ກອງ​ປະຊຸມຄັ້ງ​ນີ້ລວມ​ທັງ​ບັນ­ດາ​ວຽກ​ງານ​ທີ່ເປັນ​ຈຸດ​ສຸມ​ໃນ​ເດືອນ​ມິ­ຖຸ­ນາ 2016 ໄປ ຈັດ​ຕັ້ງ​ຜັນ​ຂະ­ຫຍາຍ ແລະ​ຈັດ​ຕັ້ງ​ປະ­ຕິບັດ​ດ້ວຍ​ຄວາມ​ຮັບ­ຜິດ­ຊອບ​ສູງ​ດັ່ງ­ນີ້:

  1. ກະ­ຊວງ​ປ້ອງ​ກັນ​ປະ­ເທດ​ເອົາໃຈ​ໃສ່​ເພີ່ມ​ທະ­ວີ​ວຽກ​ງານ​ປ້ອງ​ກັນ​ຊາດຮັບ­ປະ­ກັນ​ສະ­ຖຽນ​ລະ​ພາບ​ທາງ​ດ້ານການ­ເມືອງ​ໃຫ້​ໜັກ​ແໜ້ນ, ຮັບ­ປະ­ກັນຄວາມ​ປອດ​ໄພ​ທົ່ວ​ປວງ​ຊົນ ແລະ​ຮອບດ້ານ, ໃຫ້​ແກ່​ການ­ທ່ອງ­ທ່ຽວ, ການ​ທຳມາ​ຫາ​ກິນ​ຂອງ​ປະ­ຊາ­ຊົນ​ບັນ­ດາ­ເຜົ່າ​ກໍ​ຄືກອງ​ປະ­ຊຸມ​ສຸດ​ຍອດ​ອາ​ຊຽນ​ໃນ​ປີ 2016.
  2. ໃຫ້​ກະ­ຊວງ​ປ້ອງ​ກັນ​ຄວາມ​ສະຫງົບ​ເພີ່ມ​ທະ­ວີ​ຄວາມ​ເອົາ­ໃຈ­ໃສ່ສົມ­ທົບກັບ​ທຸກ​ພາກສ່ວນ​ທີ່​ກ່ຽວ­ຂ້ອງ​ແລະ ທ້ອງຖິ່ນ​ຕ່າງໆ​ແກ້​ໄຂ​ປາ­ກົດ­ການ​ຫຍໍ້­ທໍ້​ຕ່າງໆໃນ​ສັງ­ຄົມ ໂດຍ​ສະ­ເພາະ​ຢູ່​ນະ­ຄອນ­ຫຼວງວຽງ​ຈັນ ເປັນ­ຕົ້ນ​ບັນ­ຫາ​ຢາ​ເສບ​ຕິດ, ການ​ປຸ້ນ​ຈີ້​ຊີງ​ຊັບ, ການ​ຂີ່​ລົດ​ກໍ່­ກວນເມືອງ, ອຸ­ປະ­ຕິ­ເຫດ​ທີ່​ີ​ເກີດ​ຂຶ້ນ​ຕາມ​ທ້ອງ ຖະ­ໜົນ ແລະ​ບັນ­ຫາ​ອື່ນໆ​ແລ້ວ​ລາຍ​ງານໃຫ້​ລັດ­ຖະ­ບານ​ຮັບ​ຊາບ ຢ່າງ​ເປັນ​ປະ­ຈຳ.
  3. ໃຫ້​ກະ­ຊວງ​ໂຍ­ທາ​ທິ​ການ ແລະ ຂົນ­ສົ່ງ​ສົມ­ທົບ​ກັບ​ພາກ­ສ່ວນ​ກ່ຽວ­ຂ້ອງ ເອົາ­ໃຈ­ໃສ່​ແກ້​ໄຂ​ບັນ­ຫາ​ຈະ­ລາ­ຈອນ​ແອ ອັດ​ໃນ​ຕົວ​ເມືອງ, ການ​ຈອດ​ລົດ​ຊະ­ຊາຍ ເພື່ອ​ຮັບ­ປະ­ກັນ​ໃຫ້​ແກ່​ຜູ້​ໃຊ້​ລົດ​ໃຊ້​ຖະ­ໜົນ ມີ​ຄວາມ​ປອດ​ໄພ, ຫຼຸດ­ຜ່ອນ​ການ​ເກີດ​ອຸ ປະ­ຕິ​ເຫດ ແລະ​ຫຼຸດ­ຜ່ອນ​ມົນ​ລະ​ພິດ​ຂອງຕົວ​ເມືອງ.
  4. ໃຫ້​ກະ­ຊວງ​ກະ­ສິ­ກຳ ແລະ​ປ່າ ໄມ້​ສົມ­ທົບ​ກັບ​ພາກ­ສ່ວນ​ກ່ຽວ­ຂ້ອງ​ກະກຽມ​ຄວາມ​ພ້ອມ​ໃນ​ການ​ກ້າວ​ເຂົ້າ​ສູ່ການ​ຜະ­ລິດ​ລະ­ດູ­ຝົນ, ລວມ​ທັງ​ການ​ຕ້ານແລ້ງ-ຕ້ານ​ຖ້ວມ, ການ​ຕ້ານ ແລະ​ກຳ­ຈັດ ສັດ­ຕູ​ພືດ ແລະ​ບັນ­ຫາ​ອື່ນໆ​ໄວ້​ແຕ່​ຫົວ­ທີ ແລະ​ໃນ​ເດືອນ 6 ຈະ​ມີ​ວັນ​ສຳ­ຄັນ​ຕ່າງໆ ເປັນ­ຕົ້ນ: ແມ່ນ​ວັນ­ເດັກ­ນ້ອຍ​ສາ­ກົນ, ວັນປູກ​ຕົ້ນ­ໄມ້​ແຫ່ງ​ຊາດ, ວັນ​ສິ່ງ­ແວ­ດລ້ອມ ໂລກ​ຈິ່ງ​ມອບ​ໃຫ້​ກະ­ຊວງ​ກະ­ສິ­ກຳ​ສົມທົບ​ກັບ​ພາກ­ສ່ວນ​ກ່ຽວ­ຂ້ອງ ເພື່ອ​ກະກຽມ​ໃຫ້​ທຸກ​ພາກ­ສ່ວນ​ຈັດ​ຕັ້ງ​ການ​ປູກ ຕົ້ນ­ໄມ້ ຢ່າງ​ເປັນ​ຂະ​ບວນ ແລະ​ໃຫ້​ມີ​ບັນຍາ​ກາດ​ຟົດ­ຟື້ນ​ທົ່ວ​ປວງ​ຊົນ ໂດຍ​ເນັ້ນໃສ່​ປູກ​ຈິດ​ສຳ­ນຶກ​ໃຫ້​ເດັກ­ນ້ອຍ​ຮູ້­ຈັກ​ອານຸ​ລັກ​ຮັກ­ສາ​ປ່າ­ໄມ້, ແຫຼ່ງ​ນ້ຳ ແລະ​ຊີ­ວະນາໆພັນ ແລ້ວ​ລາຍ​ງານ​ໃຫ້​ລັດ­ຖະ­ບານ ຮັບ​ຊາບ.
  5. ໃຫ້​ກະ­ຊວງ​ສຶກ​ສາ​ທິ​ການ ແລະ ກິ­ລາ​ເອົາ­ໃຈ­ໃສ່​ຕໍ່​ການ​ສອບ­ເສັງ​ຈົບ​ຊັ້ນຂັ້ນ​ຕ່າງໆ​ໃຫ້​ໄດ້​ດີ ແລະ​ມີ​ປະ​ສິດ­ທິ​ຜົນແລະ​ສ້າງ​ກິດ­ຈະ­ກຳ​ຕ່າງໆ​ໃຫ້​ແກ່​ນັກ ຮຽນ-ນັກ​ສຶກ​ສາ, ໃນ​ຍາມ​ພັກ­ແລ້ງ​ນີ້​ໃຫ້ມີ​ການ­ເຄື່ອນ­ໄຫວ​ຢ່າງ​ຕໍ່​ເນື່ອງເພື່ອ​ເຮັດໃຫ້​ພວກ​ລູກ​ຫຼານ​ຂອງ​ພວກ​ເຮົາ​ຫ່າງ​ໄກຈາກ​ສິ່ງ​ເສບ​ຕິດ ແລະ​ສິ່ງ​ຫຍໍ້­ທໍ້​ຕ່າງໆ.
  6. ໃຫ້​ກະ­ຊວງ​ການ​ຕ່າງ­ປະ­ເທດສ້າງ​ແຜນ­ການ­ເຄື່ອນ­ໄຫວ​ໃຫ້​ແກ່​ຜູ້­ນຳພັກ-ລັດ ໃນ​ການ​ເດີນ­ທາງ​ໄປ​ເຄື່ອນ​ໄຫວ ວຽກ​ງານ​ການ​ຕ່າງ­ປະ­ເທດ, ການ​ເຂົ້າ ຮ່ວມ​ກອງ​ປະ­ຊຸມ​ສາ­ກົນ​ຕ່າງໆ, ການ​ກະ ກຽມ​ໃຫ້​ທ່ານ​ນາ­ຍົກ­ລັດ­ຖະ­ມົນ­ຕີ​ເດີນ ທາງ​ໄປ​ຢ້ຽມ­ຢາມ​ປະ­ເທດ​ກຳ­ປູ­ເຈຍ​ຢ່າງເປັນ​ທາງ​ການ ໃນ​ທ້າຍ​ເດືອນ 06/2016,ເອົາ­ໃຈ­ໃສ່​ກະ­ກຽມ​ການ​ເປັນ​ປະ­ທານ ກອງ​ປະ­ຊຸມ​ອາ​ຊຽນ ແລະ​ການ​ກະ­ກຽມ ຕ້ອນ­ຮັບ​ບັນ­ດາ​ປະ­ມຸກ​ລັດ, ຫົວ­ໜ້າ​ຄະ­ນະຜູ້​ແທນ​ຂັ້ນ​ສູງ​ຂອງ​ບັນ­ດາ​ປະ­ເທດ​ເພື່ອນມິດ​ທີ່​ຈະ​ເດີນ­ທາງ​ມາ​ເຂົ້າ​ຮ່ວມ​ກອງ​ປະ­ຊຸມ​ສຸດ​ຍອດ​ອາ​ຊຽນ.
  7. ໃຫ້​ກະ­ຊວງ​ອຸດ­ສາ­ຫະ­ກຳ-ການ ຄ້າ​ເອົາ­ໃຈ­ໃສ່​ຄວບ​ຄຸມ​ລາ­ຄາ​ສິນ­ຄ້າ​ຕາມ ທ້ອງ​ຕະ­ຫຼາດ ເພື່ອ​ບໍ່​ໃຫ້​ມີ​ການ​ສວຍ​ໂອ ກາດ​ຂຶ້ນ​ລາ­ຄາ​ສິນ­ຄ້າ​ອຸ­ປະ­ໂພກ-ບໍ­ລິ­ໂພກທີ່​ນຳ​ເຂົ້າ​ຈາກ​ຕ່າງ­ປະ­ເທດ​ຄວນ​ມີ​ສະຕິກ​ເກີ ເພື່ອ​ຫັນ​ເຂົ້າ​ສູ່​ລະ­ບຽບ​ເຮັດ​ໃຫ້​ສາມາດ​ຄຸ້ມ​ຄອງ ແລະ​ສ້າງ​ລາຍ​ຮັບ​ເພີ່ມ.
  8. ໃຫ້​ກະ­ຊວງ​ພະ­ລັງ ແລະ​ບໍ່​ແຮ່, ກະ­ຊວງ​ແຜນ­ການ ແລະ​ກະ­ຊວງ​ຊັບ​ພະ ຍາ​ກອນ​ທຳ​ມະ​ຊາດ​ເອົາ­ໃຈ­ໃສ່​ຕິດ­ຕາມ ບັນ­ດາ​ໂຄງ­ການ​ກໍ່­ສ້າງ​ບັນ­ດາ​ເຂື່ອນ​ໄຟ ຟ້າ ແລະ​ໂຄງ­ການ​ຂຸດ​ຄົ້ນ​ບໍ່​ແຮ່​ທີ່​ໄດ້​ຮັບການ​ອະ­ນຸ­ມັດ​ແລ້ວ ແລະ​ໂຄງ­ການ​ທີ່​ສະ­ເໜີ ໃໝ່​ວ່າ​ມີ​ຄວາມ​ຄືບ​ໜ້າ​ແນວ­ໃດ ແລະ ລັດ­ຖະ­ບານ​ຈະ​ມີ​ຜົນ​ໄດ້­ຜົນ​ເສຍ​ແນວ­ໃດ ຕໍ່​ໂຄງ­ການ​ສະ­ເໜີ​ມາ​ໃໝ່​ແລ້ວ​ໃຫ້​ລາຍ ງານ​ຄວາມ​ຄືບ​ໜ້າ​ຕໍ່​ລັດ­ຖະ­ບານ​ຢ່າງ ເປັນ​ປະ­ຈຳ.
  9. ໃຫ້​ກະ­ຊວງ​ສາ­ທາ­ລະ­ນະ​ສຸກເອົາ­ໃຈ­ໃສ່​ເຝົ້າ​ລະ­ວັງ ແລະ​ສະ­ກັດ​ກັ້ນໂລກ­ລະ­ບາດເປັນ­ຕົ້ນພະ­ຍາດ​ຖອກ­ທ້ອງ, ພະ­ຍາດ​ໄຂ້­ເລືອດ­ອອກ, ໄຂ້­ທໍ­ລະ­ພິດ ແລະ ເອົາ­ໃຈ­ໃສ່​ກວດ­ກາ​ສານ​ປົນ​ເປື້ອນ​ໃນ​ອາ­ຫານ.
  10. ໃຫ້​ກະ­ຊວງ​ຍຸ­ຕິ​ທຳ​ເອົາ­ໃຈ­ໃສ່ ສົມ­ທົບ​ກະ­ຊວງ​ຕ່າງໆ​ກະ­ກຽມ​ໃຫ້​ດີ​ການສ້າງ ແລະ​ປັບ­ປຸງ​ຮ່າງ​ກົດ­ໝາຍ​ຈຳ­ນວນ ໜຶ່ງ ເພື່ອ​ນຳ​ສະ­ເໜີ​ຜ່ານ​ລັດ­ຖະ­ບານ​ໃນເດືອນ​ກໍ­ລະ­ກົດເພື່ອ​ຈະ​ໄດ້​ນຳ​ສະ­ເໜີ​ຜ່ານກອງ​ປະ­ຊຸມ​ສະ­ໄໝ​ສາ­ມັນ​ຂອງ​ສະ­ພາ ແຫ່ງ​ຊາດ​ໃນ​ເດືອນ​ຕຸ­ລາ 2016.

    ທັງ​ໝົດ​ນັ້ນ​ທ່ານ​ນາ­ຍົກ​ກ່າວ​ວ່າ: ແມ່ນວຽກ​ງານ​ສຳ­ຄັນ ພ້ອມ​ທັງ​ຮຽກ­ຮ້ອງ​ໃຫ້ ພະ­ນັກ­ງານ, ທະ­ຫານ, ຕຳ­ຫຼວດ, ກຳ​ມະກອນ, ນັກ­ຮຽນ​ຮູ້​ປັນ­ຍາ​ຊົນ ແລະ​ປະ­ຊາຊົນ​ບັນ­ດາ­ເຜົ່າ​ຈົ່ງ​ເພີ່ມ​ທະ­ວີ​ຄວາມ​ສາມັກ​ຄີ​ເປັນ​ປຶກ​ແຜ່ນ​ຢູ່​ອ້ອມ​ຂ້າງ​ລັດ​ຖະບານ, ພ້ອມ​ກັບ​ລັດ­ຖະ­ບານ​ສູ້​ຊົນ​ປະ­ຕິ­ບັດໜ້າ­ທີ່​ປົກ​ປັກ​ຮັກ­ສາ ແລະ​ພັດ­ທະ­ນາ​ປະ ເທດ​ຊາດ​ເວົ້າ​ສະ­ເພາະ​ແມ່ນ​ຕັ້ງ­ໜ້າ​ເຂົ້າຮ່ວມ​ປະ­ຕິ­ບັດ​ມະ­ຕິ​ກອງ​ປະ­ຊຸມ​ລັດ​ຖະ ບານ​ຄັ້ງ​ນີ້​ໃຫ້​ປາ­ກົດ​ຜົນ​ເປັນ​ຈິງຊຶ່ງ​ລັດຖະ​ບານ​ເວ­ລາ​ໃດ​ກໍ​ຖື​ເອົາ​ຜົນ​ປະ­ໂຫຍດ ຂອງ​ປະ­ຊາ­ຊົນ​ເປັນ​ກົກ, ເປັນ​ຈຸດ­ໝາຍເພື່ອ​ຮັບ​ໃຊ້. ສະ­ນັ້ນ, ຖ້າ​ມີ​ອັນ​ໃດ​ທີ່​ຍັງ​ບໍ່ທັນ​ເຂົ້າ­ໃຈ ຫຼື ສົນ­ໃຈ​ໃຫ້​ຈິງ​ໃຈ​ຕໍ່​ລັດຖະ​ບານເພື່ອ​ພິ­ຈາ­ລະ­ນາ​ຕາມ​ແຕ່​ລະ​ກໍລະ​ນີ​ຂໍ​ໃຫ້​ມີ​ສະ­ຕິ​ລະ­ວັງ​ຕົວ​ຕໍ່​ກົນ­ອຸ­ບາຍແບ່ງ​ແຍກ​ຂອງ​ພວກ​ຄົນ​ບໍ່​ດີ

ຄະແນນລາຍການນີ້
(5 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ຂ່າວໜ້າໜຶ່ງຍອດນິຍົມ

ໄປເທິງສຸດ