ໄປຜົ້ງສາລີ ຢ່າລືມແວ່ຊົມ 3 ແຫຼ່ງທ່ອງທ່ຽວສວຍງາມໜ້າສຳຜັດ

     ຜົ້ງສາລີ ແຂວງທີ່ຕັ້ງຢູ່ທາງພາກເໜືອຂອງລາວເປັນອີກຈຸດໝາຍປາຍທາງໜຶ່ງທີ່ນັກທ່ອງທ່ຽວໄຝ່ຝັນຢາກຈະໄປໃຫ້ເຖິງ, ເນື່ອງຈາກເປັນແຂວງທີ່ມີຫຼາກ ຫຼາຍສີສັນ ໂດຍສະເພາະແມ່ນ ດ້ານວັດທະນະທໍາຂອງບັນດາເຜົ່າ ແລະສະຖານທີ່ທ່ອງທ່ຽວທາງປະຫວັດສາດ ແລະທໍາມະຊາດ,

ໃນນີ້ມີແຫຼ່ງທ່ອງທ່ຽວທີ່ສວຍງາມຂອງແຂວງດັ່ງກ່າວ ຊຶ່ງຖ້າຫາກນັກທ່ອງທ່ຽວທ່ານໃດໄດ້ໄປຮອດໄປ ເຖິງແລ້ວແມ່ນບໍ່ຄວນພາດໄປຢ້ຽມຊົມ.

     ອັນດັບທີ 1) ແມ່ນນໍ້າຕົກຕາດມັດເທິງເມືອງບຸນເໜືອເປັນສະຖານ ທີ່ມີຄວາມສວຍສົດງົດງາມຂອງສາຍນໍ້າທີ່ຕົກລົງມາຈາກທີ່ສູງ, ອ້ອມຮອບຕາດມີພູເຂົາປ່າໄມ້ດົກໜາ ຊຶ່ງເປັນທີ່ຢູ່ອາໄສຂອງສັດປ່ານາໆຊະນິດ, ໄລຍະທາງຫ່າງຈາກເທສະບານແຂວງລົງໄປທາງທິດ ໃຕ້ 10 ກິໂລແມັດ.

     ອັນດັບທີ 2) ແມ່ນສະຖານທີ່ທ່ອງທ່ຽວໜອງກິນນາລີເມືອງຜົ້ງສາລີເປັນໜອງທີ່ມີປະຫວັດຄວາມເປັນມາຍາວນານ ແລະເປັນໜອງ ທີ່ສັກສິດໃນເມື່ອກ່ອນ ແລະກໍຍັງມີການເຄົາລົບນັບຖືຂອງຊາວໃກ້ຄຽງຈົນເຖິງທຸກວັນນີ້ທີ່ຕັ້ງຂອງໜອງບໍ່ໄກຈາກເທສະບານແຂວງພໍເທົ່າໃດ ຊຶ່ງມີໄລຍະທາງຫ່າງຈາກເທສະບານຂຶ້ນໄປທາງທິດເໜືອ 5 ກິໂລແມັດ.

     ສຸດທ້າຍ ແມ່ນແຫຼ່ງທ່ອງທ່ຽວພູຜາເຜິ້ງ ເມືອງບຸນໃຕ້ ເປັນສະຖານທີ່ຈຸດຊົມວິວທີ່ສວຍງາມຂອງທໍາມະຊາດໜ່ວຍພູສະຫຼັບຊັບຊ້ອນຕັ້ງຢູ່ໃນເສັ້ນທາງແຕ່ປາກນໍ້ານ້ອຍ ຫາເມືອງບຸນໃຕ້ເໝາະສົມແກ່ການ ພັກຜ່ອນຢ່ອນໃຈຂອງບັນດານັກທ່ອງທ່ຽວທັງພາຍໃນ ແລະຕ່າງ ປະເທດ ໂດຍຕັ້ງຢູ່ຫ່າງຈາກເທສະບານລົງໄປທິດໃຕ້ຕາມທາງຫຼວງບໍ່ໄກປານໃດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

ຄຳເຫັນຜູ້ອ່ານ

ໄປເທິງສຸດ