ການຊື້-ຂາຍສິນຄ້າຢູ່ຕະຫຼາດດາວເຮືອງເມືອງປາກເຊ ຄຶກຄັກ

     ເພື່ອເຮັດໃຫ້ການສະເຫຼີມສະຫຼອງບຸນປີໃໝ່ລາວປີນີ້ເຕັມໄປດ້ວຍຄວາມເບີກບານມ່ວນຊື່ນ ແລະຄວາມເປັນລະບຽບຈົບງາມ ທັງຮັບປະກັນຄວາມສະຫງົບສຸກບໍລິສັດບໍລິການການຄ້າປາກເຊ ຈໍາກັດ ແມ່ນໄດ້ເພີ່ມຄວາມ ເອົາໃຈໃສ່ຫຼາຍດ້ານ ໂດຍສະເພາະແມ່ນຄວາມສະຫງົບສຸກປອດໄພຂອງລູກຄ້າທີ່ເຂົ້າມາຈັບຈ່າຍຊື້-ຂາຍຢູ່ຕະຫຼາດດາວເຮືອງອັນໄດ້ເຮັດໃຫ້ບັນຍາກາດໄລຍະປີໃໝ່ຄຶກຄັກ.

 

     ທ່ານ ບຸນລົບ ບຸດຕະວົງ ຮອງຜູ້ອໍານວຍການບໍລິສັດບໍລິການການຄ້າປາກເຊ ຈໍາກັດ, ໄດ້ໃຫ້ສໍາພາດຕໍ່ນັກຂ່າວຂອງພວກເຮົາວ່າ: ເພື່ອເຮັດໃຫ້ການສະເຫຼີມສະຫຼອງບຸນປີໃໝ່ລາວປີນີ້ ໃນຜ່ານມາເຕັມໄປດ້ວຍບັນຍາກາດມ່ວນຊື່ນຟົດຟື້ນ ແລະມີຄວາມປອດໄພ, ບໍລິສັດພວກເຮົາກໍ່ເປັນສ່ວນໜຶ່ງທີ່ໄດ້ມີການປະກອບສ່ວນເຂົ້າໃນການປຸກລະດົມໃຫ້ມວນຊົນ ຊາວລາວກໍ່ຄືຊາວແຂວງຈໍາປາສັກ, ໄດ້ມີສະຕິລະວັງຕົວສູງໃນການສະເຫຼີມສະຫຼອງສົງການ, ຊຶ່ງພວກເຮົາໄດ້ມີປະກາດແຈ້ງການທາງໂທລະໂຄ່ງໃນຕະຫຼາດດາວເຮືອງ, ການເພີ່ມກໍາລັງປ້ອງກັນຄວາມສະຫງົບຈາກ 30 ຄົນ, ເປັນ 45 ຄົນ, ພ້ອມດຽວກັນນີ້ແມ່ນໄດ້ເອົາໃຈໃສ່ໃນການຮັກສາຄວາມສະອາດຈົບງາມ ໃນຕະຫຼາດ, ປະກອບສ່ວນເປັນຫູເຫັນຕາ ກັບການສ່ວຍໂອກາດຂື້ນລາຄາສິນຄ້າ, ໂກງຕາຊິງ ແລະອື່ນໆຊ່ວຍພາກສ່ວນ ທີ່ກ່ຽວຂ້ອງ, ລວມທັງໄດ້ມີການຄວມຄຸມແຈ້ງການຕໍ່ລະບຽບຂອງພາກສ່ວນກ່ຽວຂ້ອງໃນການຕິດປ້າຍສິນຄ້າເປັນເປັນເງິນກີບ ແລະອື່ນໆ.

     ສຳລັບບັນຍາກາດການຊື້-ຂາຍສິນຄ້າໃນໄລຍະບຸນມື້ປີໃໝ່ລາວຢູ່ຕະຫຼາດ ແມ່ນເຫັນວ່າຄືກຄື້ນພໍສົມຄວນ, ຖ້າທຽບໃສ່ວັນປົກກະຕິຖືວ່າຜູ້ຄົນເພີ່ມຂຶ້ນຫຼາຍເທົ່າ, ແຕ່ຖ້າວ່າທຽບໃສ່ປີຜ່ານມາເຫັນວ່າປີນີ້ຫຼຸດລົງ, ສາເຫດເນື່ອງວ່າສະພາບເສດຖະກິດບໍ່ຄ່ອຍດີ ເຮັດໃຫ້ຜູ້ຄົນທີ່ເຂົ້າມາຕະຫຼາດມີການໃຊ້ຈ່າຍຢ່າງປະຢັດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ຂ່າວໜ້າໜຶ່ງຍອດນິຍົມ

ໄປເທິງສຸດ