ເຜີຍແຜ່ກົດໝາຍປະກັນສັງຄົມ ເພື່ອເປັນເອກະພາບຂອງກຸ່ມເປົ້າໝາຍ

     ກອງປະຊຸມເຜີຍແຜ່ກົດໝາຍປະກັນສັງຄົມຈັດ ໂດຍກະຊວງແຮງງານສະຫວັດດີການສັງຄົມຮ່ວມກັບພະແນກແຮງງານສະຫວັດດີການສັງຄົມແຂວງສະຫວັນນະເຂດ ໄດ້ຈັດຂຶ້ນໃນທ້າຍອາທິດຜ່ານມາທີ່ສະໂມສອນພະແນກແຜນການ-ການລົງທຶນແຂວງ

ພາຍໃຕ້ການເປັນປະທານຂອງທ່ານ ບຸນລົບ ໂຄດຫຼັກຄຳ ຫົວໜ້າພະແນກແຮງງານ-ສະຫວັດດີການສັງຄົມແຂວງ, ທ່ານນາງ ແກ້ວ ຈັນທະວິໄຊ ຫົວໜ້າກົມປະກັນສັງຄົມກະຊວງແຮງງານສະຫວັດດີການສັງຄົມ, ມີບັນດາຮອງເຈົ້າເມືອງ, ຮອງຫົວໜ້າພະແນກການອ້ອມຂ້າງແຂວງຕະຫຼອດຮອດພະນັກງານວິຊາການຈາກຫົວໜ່ວຍທຸລະກິດທັງພາກລັດ ແລະເອກະຊົນເຂົ້າຮ່ວມ.

     ທ່ານ ບຸນລົບ ໂຄດຫຼັກຄຳ ໄດ້ຍົກໃຫ້ເຫັນວ່າ: ນະໂຍບາຍປະກັນສັງຄົມໝາຍເຖິງການດັດສົມ, ການແຈກຢາຍລາຍໄດ້ແຫ່ງຊາດໃຫ້ສົມເຫດສົມຜົນທັງແມ່ນການປະຕິບັດພັນທະຕໍ່ລັດຖະບານ, ຜູ້ໃຊ້ແຮງງານ, ຜູ້ອອກແຮງງານ ແລະຜູ້ປະກອບອາຊີບສ່ວນບຸກຄົນໃນບັນດາຂະແໜງການຕ່າງໆດ້ວຍການອອກເງິນສົມທົບເຂົ້າກອງທຶນປະກັນສັງຄົມແຫ່ງຊາດ ເພື່ອສົມທົບເປັນກອງທຶນຊ່ວຍ ເຫຼືອເຊິ່ງກັນ ແລະກັນ, ຮັບປະກັນສະໜອງເງິນອຸດໜູນຕ່າງໆໃຫ້ຜູ້ປະກັນຕົນ ຊຶ່ງຈະເຮັດໃຫ້ຊາວຜູ້ອອກແຮງງານກໍຄືພົນລະເມືອງລາວໄດ້ດຳລົງຊີວິດຢ່າງມີຄວາມສຸກ, ຄວາມເອື້ອເຟື້ອເພື່ອແຜ່ ແລະສາມັກຄີຊ່ວຍເຫຼືອເຊິ່ງກັນ ແລະກັນ.

      ຈາກນັ້ນ ທ່ານນາງ ແກ້ວ ຈັນທະວິໄຊ ກໍໄດ້ຂຶ້ນອະທິບາຍກ່ຽວກັບກົດໝາຍວ່າດ້ວຍການປະກັນສົງຄົມ, ກຸ່ມເປົ້າໝາຍການຄຸ້ມຄອງ, ຂັ້ນຕອນການເຂົ້າເປັນສະມາຊິກສຳລັບລັດຖະກອນ, ສຳລັບຜູ້ອອກແຮງງານຢູ່ຫົວໜ່ວຍທຸລະກິດ ແລະສຳລັບຜູ້ສະໝັກໃຈ ພ້ອມນັ້ນຍັງໄດ້ຍົກໃຫ້ເຫັນເຖິງອັດຕາເງິນສົມທົບເຂົ້າເປັນສະມາຊິກກອງທຶນ ພ້ອມທັງໄດ້ອະທິບາຍໃຫ້ເຫັນເຖິງສິດຜົນປະໂຫຍດ ທີ່ຈະໄດ້ຮັບຈາກການເຂົ້າເປັນສະມາຊິກ ໂດຍສະເພາະອຸດໜູນອຸບັດ ເຫດແຮງງານ ຫຼື ພະຍາດອາຊີບ, ອຸບັດເຫດອື່ນໆ, ເສຍກຳລັງແຮງງານ ຫຼື ເສຍອົງຄະພ້ອມນັ້ນຍັງໄດ້ໃຫ້ຮູ້ເຖິງວິທີຄິດໄລ່ເງິນອຸດໜູນເສຍອົງຄະ, ການດູແລຜູ້ເສຍອົງຄະ, ປິ່ນປົວສຸຂະພາບ, ອອກລູກ ຫຼື ຫຼຸລູກ, ປ່ວຍການ, ບຳນານ, ບຳເນັດເທື່ອດຽວ, ເສຍຊີວິດ, ການຄິດໄລ່ເງິນອຸດໜູນຄອບຄົວ ແລະອຸດໜູນວ່າງງານໃນໂອກາດດັ່ງ ກ່າວຍັງໄດ້ເປີດໂອກາດໃຫ້ຜູ້ເຂົ້າຮ່ວມໄດ້ມີການຖາມ ເພື່ອຄວາມກະຈ່າງແຈ້ງຕື່ມອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

ຄຳເຫັນຜູ້ອ່ານ

ໄປເທິງສຸດ