ຍົກລະດັບດ້ານວິຊາການແກ້ໄຂຄຳຮ້ອງຂໍຄວາມເປັນທຳ

     ວັນທີ 12 ກັນຍານີ້ ທີ່ເມືອງທຸລະຄົມ ແຂວງວຽງຈັນ, ກຳມາທິການຍຸຕິທຳ (ກມຍທ) ສະພາແຫ່ງຊາດໄດ້ຈັດກອງປະຊຸມສຳມະນາຍົກລະດັບຄວາມຮູ້ດ້ານວິຊາການກ່ຽວກັບການແກ້ໄຂຄຳຮ້ອງຂໍຄວາມເປັນທຳຕິດພັນກັບການປັບປຸງກົດໝາຍວ່າດ້ວຍການແກ້ໄຂຄຳຮ້ອງທຸກ

ໂດຍການເປັນປະທານຂອງທ່ານນາງ ບົວຄຳ ທິບພະວົງ ປະທານ ກມຍທ ຮ່ວມກັບທ່ານ ຄຳແພງ ວິລະພັນ ແລະທ່ານ ກົງຈີ ຢ່າງຈື່ ຮອງປະທານກຳມາທິການມີຜູ້ຕາງໜ້າຈາກສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ຫ້ອງວ່າການສຳນັກງານປະທານປະເທດ, ຫ້ອງວ່າການສຳນັກງານນາຍົກລັດຖະມົນຕີ, ອົງການກວດກາລັດຖະບານ ພ້ອມດ້ວຍພາກ ສ່ວນກ່ຽວຂ້ອງ ພາຍໃນສະພາແຫ່ງຊາດ, ສະພາປະຊາຊົນນະຄອນຫຼວງ ແລະແຂວງວຽງຈັນເຂົ້າຮ່ວມ.

ທ່ານ ຣິຈິນານ ເອັມ. ພາສ ຕຣານາ (Reginald M. Pastrana) ຊ່ຽວຊານອາວຸໂສທາງດ້ານວິຊາການຂອງໂຄງການສະໜັບສະໜູນຍຸດທະສາດຂອງສະພາແຫ່ງຊາດ, ອົງການສະຫະປະຊາຊາດເພື່ອການພັດທະນາໄດ້ສະເໜີບົດຮຽນຕ່າງປະເທດກ່ຽວດໍ ກັບການແກ້ໄຂຄຳຮ້ອງທຸກ ແລະທ່ານ ກົງຈີ ຢ່າງຈື່ ສະເໜີເຕັກນິກການຄົ້ນຄວ້າຄຳຮ້ອງຂໍຄວາມເປັນທຳທາງແພ່ງ ແລະອາຍາຈາກນັ້ນ  ຜູ້ເຂົ້າຮ່ວມໄດ້ຮ່ວມກັນແລກປ່ຽນ ຄຳຄິດຄຳເຫັນກ່ຽວກັບບົດສະເໜີ ດັ່ງກ່າວ ກອງປະຊຸມຍັງຈະໄດ້ສືບຕໍ່ຮັບຟັງບົດຮຽນກ່ຽວກັບການແກ້ໄຂຄຳຮ້ອງ ແລະຮ່າງກົດໝາຍວ່າດ້ວຍການແກ້ໄຂຄຳຮ້ອງທຸກສະບັບປັບປຸງທັງຮ່ວມກັນແລກປ່ຽນຄຳຄິດຄຳເຫັນແລະຈັດຕັ້ງກຸ່ມຄົ້ນຄວ້າລົງເລິກບາງຄະດີຕົວຢ່າງ ແລະຂຶ້ນລາຍງານຜົນຂອງການຄົ້ນຄວ້າ ໃນກຸ່ມຂອງຕົນກອງປະຊຸມແມ່ນດຳເນີນຈົນເຖິງວັນທີ 14.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ