ຈັບ 3 ຄົນຂາຍຢາບ້າ 10 ພັນກວ່າເມັດ

    ເຈົ້າໜ້າທີ່ພະແນກຕຳຫຼວດສະ ກັດກັ້ນ ແລະຕ້ານຢາເສບຕິດແຂວງສະຫວັນນະເຂດເຂົ້າຈັບກຸມຄ້າຂາຍຢາເສບ ຕິດໄດ້ 3 ຄົນ, ຍິງ 2 ຄົນ ພົບເຫັນຢາ ບ້າຈຳນວນ 5 ມັດກັບ 2 ຖົງເທົ່າກັບ 10.400 ເມັດ.

 

     ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດແຂວງກອງບັນຊາການ ປກສ ໃຫ້ຮູ້ວ່າ: ເວລາ 11:30 ໂມງ ຂອງ ວັນທີ 21 ຕຸລາ 2016 ທາງເຈົ້າໜ້າທີ່ພະ ແນກຕຳຫຼວດສະກັດກັ້ນ ແລະຕ້ານຢາເສບຕິດໄດ້ເຂົ້າມ້າງຄະດີຢູ່ເຂດບ້ານ ອຸດົມວິໄລ ເມືອງໄກສອນ ພົມວິຫານ ແຂວງສະຫວັນນະເຂດ ສາມາດກັກຕົວ ຜູ້ຖືກຫາໄດ້ຈຳນວນ 3 ຄົນ. 1 ທ້າວ ຂັນທອງ (ຊຽງ) ອາຍຸ 25 ປີ ກຳມະ ກອນຢູ່ບ້ານດົງດຳດວນ ເມືອງໄກສອນ ພົມວິຫານ ແຂວງສະຫວັນນະເຂດ, 2 ນາງ ບຸນລອນ (ນາງ)ອາຍຸ 29 ປີອາ ຊີບເຮັດນາ ຢູ່ບ້ານນາພອງຕີ້ວເມືອງ ສອງຄອນແຂວງສະຫວັນນະເຂດ ແລະ ນາງ ແສງ ອາຍຸ 35 ປີອາຊີບເຮັດນາຢູ່ບ້ານນາພອງທ່າເມືອງສອງຄອນແຂວງສະຫວັນນະເຂດ.

     ສຳລັບຂອງກາງທີ່ຢຶດມາໄດ້ຢາເສບ ຕິດປະເພດຢາບ້າຈຳນວນ 5 ມັດກັບ 2 ຖົງ ຫຼື ເທົ່າກັບ 10.400 ເມັດ,ໂທລະ ສັບມືຖືຈຳນວນ 3 ໜ່ວຍ, ລົດກະບະວີ ໂກ້ສີປອນທອງ ກຂ 2205 ສະຫວັນນະ ເຂດ 1 ຄັນ, ລົດຈັກຄິກໄອ 125 ຈຳນວນ 1 ຄັນ, ສາຍສ້ອຍສີເຫຼືອງຄ້າຍຄືຄຳຈຳ ນວນ 2 ເສັ້ນ, ແຫວນກ້ຽງສີເຫຼືອງຄ້າຍ ຄືຄຳຈຳນວນ 1 ວົງ.

     ຜ່ານການສືບສວນ-ສອບສວນ ເບື້ອງຕົ້ນພວກກ່ຽວໄດ້ໃຫ້ການສະລະ ພາບວ່າ: ຢາເສບຕິດຈຳນວນດັ່ງກ່າວ ແມ່ນຊື້ມາເພື່ອຈຳໜ່າຍແທ້. ຊຶ່ງປະຈຸບັນ ທາງເຈົ້າໜ້າທີ່ພະແນກຕຳຫຼວດສະ ກັດກັ້ນ ແລະຕ້ານຢາເສບຕິດແຂວງຍັງ ດຳເນີນການສືບສວນ-ສອບສວນເພື່ອ ຂະຫຍາຍຜົນຕື່ມອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ຄຳເຫັນຜູ້ອ່ານ

ໄປເທິງສຸດ