ຊາວນະຄອນຫຼວງ ສະຫຼອງປີໃຫມ່ລາວຢ່າງຟົດຟື້ນ ແລະ ໄດ້ເນື້ອໃນ

   ເທສະການສະເຫຼີມສະຫຼອງ ສົ່ງທ້າຍປີເກົ່າ ພສ 2559 ຕ້ອນຮັບປີໃໝ່ ພສ 2560 ຫຼື ເວົ້າຢ່າງ ໜຶ່ງວ່າ: ບຸນກຸດສົງການປີໃໝ່ລາວເປັນງານຮີດຄອງປະເພນີທີ່ໄດ້ ຮັບການ

ປົກປັກຮັກສາ ແລະ ປະຕິບັດສືບທອດກັນມາຂອງຊາວ ລາວໃນທົ່ວປະເທດ ກໍ່ຄືຊາວນະ ຄອນຫຼວງວຽງຈັນ ໃນປີນີ້ໂດຍ ລວມແລ້ວເຫັນວ່າເຕັມໄປດ້ວຍບັນຍາກາດອັນຄຶກຄື້ນມ່ວນຊື່ນ ແລະມີເນື້ອໃນເລິກເຊິ່ງ ຊຶ່ງມັນ ໄດ້ສະແດງອອກໃຫ້ພວກເຮົາໄດ້ ຮັບຮູ້ຫຼາຍດ້ານທີ່ພົ້ນເດັ່ນ.

   ນອກຈາກເປັນການເສີມຂະ ຫຍາຍມູນເຊື້ອວັດທະນະທໍາອັນ ດີງາມແລ້ວ ຍັງເປັນການຊຸກຍູ້ ການຜະລິດເປັນສິນຄ້າ ການທ່ອງ ທ່ຽວທາງວັດທະນະທໍາທ່ອງທ່ຽວທໍາມະຊາດ ແລະປະຫວັດສາດ ຊຶ່ງກ່ອນໜ້າຈະເລີ່ມໃຫ້ມີການຈັດ ເທສະການສະເຫຼີມສະຫຼອງວັນ ສົງການປີໃໝ່ລາວນີ້ ປີນີ້ທາງອົງການປົກຄອງນະຄອນຫຼວງວຽງ ຈັນກໍ່ໄດ້ມີຄໍາສັ່ງແນະນໍາການຫຼິ້ນບຸນປີໃໝ່ປີນີ້ຕ້ອງຮັບປະກັນການ ສົ່ງເສີມ ແລະການປົກປັກຮັກສາ ຮີດຄອງປະເພນີອັນດີງາມ ຮັບປະ ກັນໄດ້ສະຖຽນລະພາບທາງດ້ານການເມືອງຄວາມເປັນລະບຽບ ຮຽບຮ້ອຍ ແລະຄວາມສະຫງົບ ປອດໄພຮອບດ້ານທັງຮັບປະກັນ ໃຫ້ມີຄວາມເບີກບານມ່ວນຊື່ນສະອາດຈົບງາມເພື່ອຕ້ອນຮັບນັກ ທ່ອງທ່ຽວແຂກທັງພາຍໃນ ແລະ ຕ່າງປະເທດທີ່ຈະເຂົ້າມາທ່ອງ ທ່ຽວຢູ່ໃນນະຄອນຫຼວງວຽງຈັນ.

   ເພື່ອເປັນການສະເຫຼີມສະຫຼອງ ບຸນປີໃໝ່ລາວ ພສ 2560 (ປີລະກາ) ໃຫ້ດໍາເນີນໄປດ້ວຍບັນຍາ ກາດເບີກບານມ່ວນຊື່ນ ຮັກສາໄດ້ມູນເຊື້ອວັດທະນະທໍາປະເພນີອັນ ດີງາມຂອງຊາດ ແລະທັງເປັນ ການສົ່ງເສີມຄວາມສາມັກຄີ ໄມ ຕີຈິດມິດຕະພາບລະຫວ່າງຊາວ ນະຄອນຫຼວງກັບແຂກບ້ານ ແຂກເມືອງທີ່ເດີນທາງເຂົ້າມາທ່ອງທ່ຽວ ໃນນະຄອນຫຼວງວຽງຈັນຊຶ່ງການ ຫຼິ້ນໃນປີນີ້ ກໍ່ບໍ່ແຕກຕ່າງກັບທຸກໆ ປີໄດ້ເປັນເອກະພາບໃນຂອບເຂດ ທົ່ວປະເທດໂດຍໄດ້ກໍານົດ 3 ວັນ,ສໍາລັບປີນີ້ຄື: ວັນທີ 14-15-16 ເມສາ 2017, ຊຶ່ງການລະຫຼິ້ນໄດ້ ເນັ້ນເນື້ອໃນ ແລະກິດຈະກໍາສໍາ ຄັນສະເພາະໃນປີນີ້ ດ້ານໜຶ່ງກໍ່ເປັນການທົບທວນສະເຫຼີມສະຫຼອງຜົນງານດ້ານດີໃນຂອບເຂດຄວາມ ຮັບຜິດຊອບຕົນເອງຂອງຄອບຄົວ ແລະຂອງລວມໝູ່ທີ່ຍາດມາໄດ້ ຜົນສໍາເລັດໃນຕະຫຼອດໄລຍະ 1 ປີຜ່ານມາພ້ອມກັບການສົ່ງເສີມກິດຈະກໍາທີ່ເປັນປະເພນີອັນດີງາມມາກ່ອນແລ້ວ ຄື: ການພົບປະສັງສັນ ແລະບາສີສູ່ຂວັນພາຍໃນຄອບຄົວ ຫົດສົງອວຍໄຊເຊິ່ງກັນ ແລະກັນ ເຂົ້າວັດສົງພະຕົບພະທາດຊາຍ ແລະກິດຈະກໍາປິ່ນອ້ອມອື່ນໆ, ພິເສດໃນງານກຸດສົງການປີນີ້ໄດ້ ຈັດໃຫ້ມີການຄັດເລືອກສາວງາມ ນະຄອນວຽງຈັນ ແລະງານປະຕິ ມະກໍາຫາດຊາຍ ເຊິ່ງທັງ 2 ກິດຈະກໍານີ້ເຫັນວ່າມີບັນຍາກາດຍິ່ງໃຫຍ່ ມີເນື້ອໃນທີ່ສ່ອງແສງເຖິງສີໄມ້ລາຍມື ຄວາມສາມາດ ສ່ອງ ແສງໃຫ້ເຫັນໄດ້ການດຶງດູດການທ່ອງທ່ຽວ.

ທ່ານ ນາງ ກິມທີ້ລີ ຊາວຄ້າ ຂາຍເສື້ອຜ້າຈາກປະເທດຫວຽດ
ນາມ ກ່າວວ່າ: ມາຢູ່ປະເທດລາວ ໄດ້ 2 ປີກວ່າແລ້ວ ເຊິ່ງການຫຼິ້ນ ບຸນປີໃໝ່ຕາມຮີດຄອງປະເພນີນີ້ ເຫັນວ່າການສະເຫຼີມສະຫຼອງປີ ໃໝ່ຂອງແຕ່ລະປະເທດກໍ່ແຕກ
ຕ່າງກັນ ແຕ່ກໍ່ມີຄວາມຄ້າຍຄຽງ ກັນ ແຕ່ສະເພາະ ສປປ ລາວ ມີ ລັກສະນະພິເສດ ອາດເປັນເພາະ ການສືບທອດມໍລະດົກທາງວັດ ທະນະທຳອັນດີຂອງລາວທີ່ມີເອ ກະລັກສະເພາະ ຜູ້ຍິງລາວການ ແຕ່ງກາຍນຸ່ງຖືມີກິລິຍາມາລະ ຍາດນອບນ້ອມຖ່ອມຕົວ ເວົ້າໂດຍ ລວມທົ່ວໄປແມ່ນດີຫຼາຍ ມີອັດທະ ຍາໄສດີ ຢູ່ແບບລຽບງ່າຍ ສະບາຍ ທີ່ສໍາຄັນແມ່ນມີຄວາມເປັນລະ ບຽບຮຽບຮ້ອຍ ສະຫງົບປອດໄພ “ສະຫຼອງປີໃໝ່ລາວມ່ວນຫຼາຍ ຖືກໃຈ”.

   ນາງ ເມໄລ ພົງສະຫວ່າງ ນັກສຶກສາຄະນະບັນຊີ ວິທະຍາໄລດົງ ຄໍາຊ້າງລູກຫຼານບ້ານຫ້ອມ ເມືອງ ຫາດຊາຍຟອງ ນະຄອນຫຼວງວຽງຈັນກ່າວໃນນາມສ່ວນຕົວແລ້ວ ກໍ່ ເຫັນວ່າການສະເຫຼີມສະຫຼອງປີ ໃໝ່ ລາວ ພສ 2560 ໃນປີນີ້ຄຶກ ຄັກກວ່າທຸກປີຜ່ານມາ ເພາະມີຫຼາຍກິດຈະກໍາທີ່ໜ້າສົນໃຈ ໂດຍສະ ເພາະ ເອື້ອຍນ້ອງເພດຍິງຈໍານວນ ຫຼວງຫຼາຍທັງຜູ້ນ້ອຍ ໄວໜຸ່ມຍິງສາວໄດ້ພ້ອມກັນນຸ່ງຖືເປັນລະບຽບຮຽບຮ້ອຍຫຼາຍກວ່າທຸກປີຜ່ານມາໂດຍສະເພາະໃນສະຖານທີ່ສາທາລະນະຊົນໃນວັດວາອາຮາມກໍ່ເຫັນວ່າພາກັນນຸ່ງສິ້ນເປັນສ່ວນໃຫຍ່.

   ທ່ານ ງອກກວ໋າງ ແລະ ທ່ານ ໂງ່ເຈືອງ ນັກທ່ອງທ່ຽວຈາກປະ ເທດຫວຽດນາມ ໄດ້ກ່າວວ່າ: ເທ ສະການສະເຫຼີມສະຫຼອງປີໃໝ່ ລາວ ພສ 2560 ຢູ່ນະຄອນຫຼວງວຽງຈັນໃນປີນີ້ກໍ່ຮູ້ສຶກປະທັບໃຈຫຼາຍຢ່າງ ໂດຍສະເພາະຄົນລາວ ແລະວັດທະນະທໍາຮີດຄອງປະເພນີອັນດີງາມຂອງລາວມີເອກະລັກສະເພາະ ສິ່ງທີ່ສໍາຄັນກໍ່ຄືມີນໍ້າໃຈໂອບເອື້ອອາລີ ເປັນຄົນມັກມ່ວນ ບາງຄົນມ່ວນຊື່ນໂດຍປາສະຈາກການດື່ມກິນສິ່ງມືນເມົາ.

   ທ່ານນາງ ວຽງ ປະຊາຊົນ ບ້ານທົ່ງຂັນຄໍາ ເມືອງຈັນທະບູລີ ກ່າວວ່າ: ຕົນເອງພູມໃຈດີໃຈທີ່ ໄດ້ມີໂອກາດຮ່ວມສະເຫຼີມສະຫຼອງ ປີໃໝ່ລາວ ໄປພ້ອມກັບຊາວນະ ຄອນຫຼວງໃນນາມເປັນປະຊາຊົນ ທີ່ມີເຄຫາສະຖານຕັ້ງຢູ່ໃຈກາງ ເມືອງເປັນຈຸດລວມຂອງບັນດາ ກິດຈະກໍາຕ່າງໆຂອງປີໃໝ່ລາວ ທີ່ຈັດຂຶ້ນຢູ່ທີ່ນີ້ ໂດຍສະເພາະການ ຫົດສົງພະພຸດທະຮູບຄູ່ບ້ານຄູ່ ເມືອງລວມເຖິງການຄົບງັນກິດຈະກໍາ ທາງສາສະໜາ ແລະອື່ນໆ. ສະ ເພາະສ່ວນຕົວແລ້ວໃນແຕ່ລະປີ ກໍ່ມີສ່ວນຮ່ວມໃນການເຮັດນໍ້າຫົດ ສົງພະ ແລະເຄື່ອງສັກກາລະບູຊາ ມາຈໍາໜ່າຍໃນແຕ່ລະປີ ປີນີ້ກໍ່ຮູ້ສຶກວ່າຄຶກຄື້ນກວ່າທຸກໆປີມີຜູ້ຄົນຈໍານວນຫຼວງຫຼາຍທັງພາຍໃນນະຄອນຫຼວງຊາວຕ່າງແຂວງໃນ ທົ່ວປະເທດລວມທັງຊາວຕ່າງປະ ເທດທີ່ເດີນທາງມາທ່ຽວຫຼິ້ນໃນ ໂອກາດປີໃໝ່ລາວ ສິ່ງທີ່ໜ້າພູມ ໃຈໄປກວ່ານັ້ນເຫັນວ່າຄົນຈໍານວນຫຼາຍເອົາໃຈໃສ່ປະຕິບັດຂໍ້ຫ້າມ ລວມທັງຄໍາສັ່ງແນະນໍາ ລະບຽບການລະຫຼິ້ນລື້ນເລີງຕ່າງໆທີ່ທາງຂັ້ນເທິງວາງອອກ.

   ສ່ວນຂໍ້ຫ້າມບໍ່ໃຫ້ເອົານໍ້າກ້ອນແກ່ວງໃສ່ລົດໃສ່ຄົນສັນຈອນໄປ ມາ ບໍ່ໃຫ້ໃຊ້ນໍ້າສີ ນໍ້າຄັນຄາຍ ແລະ ນໍ້າເປື້ອນຫົດສົງເຊິ່ງກັນ ແລະກັນ ຖືວ່າປີນີ້ກໍ່ຍັງປາກົດມີໃຫ້ເຫັນ ເປັນຈໍານວນຫຼາຍ ສະເພາະການຫ້າມບໍ່ໃຫ້ນຸ່ງເຄື່ອງໂປ້ ຍົ້ວຍວນ ແລະການກະທໍາແບບລາມົກອານາຈານໃນເຂດວັດ ແລະສະຖານທີ່ຊຸມຊົນ ຖືວ່າບາງເບົາລົງແຕ່ກໍ່ ຍັງປາກົດມີໃຫ້ເຫັນບາງກຸ່ມຄົນ ໂດຍສະເພາະ ໄວໜຸ່ມ ຊາວໜຸ່ມ,ພິເສດໃນປີນີ້ສິ່ງທີ່ເປັນໜ້າຍົກຍ້ອງ ແລະ ຊົມເຊີຍໃນການເອົາໃຈໃສ່ປະ ຕິບັດຂໍ້ຫ້າມໄດ້ດີນັ້ນກໍ່ຄືການຮັກສາໄດ້ຄວາມສະຫງົບປອດໄພ.

   ເຖິງຢ່າງໃດກໍ່ດີ ຖືໄດ້ວ່າການສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່ລາວ ພສ 2560 ໃນປີນີ້ແມ່ນສາມາດປະຕິບັດໄດ້ ຕາມເນື້ອໃນຈິດໃຈ ຈຸດປະສົງລະດັບຄາດໝາຍທີ່ວາງໄວ້ສິ່ງດີໆກໍ່ ພ້ອມກັນສືບຕໍ່ເສີມຂະຫຍາຍບາງ ບັນຫາທີ່ຍັງຄົງຄ້າງກໍ່ຕ້ອງໄດ້ ພ້ອມກັນປັບປຸງ ແກ້ໄຂໃນປີຕໍ່ໄປ ແຕ່ສ່ວນໃຫຍ່ຊາວນະຄອນຫຼວງ ວຽງຈັນ ແມ່ນໃຫ້ຄວາມສໍາຄັນ ການກັນປະຕິບັດຕາມຂໍ້ຫ້າມ ແລະ ຄໍາສັ່ງແນະນໍາຂອງຂັ້ນເທິງຢ່າງ ເຄັ່ງຄັດ ເຮັດໃຫ້ງານສະຫຼອງປີໃໝ່ລາວປີນີ້ມີບັນຍາກາດຄຶກຄື້ນມ່ວນຊື່ນ ແລະມີເນື້ອໃນຄວາມ ໝາຍອັນເລິກເຊິ່ງ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ