ຫຼວງນໍ້າທາ ກວດກາໂຮງງານຜະລິດນໍ້າປະປາ

     ວັນທີ 19 ເມສານີ້ ຄະນະສະມາຊິກສະພາປະຊາຊົນແຂວງຫຼວງນ້ຳທາລົງກວດກາໂຮງງານຜະລິດນ້ຳປະປາ ເມືອງຫຼວງນ້ຳທາ ໂດຍນຳຄະນະຂອງ ທ່ານນາງ ອຸ່ນຫຼ້າ ອ່ຽງລໍລາດ ຮອງປະທານສະພາປະຊາຊົນແຂວງຫຼວງນ້ຳທາ, ມີທ່ານ ໄຊສະໜອນ ວົງສຳພັນ ອຳນວຍການລັດວິສາຫະກິດນ້ຳປະປາສາຂາ ແຂວງຫຼວງນ້ຳທາພ້ອມດ້ວຍຄະນະພະນັກງານວິຊາການເຂົ້າຮ່ວມ.

 

     ທ່ານ ໄຊສະໜອນ ວົງສຳພັນ ອຳ ນວຍການລັດວິສາຫະກິດນ້ຳປະປາສາຂາແຂວງຫຼວງນ້ຳທາໃຫ້ຮູ້ວ່າ: ໃນປະຈຸບັນຜະລິດນ້ຳປະປາຢູ່ເມືອງຫຼວງນ້ຳທາໄດ້ 3 ພັນແມັດກ້ອນຕໍ່ມື້, ໂດຍສະເພາະແມ່ນສະໜອງນ້ຳໃຫ້ 15 ບ້ານ ພາຍໃນເທສະບານເມືອງ ແລະໄດ້ຄວບ ຄຸ້ມກ່ຽວກັບຄຸນນະພາບຂອງນ້ຳຢູ່ໃນໂຮງງານໃນລະດັບ 6,5-8,5, ມີນ້ຳຢາ ຂ້າເຊື້ອທົ່ວເທສະບານເມືອງລະດັບ 0,2 ຕໍ່ລິດ. ເພື່ອເຮັດໃຫ້ນ້ຳມີຄຸນນະພາບ, ຄວາມສະອາດປອດໄພເພື່ອຮັບໃຊ້ປະຊາຊົນ ແລະໄດ້ສະໜອງນ້ຳ 24 ຊົ່ວໂມງ. ໂອກາດນີ້ ທ່ານຍັງໄດ້ຮຽກຮ້ອງມາຍັງຜູ້ຊົມໃຊ້ນ້ຳຈົ່ງຊ່ວຍກັນປະຢັດນ້ຳ, ຮັກສາແຫຼງນ້ຳເພາະວ່າແຫຼ່ງນ້ຳເປັນອັນທີ່ລ້ຽງຊີວິດຄົນ, ສັດສາວາສິ່ງ ແລະພືດຜັກທັນຍາຫານໃຫ້ຢູ່ລອດໃນທຸກມື້ນີ້.

     ຈາກນັ້ນ ທ່ານ ສິດທິກອນ ພະນາລາຍ ຮອງອຳນວຍການລັດວິສາຫະກິດ ນ້ຳປະປາສາຂາແຂວງຫຼວງນ້ຳທາໄດ້ລາຍງານໃຫ້ຮູ້ຕື່ມວ່າ: ແຂວງຫຼວງນ້ຳທາໄດ້ທຶນຊ່ວຍເຫຼືອຈາກ ADB ກໍ່ສ້າງໂຮງງານນ້ຳປະປາ 2 ໂຄງການຄື: ໂຄງການກໍ່ສ້າງໂຮງງານຜະລິດນ້ຳປະປາ ເມືອງຫຼວງນ້ຳທາມີມູນຄ່າ 3,8 ລ້ານ ໂດລາສະຫະລັດ, ໂຄງການນີ້ຄາດວ່າ ຈະເລີ່ມລົງມື້ກໍ່ສ້າງພາຍໃນມີນາ 2017 ນີ້, ຈະມີບ້ານທີ່ໄດ້ຊົມໃຊ້ນ້ຳ 15 ບ້ານ, 3.434 ຄອບຄົວ, 16.619 ຄົນ, ບັນຈຸນ້ຳໄດ້ 6 ພັນແມັດກ້ອນຕໍ່ມື້ ແລະໂຄງການກໍ່ສ້າງໂຮງງານຜະລິດນ້ຳປະປາເມືອງລອງຊຶ່ງໄດ້ຮັບການເຊັນສັນຍາ ແລ້ວໃນວັນທີ 30 ທັນວາ 2016, ໄດ້ລົງມືກໍ່ສ້າງມາແຕ່ວັນທີ 12 ກຸມພາ 2017, ຮອດປະຈຸບັນສຳເລັດແລ້ວ 29%, ສາມາດຜະລິດນ້ຳໄດ້ 1.500 ແມັດກ້ອນຕໍ່ມື້, ມູນຄ່າການກໍ່ສ້າງ 10,7 ຕື້ກີບ, ມີຜູຊົມໃຊ້ນ້ຳ 914 ຄອບຄົວ, ມີ 4.413 ຄົນ, ຍິງ 2.308 ຄົນ, ໃນ 5 ບ້ານເທສະບານ, ມີໜ້າວຽກການກໍ່ສ້າງຄື: ຫົວງານ, ອ່າງຮັບນ້ຳ, ອ່າງນ້ຳນອນ, ອ່າງຕອງ, ອ່າງນ້ຳສະອາດ, ອ່າງນ້ຳສູງ ໂດຍທັງສອງໂຄງການນີ້ ຈະໃຫ້ສຳເລັດໃນທ້າຍປີ 2018.

ຄະແນນລາຍການນີ້
(1 Vote)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ຂ່າວໜ້າໜຶ່ງຍອດນິຍົມ

ໄປເທິງສຸດ