ພາສະປອດສິງກະໂປ-ເຢຍລະມັນມີອິດທິພົນທີ່ສຸດຂອງໂລກ

​      ເປັນ​ເທື່ອ​ທຳ​ອິດ​ທີ່​ສິງກະ​ໂປ​ຄອງ​ອັນ​ດັບ 1 ຮ່ວມ​ກັບ​ເຢຍລະ​ມັນ​ເປັນ​ປະ​ເທດ​ທີ່​ມີ​ໜັງສື​ເດີນ​ໜ້າ​ທີ່​ມີ​ອິດ​ທິພົນ​ທີ່​ສຸດ​ໃນ​ໂລກ​ປະຈຳ​ປີ 2017 ນີ້.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ຈາກ​ການຈັດ​ອັດ​ດັບ​ພາ​ສະປອດ​ທີ່​ມີ​ອິດ​ທິພົນ​ຫຼາຍ​ທີ່​ສຸດ​ໃນ​ໂລກປະຈຳ​ປີ​ນີ້ ​​ໃນ​ດັດຊະນີ​ພາ​ສະປອດ​ຂອງ​ອາຣຕັນ ​ແຄ​ປິ​ຕອນ ທີ່​ເປີດ​ເຜີຍ​ໃນ​ທ້າຍ​ອາທິດ​ທີ່​ຜ່ານ​ມາ ຈາກ​ເດີມ​ສິງກະ​ໂປ​ຕິດ​ອັນ​ດັບ 2 ​ໂດຍ​ຂະນະ​ນີ້​ຜູ້​ຖືພາ​ສະປອດ​ສິງກະ​ໂປ​ສາມາດ​ຍື່ນ​ຂໍ​ວີ​ຊາ​ອູ​ແກຣນ​ໄດ້​ເພີ່ມ​ອີກ 1 ປະ​ເທດ ​ເຮັດ​ໃຫ້​ສິງກະ​ໂປ​ມີ​ຄະ​ແນນ​ລວມ​ເປັນ 159 ຄະ​ແນນ​ເທົ່າ​ກັບ​ເຢຍລະ​ມັນ ​ຊຶ່ງພາ​ສະປອດ​​ເຢຍລະ​ມັນ​ເດີນທາງ​ໄປ​ຕ່າງປະ​ເທດ​ໂດຍ​ບໍ່​ຕ້ອງ​ຂໍ​ວີ​ຊາ 125 ປະ​ເທດ ສ່ວນ​ສິງກະ​ໂປ 122 ປະ​ເທດ ​ແຕ່​ວ່າ​ສິງກະ​ໂປ​ສາມາດ​ຍື່ນ​ຂໍ​ວີ​ຊາ​ແບບ visa-on-arrival ​ໄດ້ 37 ປະ​ເທດ​ຊຶ່ງ​ຫຼາຍ​ກວ່າ​ເຢຍລະ​ມັນ​ທີ່​ຍື່ນ​ຂໍ​ວີ​ຊາ​ປະ​ເພດ​ນີ້​ໄດ້ 34 ປະ​ເທດ, ອັນ​ດັບ 2 ຊູ​ແອດ, 3. ດານ​ມາກ, ​ແຟງ​ລັງ, ​ຝຣັ່ງ, ອິຕາ​ລີ, ນອກ​ແວ, ສ ​ເກົາຫຼີ, ​ແອັດ​ສະ​ປາຍ, ອັງກິດ ​ແລະ ອາ​ເມ​ລິ​ກາ ອັນ​ດັບ 4. ໂອຕຣິດ, ​ແບນ​ຊິກ, ຍີ່ປຸ່ນ, ລຸກ​ຊຳບວກ, ມາ​ເລ​ເຊຍ, ​ໂຮ​ນລັງ, ປັອກຕຸຍ​ການ ​ແລະ ສະ​ວິດ ອັນ​ດັບ 5 ກາ​ນາ​ດາ ​ແລະ ອຽກລັງ, ອັນ​ດັບ 6 ອົດ​ສະຕຣາລີ, ​​ເກຣັກ ​ແລະ ນູ​ແວນ​ເຊ​ລັງ, ອັນ​ດັບ 7 ​ໄອ​ຊະ​ແລນ, ອັນ​ດັບ 8 ມອນ​ຕາ ​ແລະ ​ເຊັກ​ອັນ​ດັບ 9 ຮົງ​ກາຣີ ​ແລະ 10 ​ໂປ​ໂລ​ຍ.

   ດັດຊະນີ​ຊີ້​ວັດ​ການ​ຈຳ​ກັດ​ວີ​ຊາ​ຈັດ​ໂດຍ ​ເຮ​ນລີ​​ແອນ​ພາດ​ເນີ​ສ ທີ່​ເປັນ​ອີກ​ໜຶ່ງ​ເຄື່ອງມື​ໃນ​ການ​ສຳ​ຫຼວດສະ ຖຽນ​ລະ​ພາບ​ໃນ​ການ​ເດີນທາງ ຊຶ່ງ​ໃຊ້​ວິທີ​ປະ​ເມີນ​ຄວາມ​ມີ​ອິດ​ທິພົນ​ຂອງ​ພາ​ສະປອດ​ຕ່າງໆ​ທີ່​ແຕກ​ຕ່າງ​ອອກ​ໄປ​ລະບຸ​ວ່າ ພາສະປອດ​ສິງ​ກະ​ໂປ​ຢູ່​ອັນ​ດັບ 4 ​ໂດຍ​ໃຊ້​ເດີນທາງ​ເຂົ້າ​ອອກປະ​ເທດ​ຕ່າງໆ​ໄດ້ 173 ປະ​ເທດ ​ໂດຍ​ບໍ່​ຕ້ອງ​ຂໍ​ວີ​ຊາ ຂະນະ​ທີ່​ເຢຍລະ​ມັນ​ຄອງ​ອັນ​ດັບ 1 ​ໄດ້​ຮັບ​ການ​ຍົກ​ເວັ້ນວີ​ຊາ​ເຖິງ 176 ປະ​ເທດ​ຈາກ​ທັງ​ໝົດ 218 ປະ​ເທດ ທັງ​ນີ້ ດັດ​ຊະນີ​ພາ​ສະປອດ​ທີ່​ມີ​ອິດ​ທິພົນ​ເປັນ​ການ​ສຳ​ຫຼວດປຽບທຽບ​ພາ​ສະປອດ​ຂອງ 193 ປະ​ເທດ ​ແລະ 6 ​ເຂດ​ແດນ​ທີ່​ເປັນ​ສະມາຊິກ​ອົງການ​ສະຫະ​ປະຊາ​ຊາດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ