ຕາຍຍ້ອນປາກ

      ໃນເວລາ 10 ໂມງຂອງວັນທີ  25 ກັນຍາ 2015 ທາງກອງບັນຊາການ ປກສ ເມືອງເຊໂປນໄດ້ຮັບແຈ້ງຄວາມຈາກພົນລະເມືອງດີ ແລະການລາຍງານສະພາບຈາກ ປກສ ກຸ່ມລາດທໍ້ວ່າພົບສົບຄົນເສຍຊີວິດຢູ່ແຄມນ້ຳຂອງບັ້ງຫຽງ ຂອບເຂດແກ້ງຈະຫຼອງ

ເມືອງເຊໂປນ ແຂວງສະຫວັນນະເຂດ ເມື່ອໄດ້ຮັບຂ່າວ ແລ້ວທາງກອງບັນຊາການ ປກສ ເມືອງ ເຊໂປນໄດ້ແຕ່ງຕັ້ງໜ່ວຍງານວິຊາສະ ເພາະຄະດີອາຍາ ແລະພາກສ່ວນທີ່ກ່ຽວ ຂ້ອງລົງໄປສະຖານທີ່ເກີດເຫດ ໂດຍໄດ້ມີການປະສານສົມທົບກັບ ປກສ ກຸ່ມລາດ ທໍ້ ແລະອຳນາດການປົກຄອງບ້ານແກ້ງ ຈະຫຼອງ.

    ເມື່ອໄປຮອດສະຖານທີ່ເກີດເຫດໄດ້ພົບເຫັນຄົນເສຍຊີວິດຟູນ້ຳຢູ່ໂດຍມີພົນ ລະເມືອງດີເອົາເຊືອກມັດຕິດກັບຫງ່າ ໄມ້ໄວ້ເຈົ້າໜ້າທີ່ວິຊາສະເພາະຈິ່ງໄດ້ນຳເອົາຊາກສົບຂຶ້ນມາ ເພື່ອສັນນະສູດຜູ້ເສຍ ຊີວິດເປັນເພດຊາຍ ອາຍຸ ປະມານ 40- 50 ປີ ສະພາບຊາກສົບແມ່ນເບັງ, ເໜົ່າເໝັນ, ນຸ່ງສົ້ງຢີນຂາຍາວສີຟ້າ, ບໍ່ໄດ້ນຸ່ງ ເສື້ອ, ຮູບຮ່າງຈ່ອຍ, ສູງປະມານ 1,50 ແມັດ ໜ້າຜາກ ແລະແກ້ມທັງ 2 ເບື້ອງບວມຊ້ຳ, ຕາເບື້ອງຊາຍແຕກ, ມີຮ່ອງຮອຍທຸບຕີທີ່ຕົ້ນຄໍ ແລະມີສາຍເຫຼັກລວດ ຍາວ 1 ແມັດຮັດຄໍ 2 ຮອບ, ໜ້າເອິກມີຮອຍ ບວມຊ້ຳ, ຜ່ານການສັນນະສູດເບື້ອງ ຕົ້ນທາງໜ່ວຍງານວິຊາສະເພາະໄດ້ລົງ ຄວາມກັນວ່າເປັນການຄາດຕະກຳແລ້ວ ເອົາມາຖິ້ມລົງນ້ຳຈາກນັ້ນທັງໜ່ວຍງານວິຊາສະເພາະ ແລະ ປກສ ກຸ່ມບ້ານ ລາດທໍ້ຈິ່ງໄດ້ພາກັນຂັດຈ້ອນບັນດາເປົ້າໝາຍຢູ່ບ້ານແກ້ງກະຫຼອງ ແລະບ້ານໃກ້ ຄຽງເພື່ອຊອກຜູ້ລົງມືຄາດຕະກຳ ແລະແຮງຈູງໃຈໃນການລົງມືຄາດຕະກຳໃນ ຄັ້ງນີ້.

    ມາຮອດວັນທີ 29 ກັນຍາ 2016 ທາງໜ່ວຍງານວິຊາສະເພາະພວກເຮົາ ໄດ້ຮັບຂໍ້ມູນຈາກນາງ ອາເບັງ ອາຍຸ 32 ປີ ຊຶ່ງເປັນເມຍຜູ້ຕາຍ ຊຶ່ງຜົວຂອງຜູ້ກ່ຽວແມ່ນໄດ້ເຂົ້າເຮັດວຽກນຳບໍລິສັດກວາງດາ (ປູກໄມ້ວິກ) ແລ້ວທັງໜ່ວຍງານວິ ຊາສະເພາະຈິ່ງໄດ້ລົງເອົາຂໍ້ມູນຢູ່ແຄ້ມ ຂອງສວນໄມ້ວິກ ແລະໄດ້ຂໍ້ມູນລະອຽດ ຕົກມາຮອດວັນທີ 29 ກັນຍາ 2016 ຈິ່ງໄດ້ເຮັດບົດລາຍງານເຖິງຫົວໜ່ວຍບັນ ຊາການ ປກສ ເມືອງເຊໂປນ ເພື່ອອອກ ຄຳສັ່ງກັກຕົວ ທ້າວ ອາກຸມ ອາຍຸ 25 ປີ  ບ້ານວັງໄຮ ເມືອງເຊໂປນ ແຂວງສະ ຫວັນນະເຂດມາສືບສວນ-ສອບສວນ ເບື້ອງຕົ້ນຜູ້ກ່ຽວໃຫ້ການປະຕິເສດຕົກມາ ຮອດວັນທີ 30 ກັນຍາ 2016 ທ້າວ ອາ ກຸມຈິ່ງໄດ້ຮັບສາລະພາບຕໍ່ພະນັກງານສືບສວນ-ສອບສວນຂອງພວກເຮົາວ່າ ຕົນເອງ ແລະໝູ່ອີກຈຳນວນ 6 ຄົນໄດ້ ພາກັນວາງແຜນຄາດຕະກຳໃນຄັ້ງນີ້.

    ແຮງຈູງໃຈການຄາດຕະກຳໃນຄັ້ງນີ້ ແມ່ນຄວາມຄຽດແຄ້ນຄວາມຫຶງຫວງ ແລະເຮັດໃຫ້ເສຍກຽດສັກສີເພາະຜູ້ເສຍ ຊີວິດໄດ້ໃຊ້ຄຳເວົ້າທີ່ຫຍາບຄາຍ, ດູໝິ່ນ,ຄົມຂູ່ຫວັງຈະເອົາຊີວິດວ່າຕົນເອງເກັ່ງມີ ວິຊາອາຄົມຈະຂ້າໃຜວ່າເວລາໃດກໍໄດ້ ແລະບໍ່ຢ້ານໃຜໝົດ.

    ກ່ອນເຫດການຄາດຕະກຳຈະເກີດຂຶ້ນໃນຄັ້ງນີ້ໃນວັນທີ 25 ກັນຍາ 2016 ຜູ້ຕາຍແມ່ນທ້າວ ດາວເຮືອງ ອາຍຸ 43 ປີ ອາຊີບກຳມະກອນ ບ້ານລາດທໍ້ ເມືອງ ເຊໂປນ ແຂວງສະຫວັນນະເຂດ ໄດ້ໄປ ດື່ມເຫຼົ້າຢູ່ເຮືອນທ້າວ ກຳບັນ ແລະໝູ່ຫຼາຍຄົນກິນໄດ້ໄລຍະໜຶ່ງກໍ່ພາກັນເລີກ ເວລາ 20:00 ໂມງຂອງວັນດຽວກັນກໍ ໄດ້ພາກັນກິນອີກທີ່ເຮືອນຂອງທ້າວ ລະອຽດ ກິນໄປລົມກັນໄປໂດຍທີ່ທ້າວ ດາວເຮືອງເປັນຄົນເວົ້າບໍ່ເກງໃຈໃຜວ່າໂຕເອງ ເປັນໃຫຍ່ຈົນເຮັດໃຫ້ໝູ່ທີ່ນັ່ງກິນເຫຼົ້ານຳກັນບໍ່ພໍໃຈຈົນຮອດ 23 ໂມງ ທ້າວ ດາວເຮືອງ (ຜູ້ຕາຍ) ເວົ້າວ່າ: ໄປກິນຢູ່ເຮືອນ ນາງ ເກດ ຕໍ່ເນາະ ແລ້ວທ້າວ ອານິກໄດ້ເວົ້າວ່າ ໄປຊວນເອົານາງ ເກດໄປກິນທີ່ເຮືອນເຮົາກໍ່ໄດ້ແລ້ວກໍພາກັນໄປຊວນເອົາ ນາງ ເກດ ແລ້ວໄປກິນຢູ່ເຮືອນທ້າວ ອານິກ ພໍຮອດເຮືອນທ້າວ ອານິກ ນາງ ເກດ ແລະຜູ້ຕາຍຂຶ້ນໄປ ກ່ອນຍັງແຕ່ທ້າວ ກຳປັ່ນ, ທ້າວ ອາກຸມ, ທ້າວ ອາອ້ອຍ, ທ້າວ ອາຕຸງ, ທ້າວ ອາ ເວີນ ແລະທ້າວ ບຸນທັນ ບໍ່ທັນຂຶ້ນເຮືອນ ແລ້ວທ້າວ ກຳປັ່ນໄດ້ເວົ້າວ່າ ມື້ກ່ອນໆ ບັກດາວເຮືອງມັນມາຫຼິ້ນນຳລູກສາວເຮົາແລະເອົາເງິນໃຫ້ລູກສາວເຮົາ 60.000 ກີບ ແລະເວົ້າວ່າ ຖ້າລູກເຮົາບໍ່ເອົາມັນຊິຂ້າຖິ້ມຈາກນັ້ນພວກເຂົາກໍໄດ້ເວົ້າກັນ ວ່າ ຕິດຕາມເບິ່ງມັນອີກວ່າມັນສິເວົ້າ ຂົ່ມຂູ່ຄືເກົ່າບໍ່? ເມື່ອເວົ້າກັນແລ້ວທ້າວ ກຳປັ່ນ (ຜູ້ເປັນພໍ່ຂອງນາງ ເກດ) ກໍໄດ້ ນອນຕິດຕາມຢູ່ກ້ອງລ່າງເຮືອນ ສ່ວນທີ່ເຫຼືອແມ່ນຂຶ້ນໄປເທິງເຮືອນພໍດື່ມກິນໄປ ຮອດໄລຍະໜຶ່ງທ້າວ ດາວເຮືອງ ກໍໄດ້ຖາມນາງ ເກດວ່າ ເຈົ້າມັກຂ້ອຍບໍ ່ແຕ່ນາງເກດກໍບໍ່ຕອບ ຈາກນັ້ນທ້າວ ດາວເຮືອງກໍໄດ້ກອດ, ຫອມແກ້ມ ແລະເອົາມືບາຍ ຕົນໂຕຂອງນາງ ເກດ ແຕ່ນາງ ເກດກໍ່ ໄດ້ຍູ້ອອກແລ້ວຜູ້ຕາຍກໍໄດ້ເວົ້າກັບນາງເກດອີກວ່າ ຖ້າເຈົ້າບໍ່ເອົາຂ້ອຍ ຂ້ອຍສິຂ້າເຈົ້າຖິ້ມ ແລະໝູ່ທີ່ກິນເຫຼົ້ານຳກັນຈິ່ງ ພາກັນເວົ້າຂຶ້ນວ່າ ຢ່າເຮັດກັບລູກຫຼານ ແນວນັ້ນລາວອາຍປະໃຫ້ລາວເຫຍັ້ນເຫຼົ້າໃຫ້ກິນກະພໍແລ້ວດ້ວຍ ຄວາມອວດໂອ້ວ່າ ຕົນເອງເກ່ງຜູ້ຕາຍໄດ້ເວົ້າຂຶ້ນວ່າ ເປັນ ຫຍັງຂ້ອຍຊິຈັບຊິບາຍນາງເກດບໍ່ໄດ້ ເງິນຂ້ອຍຕັ້ງ 60.000 ລາວກໍເອົາໄປແລ້ວ ຫຼື ວ່າພວກໂຕຢາກມີເລື່ອງກັບເຮົາ ບໍ່? ຊ່ຳພວກໂຕເຮົາບໍ່ຢ້ານດອກ ຖ້າເຮົາ ເຮັດບໍ່ກາຍ 30 ມື້, ພວກໂຕຕາຍໂລດ ເມື່ອເວົ້າແລ້ວທ້າວ ດາວເຮືອງ (ຜູ້ຕາຍ) ກໍ່ແກ້ເສື້ອອອກຈາກນັ້ນກໍ່ໄດ້ຖົກຖຽງກັນໄປມາຈົນຮອດເວລາ 2 ໂມງ ຂອງ ວັນທີ 26 ກັນຍາ 2016 ທ້າວ ອານິກຜູ້ເປັນເຈົ້າຂອງເຮືອນເວົ້າວ່າ ພໍໆບໍ່ກິນ ແລ້ວເຫຼົ້ານິແລ້ວທ້າວອານິກກໍໄດ້ເມື້ອສົ່ງນາງເກດຢູ່ເຮືອນກ່ອນໝູ່ທີ່ນັ່ງດື່ມເຫຼົ້ານຳກັນແມ່ນລົງຫາທ້າວກຳປ່ັນຢູ່ກ້ອງລ່າງເຮືອນເຫຼືອແຕ່ທ້າວ ອາຕຸງ ແລະທ້າວ ດາວເຮືອງຢູ່ເທິ່ງເຮືອນພາຍ ຫຼັງທ້າວອານິກກັບມາແຕ່ສົ່ງນາງເກດ ແລະໄດ້ຖາມທ້າວກຳປ່ັນວ່າເຈົ້າໄດ້ຍິນບໍ່ບັກດາວເຮືອງມັນເວົ້າຫຍັງໃຫ້ລູກເຈົ້າແລະທ້າວກຳປ່ັນກໍ່ຕອບວ່າ ເຮົາໄດ້ຍິນ ໝົດແລ້ວດ້ວຍຄວາມຢາກຮ້າຍຈິ່ງເວົ້າ ວ່າ ຂ້າມັນເລີຍເບາະ ເມື່ອເປັນແນວນັ້ນ ພວກເຂົາກໍໄດ້ວາງແຜນຂ້າທ້າວດາວ ເຮືອງ ຈິ່ງໃຫ້ທ້າວກຳປັ່ນ, ທ້າວ ອາອ້ອຍ, ທ້າວອາເວີນ ແລະທ້າວບຸນທັນຢູ່ຖ້າກ້ອງ ລ່າງສ່ວນທ້າວອາກຸມ, ທ້າວອານິກແມ່ນ ໃຫ້ຂຶ້ນເທິງເຮືອນແລ້ວສອງຄົນກໍໄດ້ຂຶ້ນໄປແລ້ວໄດ້ຖາມທ້າວອາຕຸງວ່າ ມັນຢູ່ ໃສ່ແລ້ວທ້າວອາຕຸງໄດ້ຕອບວ່າ ມັນຢູ່ນີ້ ຈາກນັ້ນທ້າວອາຕຸງຈິງໄດ້ຈັບຜູ້ຕາຍ ເນັ້ນລົງກັບພື້ນເຮືອນແລ້ວ ທ້າວ ອານິກ  ກໍໄດ້ຈັບແຂນຜູ້ຕາຍລາກໄປຂັ້ນໃດແລ້ວເຕະເຂົ້າກາງຫຼັງຈົນຜູ້ຕາຍຕົກລົງກ້ອງລ່າງເຮືອນແລ້ວທ້າວກຳປັ່ນໄດ້ ໃຊ້ໄມ້ຄ້ອນຕີທີ່ໜ້າຜາກຂອງຜູ້ຕາຍ ແລ້ວທ້າວອາຕຸງກໍໄດ້ຢຽບເອິກຜູ້ຕາຍ ເນັ້ນໄວ້ແລ້ວໝົດທັງ 7 ຄົນໄດ້ລຸມເຕະ ທ້າວ ດາວເຮືອງ ຈົນໝົດສະຕິຈາກນັ້ນ ທ້າວອານິກກໍໄປເອົາສາຍເຫຼັກລວດມາ ຮັດຄໍຜູ້ຕາຍແລ້ວພວກເຂົາທັງ 7 ຄົນ ກໍໄດ້ລາກແກ່ເອົາສົບຂອງຜູ້ຕາຍໄປຖິ້ມລົງນ້ຳເຊບັ້ງຫຽງຫາງຈາກບ້ານແກ້ງ ຈະຫຼອງປະມານ 1000 ແມັດ ຈາກນັ້ນພວກເຂົາທັງ 7 ຄົນກໍໄດ້ກັບມາດື່ມເຫຼົ້າ ຢູ່ເຮືອນຂອງທ້າວອານິກ ແລະໄດ້ສັນຍາ ກັນວ່າ ຖ້າຫາກເຈົ້າໜ້າທີ່ຈັບຜູ້ໃດແມ່ນບໍ່ໃຫ້ໄຂຄວາມລັບເດັດຂາດ.

      ຕົກມາຮອດວັນທີ 30 ກັນຍາ 2016 ທາງວິຊາການຕຳຫຼວດເມືອງເຊໂປນ ໄດ້ໃຊ້ວິຊາສະເພາະຕົວສືບສວນ-ສອບສວນທ້າວອາກຸມ (ຜູ້ຖືກຫາ) ສຸດທ້າຍ ທ້າວອາກຸມກໍ່ໄດ້ສາລະພາບ ແລະຊັກ ທອດເຖິງພວກທີ່ລົງມືກໍ່ເຫດນຳກັນອີກ ຈຳນວນ 6 ຄົນຄື: ທ້າວ ກຳປ່ັນ, ທ້າວ  ອາເວີນ, ທ້າວ ອາອ້ອຍ, ທ້າວ ອານິກ, ທ້າວ ບຸນທັນ ແລະທ້າວ ອາຕຸງ ທັງໝົດແມ່ນຢູ່ບ້ານວັງໄຮ (ໜ່ວຍແກ້ງຈະຫຼອງ) ເມືອງເຊໂປນ ຈາກນັ້ນທາງຄະນະກອງ ບັນຊາການເມືອງເຊໂປນຈິ່ງໄດ້ອອກຄຳສັ່ງກັກຕົວເວລາ 12 ໂມງຂອງວັນທີ 30 ກັນຍາ 2016 ທີມງານວິຊາສະ ເພາະໄດ້ລົງສົມທົບກັບ ປກສ ກຸ່ມບ້ານ ເຂົ້າຈັບກຸມຜູ້ກະທຳຜິດດັ່ງກ່າວໄດ້ທັງໝົດລວມມີ 6 ຜູ້ຖືກຫາ ແລະນຳມາສືບ ສວນ-ສອບສວນເຫັນວ່າຜູ້ຖືກຫາທັງ 7 ຄົນແມ່ນໄດ້ຍອມຮັບສາລະພາບວ່າ ໄດ້ລົງມືຄາດຕະກຳທ້າວ ດາວເຮືອງແທ້ຈິງຕາມທີ່ໃຫ້ການຂ້າງເທິງນັ້ນ.

  ປະຈຸບັນຄະດີຍັງຢູ່ຂັ້ນຕອນສະຫຼຸບ ຄະດີສົ່ງໄອຍະການເຂດ III ສ່ວນຜູ້ຖືກ ຫາທັງ 7 ແມ່ນຖືກກັກຂັງໄວ້ທີ່ຄ້າຍຄຸມ ຂັງຊົ່ວຄາວທີ່ກອງບັນຊາການ ປກສ ເມືອງເຊໂປນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

ຄຳເຫັນຜູ້ອ່ານ

ໄປເທິງສຸດ