ມິເຄລສັນມະຫາເສດຖີອັນດັບ 1 ຣັດເຊຍ

   ທ່ານ ​ເລ​ໂອ​ນິດ ມິ​ເຄລສັນ ​ເຈົ້າ​ຂອງ​ຮ່ວມ​ບໍລິສັດ​ຜູ້​ຜະລິດ​ແກ໊ສລາຍ​ໃຫຍ່​“​ໂນ​ວາ​ເທດ”​ແຊ໋ມມະຫາ​ເສດຖີ​ທີ່​ຮັ່ງມີ​ທີ່​ສຸດ​ໃນຣັດ​ເຊຍ​ເປັນ 2 ປີຕິ​ດຕໍ່​ກັນ ດ້ວຍ​ຈຳນວນ​ຊັບ​ສິນ 18,4 ຕື້​ໂດ​ລາ​ສະຫະລັດ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ຈາກ​ການຈັດ​ອັນ​ດັບ​ຂອງ​ວາລະ​ສານ​ຟອບສທີ່​ເປີດ​ເຜີຍ​ໃນ​ວັນ​ທີ 20 ​ເມສາ​ທີ່​ຜ່ານ​ມາ​ວ່າ ທ່ານ ມິຄ໌ລສັນ ອາຍຸ 61 ປີ ມີ​ຄວາມ​ຮັ່ງມີ​ເພີ່ມ​ຂຶ້ນ 4 ຕື້​ໂດ​ລາ​ໃນ​ປີ​ທີ່​ຜ່ານ​ມາ ​ເຮັດ​ໃຫ້​ລາວ​ຢູ່​ອັນ​ດັບ 1 ປະຈຳ​ປີ 2017 ຂອງ 200 ນັກທຸລະກິດ​ທີ່​ຮັ່ງມີ​ທີ່​ສຸດ​ຂອງຣັດ​ເຊຍ, ນອກຈາກ​ມີ​ຫຸ້ນ​ສ່ວນ​ໃນ​ໂນ​ວາ​ເທດ ບໍລິສັດ​ຜູ້​ຜະລິດ​ແກ໊ສຂະໜາດ​ໃຫຍ່​ອັນ​ດັບ 2 ຂອງຣັດ​ເຊຍ ຮອງ​ຈາກ​ບໍລິສັດ​ແກ໊ສພຣອມ, ມິ​ເຄລສັນ​ຍັງ​ມີ​ຫຸ້ນ​ໃນ​ບໍລິ​ສັກ​ປີ​ໂຕຣ​ເຄມີ​ຄອລ“​ໄຊ​ບູຣ”ອີກ, ມະຫາ​ເສດຖີ​ອັນ​ດັບ2 ​ແລະ 3 ຂອງຣັດ​ເຊຍ​ປະຈຳ​ປີ​ນີ້ ​ເປັນ​ນັກທຸລະກິດ​ເຫຼັກ​ກ້າ​ທັງ​ສອງ​ຄື: ທ່ານ​ອະ​ເລັກ​ຊີ ມໍ​ດາ​ຊອຟ ອາຍຸ 51 ປີ ​ເຈົ້າ​ຂອງ​ຜູ້​ຜະລິດ​ເຫຼັກ​ກ້າ ​ເຊ​ເວີສຕອລ ມີ​ຈຳນວນ​ຊັບ​ສິນ 17,5 ຕື້​ໂດ​ລາ ​ແລະ ທ່ານ ວະ​ລາ​ດິ​ເມຍ ລິ​ຊິນ ອາຍຸ 60 ປີ ຜູ້​ຖື​ຫຸ້ນ​ໃຫຍ່​ບໍລິສັດຜະລິດ​ເຫຼັກ​ເອັນ​ແອ​ລ​ເອັມ​ເຄ ມີ​ຈຳນວນ​ຊັບ​ສິນ 16,1 ຕື້​ໂດ​ລາ ​ໂດຍ​ຄວາມ​ຮັ່ງມີ​ຂອງ​ມໍ​ດາ​ຊອຟ ເພີ່ມ​ຂຶ້ນ 6,6 ຕື້​ໂດ​ລາ ​ແລະ ລິ​ຊິນ​ເພີ່ມ​ຂຶ້ນ 6,8 ຕື້​ໂດ​ລາ​ໃນ​ປີ​ທີ່​ຜ່ານ​ມາ ​ເນື່ອງ​ຈາກ​ລາຄາ​ເຫຼັກ​ກ້າ​ໃນ​ຕະຫຼາດ​ໂລກ​ສູງ​ຂຶ້ນ.

   ຄວາມ​ຮັ່ງມີ​ຂອງ​ມະຫາ​ເສດ​ຖີ 200 ອັນ​ດັບ​ທຳ​ອິດ​ຂອງຣັດ​ເຊຍ ມີ​ຈຳນວນ​ຊັບ​ສິນ​ລວມກັນ​ຢູ່​ທີ່ 460 ຕື້​ໂດ​ລາ​ໃນ​ປີ​ນີ້​ເພີ່ມ​ຂຶ້ນ 100 ຕື້​ໂດ​ລາ​ຈາກ​ປີ​ທີ່​ຜ່າ​ນມາ ​ແລະ ຈຳນວນ​ເສດຖີ​ທີ່​ມີ​ເງິນ​ຫຼາຍ​ກວ່າ 1 ຕື້​ໂດ​ລາ​ເພີ່ມ​ຂຶ້ນ​ຈາກ 77 ຄົນ​ໃນ​ປີ​ທີ່​ຜ່ານ​ມາ​ເປັນ 96 ຄົນ​ໃນ​ປີ​ນີ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

ຄຳເຫັນຜູ້ອ່ານ

ໄປເທິງສຸດ