ນັກຮຽນ ມສ ປາກເຊຮຽນຮູ້ກົດຈະລາຈອນ

     ວັນທີ 22 ກັນຍາ 2016 ຢູ່ໂຮງຮຽນ ມສ ປາກເຊ ແຂວງຈຳປາສັກນັກຮຽນໂຮງຮຽນດັ່ງກ່າວໄດ້ຮັບຟັງການເຜີຍແຜ່ລະບຽບກົດຈະລາຈອນເພື່ອນຳໃຊ້ໃນຊີວິດປະຈຳວັນໃຫ້ມີຄວາມປອດໄພ

ຊຶ່ງເຜີຍແຜ່ໂດຍທ່ານ ພັນຕີ ແສງເພັດ ສີສົມພອນ ຄະນະພະແນກຈະລາຈອນກອງບັນຊາການ ປກສ ແຂວງຈຳປາສັກ ພ້ອມດ້ວຍຄະນະ ໂດຍເປັນກຽດເຂົ້າຮ່ວມຮັບຟັງຂອງ ທ່ານນາງ ມະນີວອນ ແພງສະຫວ່າງ ຜູ້ອຳນວຍການ ມສ ປາກເຊ ມີພະນັກງານຄູ-ອາຈານ ແລະນ້ອງນັກຮຽນຊັ້ນ ມປາຍ ຈຳນວນ 600 ກວ່າຄົນ.

     ເອກະສານທີ່ນຳມາເຜີຍແຜ່ຄັ້ງນີ້ແມ່ນກົດລະບຽບຈະລາຈອນຕາມເສັ້ນທາງຫຼວງ ໂດຍສະເພາະແມ່ນການຂັບຂີ່ຕ້ອງຮັບຮູ້ລະບຽບການ ທຸກຂັ້ນຕອນຂັບຂີ່ທຸກຄັ້ງຕ້ອງມີຄວາມພ້ອມເຊັ່ນ: ສະພາບເຕັກນິກລົດຕ້ອງມີຄວາມພ້ອມຕ້ອງມີແວ່ນແຍງເພື່ອເບິ່ງທາງດ້ານຫຼັງເວລາຂັບຂີ່, ເບກລົດຕ້ອງດີ, ຕາສັນຍານຊ້າຍຂວາຕາເຍືອງທາງຕ້ອງໃຊ້ໄດ້, ຜູ້ຂັບຂີ່ຕ້ອງສວມໝວກກັນກະທົບກ່ອນຂັບຂີ່, ເວລາມືນເມົາຫ້າມຂັບຂີ່,ຜູ້ຂັບຂີ່ຕ້ອງມີອາຍຸ 15 ປີຂຶ້ນໄປ, ຕ້ອງມີໃບອະນຸຍາດຂັບຂີ່, ການຂັບຂີ່ແມ່ນບໍ່ໃຫ້ໄວເກີນຂອບເຂດຕ້ອງປະຕິບັດຕາມລະບຽບ 40 ກິໂລຕໍ່ຊົ່ວໂມງ ເພື່ອປ້ອງກັນບໍ່ໃຫ້ເກີດອຸບັດເຫດເກີດຂຶ້ນ, ຄຽງຄູ່ກັນ ນີ້ຜູ້ຂັບຂີ່ກໍຄວນມີສະຕິລະມັດລະວັງເວລາຂັບຂີ່ ແລະຄວນຮັບຮູ້ກ່ຽວ ກັບເສັ້ນທາງແຕ່ລະເລນທີ່ໝາຍສີຂາວໄວ້ເພື່ອໃຫ້ຜູ້ຂັບຂີ່ໄດ້ໃຊ້ຢ່າງຖືກຕ້ອງເຊັ່ນ: ເລນລົດຈັກ, ເລນລົດໃຫຍ່, ຕະຫຼອດຮອດໄຟອຳນາດສີ ໃດໃຫ້ລົດຢຸດເພື່ອລໍ ແລະອະນຸຍາດ ໃຫ້ລົດຜ່ານໄປຕະຫຼອດຮອດປ້າຍ ເຕືອນແຕ່ລະຈຸດເພື່ອສະກັດກັ້ນບັນຫາບົນທ້ອງຖະໜົນ ແລະຫີຼກລຽງຄວາມເສຍຫາຍທີ່ຈະເກີດຂຶ້ນທາງ ດ້ານວັດຖຸເງິນຄຳຊີວີດອີນຊີໂດຍສະເພາະແມ່ນໄວໜຸ່ມຊາວໜຸ່ມທີ່ເປັນນ້ອງນັກຮຽນ ແລະບໍ່ແມ່ນນັກຮຽນບາງກຸ່ມທີ່ບໍ່ຄ່ອຍປະຕິບັດລະບຽບມັກຝ່າຝືນມັກຂີ່ລົດເປັນແພຮຽງກັນກີດຂວາງການສັນຈອນສ້າງຄວາມສັບສົນໃຫ້ແກ່ສັງຄົມ.

     ນອກຈາກນີ້ ຍັງໄດ້ເວົ້າເຖິງຜົນຮ້າຍຂອງໄພອັນຕະລາຍຢາເສບຕິດ ຊຶ່ງເປັນປາກົດການອັນຫຍໍ້ທໍ້ທີ່ເກີດຂຶ້ນໃນສັງຄົມມັນເຮັດໃຫ້ຊັບພະຍາກອນມະນຸດຂອງຊາດກາຍເປັນຄົນເສຍທາດຂາດຄຸນຢາເສບຕິດແມ່ນສິ່ງກໍ່ສະນວນໄປສູ່ການກໍ່ອາດຊະຍາກຳ ແລະບັນຫາສຸດທ້າຍແມ່ນເວົ້າເຖິງການສະກັດກັ້ນຕ້ານອັກຄີໄພເພາະບັນ ຫາດັ່ງກ່າວນີ້ມັກເກີດຂຶ້ນໃນແຕ່ລະປີ ໂດຍສະເພາະເຮືອນຊານບ້ານຊ່ອງຂອງພໍ່ແມ່ປະຊາຊົນທີ່ມີການແຕ່ງຢູ່ຄົວກິນ, ການຈູດທູບໄຫວ້ພະປະໄວ້ການນຳໃຊ້ວັດຖຸໄວໄຟທີ່ພາໃຫ້ເກີດເຊື້ອໄຟສະນັ້ນຕ້ອງຮູ້ວິທີປ້ອງກັນໄວ້ລ່ວງໜ້າບໍ່ໃຫ້ບັນຫາດັ່ງກ່າວນັ້ນເກີດຂຶ້ນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ຄຳເຫັນຜູ້ອ່ານ

ໄປເທິງສຸດ