ບໍລິສັດ ດວງຈັນ ຮຸ່ງເຮືອງ ມອບອຸປະກອນການຮຽນໃຫ້ນັກຮຽນເກັ່ງ

     ໃນອາທິດທີ່ຜ່ານມານີ້ ທ່ານ ດວງສະໝອນ ບົວມະນີຈັນ ປະທານບໍລິສັດ ດວງຈັນ ຮຸ່ງເຮືອງ ຈຳກັດໄດ້ນຳເອົາອຸປະກອນການຮຽນຈຳນວນໜຶ່ງໄປມອບໃຫ້ນ້ອງໆນັກຮຽນເກັ່ງທັງຊັ້ນປະຖົມ ແລະມັດທະຍົມສຶກສາຂອງເມືອງຜາໄຊ ແຂວງຊຽງຂວາງ ສົກຮຽນ 2016-2017 ທີ່ຫ້ອງການສຶກສາທິການ ແລະກີລາເມືອງດັ່ງ ກ່າວ

ໂດຍໃຫ້ກຽດເຂົ້າຮ່ວມເປັນສັກຂີພະຍານຂອງ ທ່ານ ບຸນມາ ສຸຍະວົງ ຮອງເຈົ້າ ເມືອງຜາໄຊ ແລະກ່າວຮັບຂອງທ່ານ ສີອໍາໄພ ບຸດດາລາທົນ ຫົວໜ້າຫ້ອງການສຶກສາທິການ ແລະກີລາເມືອງ, ມີພະນັກງານ-ຄູອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

     ສໍາລັບອຸປະກອນທີ່ນຳໄປມອບປະກອບມີ: ປື້ມຂຽນ, ບິກ, ສໍດໍາ, ປື້ມສາລະຄະດີຄວາມຮູ້ຮອບຕົວ, ສູດຄິດໄລ່ ແລະວາລະສານຈໍາ ນວນໜຶ່ງລວມມູນຄ່າທັງໝົດ 3 ລ້ານກວ່າກີບ, ມອບໃຫ້ຫ້ອງການສຶກສາທິການ ແລະກີລາເມືອງຜາ ໄຊນໍາໄປແຈກຢາຍໃຫ້ນ້ອງໆນັກຮຽນເກັ່ງຊັ້ນປະຖົມ ປ.5 ແລະຊັ້ນມັດທະຍົມສຶກສາ ມ.4 ແລະ ມ.7 ທີ່ເປັນຕົວແທນໃຫ້ແກ່ບັນດາໂຮງຮຽນທົ່ວເມືອງຜາໄຊຜ່ານ ເຂົ້າໄປສອບເສັງນັກຮຽນເກັ່ງຂັ້ນເມືອງ, ຂັ້ນແຂວງ ແລະລະດັບປະເທດ, ທັງນີ້ ກໍເພື່ອເປັນການຊ່ວຍແບ່ງເບົາພາລະຂອງຜູ້ປົກຄອງ ພ້ອມທັງເປັນການຊຸກຍູ້ໃຫ້ກຳລັງໃຈແກ່ນ້ອງນ້ອຍນັກຮຽນໃນການສຶກສາຮໍ່າຮຽນທັງເປັນການສົ່ງເສີມຂະບວນການຮຽນດີ-ຮຽນ ເກັ່ງຂອງນ້ອງນັກຮຽນອີກດ້ວຍ.

     ປະທານບໍລິສັດ ດວງຈັນ ຮຸ່ງເຮືອງ ຈຳກັດ ມີຄຳເຫັນວ່າ: ການມອບອຸປະກອນການຮຽນໃຫ້ແກ່ ນ້ອງນັກຮຽນເກັ່ງທັງຊັ້ນປະຖົມ ແລະມັດທະຍົມສຶກສາຢູ່ເມືອງຜາໄຊແຂວງຊຽງຂວາງຈະບໍ່ສິ້ນສຸດພຽງແຕ່ສົກຮຽນນີ້ເທົ່ານັ້ນ, ທາງບໍລິສັດພວກເຮົາຍັງຈະສືບຕໍ່ຊຸກຍູ້ສົ່ງເສີມໃນທຸກໆສົກຮຽນໃນຕໍ່ໜ້າອີກດ້ວຍ.

     ທ່ານ ສີອຳໄພ ບຸດດາລາທົນ ໄດ້ກ່າວສະແດງຄວາມຂອບອົກຂອບໃຈ ແລະຮູ້ບຸນຄຸນເປັນຢ່າງສູງຕໍ່ກັບບໍລິສັດ ດວງຈັນ ຮຸ່ງ ເຮືອງ ຈຳກັດ ທີ່ໄດ້ເຫັນຄວາມສຳຄັນນຳເອົາອຸປະກອນການສຶກສາມາມອບໃຫ້ນ້ອງນ້ອຍນັກຮຽນ ເກັ່ງຄັ້ງນີ້, ເປັນການປະກອນສ່ວນ ຊ່ວຍພັດທະນາການສຶກສາເມືອງຜາໄຊ ໃຫ້ນັບມື້ເຂັ້ມແຂງ ແລະກ້າວໄປສູ່ຄຸນນະພາບ.

     ໂອກາດດັ່ງກ່າວ ທັງສອງຝ່າຍຍັງໄດ້ຮ່ວມກັນສ້າງສັນກິດຈະກຳຫຼີ້ນກີລາ ເຕະບານເພື່ອມິດຕະພາບເປັນການສະເຫຼີມສະຫຼອງ ຕ້ອນຮັບກຸດສົງການປີໃໝ່ລາວ ພສ 2560 ພ້ອມທັງເປັນການ ສ້າງສັນຄວາມສາມັກຄີຮັກແພງເຊິ່ງກັນ ແລະກັນອີກດ້ວຍ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ