ອາເມລິກາ-ອິນໂດເນເຊຍບັນລຸຂໍ້ຕົກລົງການຄ້າ 10 ຕື້ໂດລາ

   ຮອງ​ປະທານາທິບໍດີ​ອາ​ເມ​ລິ​ກາ​ສຳ​ເລັດ​ພາລະກິດ​ການ​ຢ້ຽມຢາມ​ສິງກະ​​ໂປ​ໃນ​ທ້າຍ​ອາທິດ​ທີ່​ຜ່ານ​ມາ ດ້ວຍ​ການ​ບັນລຸ​ຂໍ້​ຕົກລົງ​ການ​ຄ້າ​ຮ່ວມ​ກັນ​ມູນ​ຄ່າ​ຫຼາຍ​ກວ່າ 10 ຕື້​ໂດ​ລາ​ສະຫະລັດ.

 

    ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ຢູຊູຟ ກັລລາ ຮອງປະທານາທິບໍດີ​ຂອງ​ອິນ​ໂດ​ເນ​ເຊຍ​ ​ແລະ ​ທ່ານ ​ໄມ​ເພນ ຮອງ​ປະທານາທິບໍດີ​ຂອງ​ອາ​ເມ​ລິ​ກາ​ ຮ່ວມ​ກັນ​​ເປັນ​ສັກຂີ​ພະຍານ​ໃນ​ພິທີ​ລົງ​ນາມ​ບັນທຶກ​ຄວາມ​ເຂົ້າ​ໃຈ(​ເອັມ​ໂອ​ຢູ) 11 ສະບັບ​ເພື່ອ​ສົ່ງ​ເສີມ​ຄວາມ​ຮ່ວມ​ມື​ດ້ານ​ການ​ຄ້າ ​ແລະ ການ​ລົງທຶນ​ລະຫວ່າງ​ສອງ​ປະ​ເທດ​ລວມມູນ​ຄ່າ​ຫຼາຍ​ກວ່າ 10 ຕື້​ໂດ​ລາ, ຊຶ່ງຄວາມ​ເຄື່ອນ​ໄຫວ​ດັ່ງກ່າວ​ມີ​ຂຶ້ນ​ຫຼັງ​ຈາກ​ທ່ານ​ເພນ​ເຂົ້າ​ພົບ​ປະ​ຫາລື​ກັບ​ທ່ານ ​ໂຈ​ໂຄ ວິ​ໂດ​ໂດ ປະທານາທິບໍດີ​ອິນ​ໂດ​ເນ​ເຊຍ​ໃນ​ວັນ​ທີ 20 ​ເມສາ​ທີ່​ຜ່ານ​ມາວ່າ ​ ຕ້ອງການ​ປັບປຸງຄວາມ​ສຳພັນດ້ານ​ການ​ຄ້າ​ລະຫວ່າງ​ອາ​ເມ​ລິ​ກາ​ກັບອິນ​ໂດ​ເນ​ເຊຍ​ໃຫ້​ຢູ່​ລະດັບ​ທີ່​ເທົ່າ​ທຽມ​ກັນ, ທັງ​ນີ້​ອິນ​ໂດ​ເນ​ເຊຍ​ເປັນ 1 ​ໃນ 16 ປະ​ເທດ​ທີ່ຢູ່​ໃນ​ລາຍ​ຊື່​ກຸ່​ມປະ​ເທດ​ໄດ້​ປຽບ​ດຸນ​ການ​ຄ້າ​ກັບ​ເມ​ລິ​ກາ ​ໂດຍ​ອາ​ເມ​ລິ​ກາ​ເປັນ​ຝ່າຍ​ຂາດ​ດຸນ​ການ​ຄ້າ​ອິນ​ໂດ​ເນ​ເຊຍ​ມູນ​ຄ່າ 8,84 ຕື້​ໂດ​ລາ​ໃນ​ປີ​ທີ່​ຜ່ານ​ມາ​ຈາກ​ມູນ​ຄ່າ​ການ​ຄ້າ 23,4 ຕື້​ໂດ​ລາ ​ໂດຍ​ສິນຄ້າ​ທີ່​ອິນ​ໂດ​ເນ​ເຊຍ​ສົ່ງ​ອອກ​ໄປ​ຍັງ​ອາ​ເມ​ລິ​ກາ​ສ່ວນ​ໃຫຍ່​ເປັນ​​ແຜ່ນ​ແພ,​ເສື້ອ​ຜ້າ​ສຳ​ເລັດ​ຮູບ, ​ເກີບ​ໜັງ, ອາຫານ​ທະ​ເລ​ແຊ່​ແຂງ ສ່ວນ​ສິນຄ້າ​ທີ່​ອິນ​ໂດ​ເນ​ເຊຍ​ນຳ​ເຂົ້າ​ຈາກ​ອາ​ເມ​ລິ​ກາ​ຫຼາຍ​ທີ່​ສຸດ​ຄື: ​ເຮືອບິນ, ​ເຄື່ອງ​ຈັກ ​ແລະ ໝາກ​ຖົ່ວ​ເຫຼືອງ.

   ຢ່າງ​ໃດ​ກໍ​ຕາມ ລັດຖະບານ​ຂອງ​ອິນ​ໂດ​ເນ​ເຊຍ​ກຳນົດ​ນະ​ໂຍບາຍ​ດ້ານ​ຕ່າງປະ​ເທດ ​ແລະ ການ​ຄ້າ​ແຍກ​ອອກ​ຈາກ​ກັນ​ຢ່າງ​ຈະ​ແຈ້ງ ​ໂດຍ​ອິນ​ໂດ​ເນ​ເຊຍ​ເພີ່ມ​ຄວາມ​ຮ່ວມ​ມື​ດ້ານ​ການ​ຄ້າ​ກັບ​ອາ​ເມ​ລິ​ກາ ​ແລະ ສປ ຈີນ​ຢ່າງ​ຕໍ່​ເນື່ອງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ