ຈຳປາສັກເສຍຊີວິດ 7 ຄົນ ອຸບັດເຫດປີໃໝ່

     ໃນໄລຍະ 7 ວັນຂອງການສະເຫຼີມສະຫຼອງບຸນປີໃໝ່ລາວທີ່ຜ່ານມາເຖິງແມ່ນວ່າທາງເຈົ້າໜ້າທີ່ກ່ຽວຂ້ອງຈະໄດ້ເອົາໃຈໃສ່ເຂົ້າໃນການຕ້ານ ແລະແກ້ບັນຫາການເກີດອຸບັດເຫດບົນທ້ອງຖະໜົນ ແຕ່ເນື່ອງຈາກວ່າຜູ້ຂັບຂີ່ລະເມີດຕໍ່ກົດລະບຽບຈະລາຈອນເມົາແລ້ວຂັບຂີ່ ເຮັດໃຫ້ທົ່ວແຂວງຈໍາປາສັກມີຈຳນວນ ຜູ້ເສຍຊີວິດເຖິງ 7 ຄົນ.

 

     ຕາມການລາຍງານຂອງເຈົ້າໜ້າທີ່ພະແນກຈະລາຈອນແຂວງຈໍາປາສັກໃຫ້ຮູ້ວ່າ: ໃນໄລຍະການສະເຫຼີມສະຫຼອງບຸນປີໃໝ່ລາວປະຈໍາປີນີ້ ເລີ່ມແຕ່ວັນທີ 11-17 ເມສາຜ່ານມາ, ທົ່ວແຂວງຈໍາປາສັກໄດ້ມີອຸບັດເຫດເກີດຂຶ້ນທັງໝົດ 47 ກໍລະນີ, ໃນນັ້ນລົດຈັກຕໍາລົດຈັກ 17 ລາຍ, ລົດໃຫຍ່ຕໍາລົດຈັກ 12 ລາຍ, ລົດໃຫຍ່ຕໍາລົດຍົນ 4, ເສຍຫຼັກລົ້ມເອງ 3 ລາຍ, ລົດຈັກຕໍາຄົນຍ່າງ 4 ລາຍ, ສາມລໍ້ຕໍາຄົນຍ່າງ 1 ລາຍ, ລົດໃຫຍ່ ຕໍາລົດຈັກແລ້ວຕໍາລົດຈັກ 2 ລາຍ, ລົດຈັກຕໍາຄົນຫຼິ້ນນໍ້າແຄມທາງ 1 ລາຍ ແລະລົດຈັກຕໍາລົດຖີບ 1 ລາຍ ແລະກໍໍລະນີອື່ນໆອີກຈໍານວນໜຶ່ງ, ຊຶ່ງໄດ້ເຮັດໃຫ້ມີຜູ້ໄດ້ຮັບບາດເຈັບທັງໝົດ 107 ຄົນ, ເສຍຊີວິດ 7 ຄົນ, ເພີ່ມຂຶ້ນຈາກປີກ່ອນ 1 ຄົນ, ຄົນບາດເຈັບເພີ່ມຂຶ້ນຈາກປີກ່ອນ 34 ຄົນ, ມີພາຫະນະເປ້ເພທັງໝົດ 84 ຄັນ, ສ້າງຄວາມເສຍຫາຍທັງໝົດ 485 ລ້ານກີບ, ເພີ່ມຂຶ້ນຈາກປີກ່ອນ 26 ລ້ານ ກີບ.

     ສາເຫດຫຼັກທີ່ພາໃຫ້ເກີດອຸບັດເຫດ ແມ່ນມາຈາກຜູ້ຂັບຂີ່ດື່ມສີ່ງມຶນເມົາແລ້ວຂັບລົດ, ຝ່າຝືນກົດລະບຽບຈະລາຈອນ ແລະຂາດຄວາມມີສະຕິລະວັງຕົວໃນການຂັບຂີ່ລົດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ຂ່າວໜ້າໜຶ່ງຍອດນິຍົມ

ໄປເທິງສຸດ