ມີຈຸດອ່ອນຕ້ອງພັດທະນາ ນີ້ຄືສາຍາເຟີນີເຈີ ລັດສະໝີ ຕົກແຕ່ງ

     ປະຈຸບັນ ທຸລະກິດກ່ຽວກັບການຕົກແຕ່ງເກີດຂຶ້ນຢ່າງຫຼວງຫຼາຍ, ມີທັງບໍລິສັດຂອງຄົນລາວ ແລະຄົນຕ່າງປະເທດ ຊຶ່ງສ້າງທາງເລືອກທີ່ດີແກ່ກຸ່ມລູກຄ້າ,

ແຕ່ຂະນະດຽວກັນກໍ່ເປັນສິ່ງທ້າທາຍໜັກ ໃຫ້ກັບເຈົ້າຂອງທຸລະກິດທີ່ຕ້ອງໄດ້ຊອກຫາຫົນທາງໃນການພັດທະນາຈຸດດ້ອຍຂອງທຸລະກິດໃຫ້ກາຍເປັນຈຸດແຂງເພື່ອຈະສາມາດແຂ່ງຂັນກັບຄູ່ຄ້າໄດ້, ດັ່ງທີ່ບໍລິສັດ ເຟີນີເຈີລັດສະໝີຕົກແຕ່ງພວມດຳ ເນີນຢູ່ໂດຍການເນັ້ນການບໍລິການລູກຄ້າດ້ວຍສິນຄ້າທີ່ມີຄຸນນະພາບ ຫຼາຍກວ່າການບໍລິການດ້ວຍປະລິມານ.

     ທ່ານນາງ ລັດສະໜີ ເວດສະພົງ ອຳນວຍການບໍລິສັດເຟີນີເຈີລັດ ສະໝີຕົກແຕ່ງໃຫ້ສຳພາດເມື່ອບໍ່ດົນມານີ້ວ່າ: ຕະຫຼອດໄລຍະການ ດຳເນີນທຸລະກິດຂອງເຟີນີເຈີລັດ ສະໝີຕົກແຕ່ງເກືອບ 20 ປີ (ນັບ ແຕ່ປີ 2000 ເປັນຕົ້ນມາ) ຊຶ່ງເປັນບໍລິສັດທຳອິດຂອງຄົນລາວທີ່ໃຫ້ບໍລິການຕົກແຕ່ງພາຍໃນ  ແລະເປັນບໍລິສັດນຳເຂົ້າສິນຄ້າ ໂດຍກົງຈາກປະເທດອີຕາລີແທ້, ໄລຍະຜ່ານມາການຕົກແຕ່ງຂອງ ບໍລິສັດຖືໄດ້ວ່າເປັນທີ່ພໍໃຈ ແລະເຊື່ອໝັ້ນຂອງລູກຄ້າເນື່ອງຈາກບໍລິສັດເນັ້ນສິນຄ້າທີ່ມີຄຸນນະພາບ ແລະການບໍລິການກ່ອນ ແລະຫຼັງ ການຂາຍໃຫ້ແກ່ລູກຄ້າທຸກຄັ້ງ, ພ້ອມນັ້ນ ບໍລິສັດກໍໄດ້ອັບເດດສິນຄ້າໃຫ້ທັນກະແສນິຍົມຂອງສັງຄົມ ເພື່ອສະໜອງໃຫ້ແກ່ລູກຄ້າ ແລະອັນໃດທີ່ລູກຄ້າຕ້ອງການບໍລິສັດ ສາມາດຫາໃຫ້ໄດ້, ສິ່ງນີ້ໄດ້ກາຍ ເປັນຈຸດຂາຍ ແລະສ້າງຄວາມເຊື່ອແກ່ລູກຄ້າຕະຫຼອດມາ.

     ຜ່ານການບໍລິການຂອງບໍລິ ສັດຕໍ່ສັງຄົມເຫັນວ່າເປັນທີ່ເພີ່ງພໍ ໃຈຂອງລູກຄ້າດີສົມຄວນ ໂດຍສະເພາະຢູ່ໂຮງແຮມລະດັບໝູ່ບາງແຫ່ງສຳນັກງານຫ້ອງການທາງພາກລັດ, ອົງການຈັດຕັ້ງຕ່າງໆ ແລະສ່ວນບຸກຄົນຈຳນວນໜຶ່ງ.

     ທ່ານນາງ ລັດສະໜີ ເວດສະພົງ ໃຫ້ຮູ້ຕື່ມວ່າ: ເພື່ອເຮັດໃຫ້ທຸລະກິດເດີນໜ້າຕໍ່ໄປ ແລະສາມາດແຂ່ງຂັນກັບບໍລິສັດປະເພດດຽວກັນນັ້ນ, ບໍລິສັດຈະເດີນໜ້າເປັນຜູ້ນຳເຂົ້າສິນຄ້າຕົກແຕ່ງພາຍໃນ ໂດຍກົງຈາກປະເທດອີຕາລີໂດຍການຮ່ວມມືກັບສະມາຄົມເຟີນີເຈີອີຕາລີເພື່ອເອົາສິນຄ້າເກຣດພຣີມ້ຽມມາຈຳໜ່າຍຢູ່ລາວໃຫ້ລູກຄ້າ ໄດ້ເລືອກສິນຄ້າທີ່ມີຄຸນນະພາບ ແລະລາຄາສົມເຫດສົມຜົນ, ເຖິງຢ່າງໃດກໍຕາມເພື່ອເຮັດໃຫ້ບໍລິສັດມີຄວາມເຂັ້ມແຂງ ແລະສາມາດເດີນໜ້າແຂ່ງຂັນໄດ້ກ່ອນອື່ນບໍລິ ສັດຍັງຕ້ອງເອົາໃຈໃສ່ປັບປຸງຫຼາຍດ້ານເປັນຕົ້ນແມ່ນການບໍລິການ ແລະການຄຸ້ມຄອງພະນັກງານເຮັດໃຫ້ຜົນງານທີ່ອອກມາເປັນທີ່ ເພີ່ງພໍໃຈຂອງລູກຄ້າ, ແຕ່ວ່າກວ່າຈະໃຫ້ຜົນງານອອກມາສົມບູນແບບນັ້ນແນ່ນອນເຮົາຕ້ອງກ້າຍອມຮັບເອົາຄຳຕຳໜິຕິຊົມຈາກຄົນອ້ອມຂ້າງ, ຈາກຜູ້ມາໃຊ້ບໍລິການແລ້ວເອົາຈຸດອ່ອນນັ້ນໄປຄົ້ນຄວ້າພິຈາລະນາ ແລະແກ້ໄຂພ້ອມ ນັ້ນຜູ້ບໍລິຫານເອງກໍຍັງຕ້ອງໄດ້ຊອກຮຽນຮູ້ສິ່ງໃໝ່ຢູ່ສະເໝີເພື່ອ ສະໜັບສະໜູນທຸລະກິດ, ຄຽງຄູ່ກັນນັ້ນກໍຕ້ອງພັດທະນາພະນັກງານໄປພ້ອມໆກັນ ຊຶ່ງທັງໝົດນັ້ນ ແມ່ນຍຸດທະສາດທີ່ເຮັດໃຫ້ບໍລິສັດ ເຟີນີເຈີລັດສະໝີຕົກແຕ່ງເຕີບໃຫຍ່ ຂະຫຍາຍຕົວຂ້າມຜ່ານໄລຍະເວລາ 20 ປີ ຜ່ານມາ ແລະຈະກ້າວຜ່ານໄປໃນອະນາຄົດພ້ອມກັບການ                                                               ບໍລິຫານຄົນ ແລະກິດຈະການຂອງບໍລິສັດໃຫ້ເຕີບໂຕຄວບຄູ່ກັບ ຄວາມເພິ່ງພໍໃຂອງສັງຄົມຕະ ຫຼອດໄປ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ