ຟິລິບປິນ-ຍີ່ປຸ່ນກຽມລົງນາມກໍ່ສ້າງລົດໄຟໃຕ້ດິນ

   ຟິລິບ​ປິນ-ຍີ່ປຸ່ນ​ກຽມ​ລົງ​ນາມ​ສ້າງ​ລົດ​ໄຟ​ໃຕ້​ດິນ​ເປັນ​ໂຄງການ​ທຳ​ອິດ​ຂອງ​ມະນິລາ ​ເພື່ອ​ແກ້​ໄຂ​ບັນຫາ​ລົດ​ຕິດຢ່າງ​ໜັກ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ທ່າ​ນ ອາ​ເທີ ທູ​ກາ​ເດ ລັດຖະມົນຕີ​ຊ່ວຍ​ວ່າການ​ກະຊວງ​ຂົນ​ສົ່ງ​ຂອງ​ຟິລິບ​ປິນກ່າວ​ວ່າ ທ່ານ ​ໂຣດຣິ​ໂກ ດູ​ເຕີ​ເຕ ຜູ້ນຳ​ຟິລິບ​ປິນ ​ແລະ ທ່ານ​ຊິນ​ໂຊ​ອາ​ເບະ ນາຍົກລັດຖະມົນຕີຂອງ​ຍີ່ປຸ່ນ ຈະ​ລົງ​ນາມ​ໃນ​ຂໍ້​ຕົກລົງ​ກໍ່ສ້າງ​ໂຄງການ​ລົດ​ໄຟ​ໃຕ້ດິນ​ໃນ​​ເດືອນ​ພຶດສະພາ​ທີ່​ຈະ​ມາ​ເຖິງ​ນີ້ ​ເພື່ອ​ບັນ​ເທົາ​ບັນຫາ​ການ​ຈາລະ​ຈອນ​ທີ່​ແອ​ອັດ​ຢູ່​ນະຄອນຫຼວງ​ມະນິລາ.

   ​ໂຄງ​ການ​ດັ່ງກ່າວ​ຖື​ເປັນ​ໂຄງການ​ລົດ​ໄຟ​ໃຕ້​ດິນ​ໂຄງການ​ທຳ​ອິດ​ຂອງ​ຟິລິບ​ປິນ ​ໂດຍ​ມີ​ຄ່າ​ໃຊ້​ຈ່າຍ​ໃນ​ການ​ກໍ່ສ້າງ 227 ລ້ານ​ເປ​ໂຊ(ປະມານ 4,5 ລ້ານ​ໂດ​ລາ​ສະ​ຫະລັດ) ຂະນະ​ທີ່​ເງິນ​ທຶນ​ບາງ​ສ່ວນ​ຈະ​ມາ​ຈາກ​ງົບປະມານ​ຂອງ​ລັດຖະບານ ​ແລະ ອີກ​ສ່ວນ​ໜຶ່ງ​ຈະ​ມາ​ຈາກ​ເງິນ​ທຶນ​ຊ່ວຍ​ເຫຼືອ​ການ​ພັດທະນາ​ຍີ່ປຸ່ນ ລັດຖະບານ​ຟິລິບ​ປິນຄາດ​ວ່າ ​ໂຄງການ​ດັ່ງກ່າວ​ຈະ​ເລີ່​ມລົງມື​ກໍ່ສ້າງ​ໃນ​ປີ 2020 ​ແລະ ສ້າງ​ສຳ​ເລັດ​ໃນ​ປີ 2024.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ