ຍືດເສັ້ນຍືດສາຍໃຫ້ເປັນ ກ່ອນເລີ່ມອອກກຳລັງກາຍ

     ເປັນທີ່ຮູ້ຈັກກັນດີວ່າ ກ່ອນຈະອອກກຳລັງການຫຼິ້ນກີລາຫຍັງກ່ອນກໍ່ຕ້ອງຍືດເສັ້ນຍືດສາຍກ່ອນຖ້າບໍ່ດັ່ງນັ້ນອາດເກີດອາການກ້າມເນື້ອຈີກຂາດບາດເຈັບລະຫວ່າງອອກກຳລັງກາຍໄດ້.

 

     ການຍືດເສັ້ນຍືດສາຍທີ່ດີນັ້ນ ເຮົາຈະຕ້ອງໃຊ້ເວລາໃນການຍືດ ເສັ້ນຍືດສາຍ ກ່ອນອອກກຳລັງກາຍປະມານ 5-8 ນາທີ ຂຶ້ນຢູ່ກັບ ສະພາບຮ່າງກາຍວ່າພ້ອມສ່ໍ່າໃດ ບາງຄົນນັ່ງລົດສາທາລະນະມາອອກກຳລັງກາຍເພື່ອຟິດເນັດຕອນແລງກໍ່ໃຊ້ເວລາໃນການຍືດເສັ້ນຍືດສາຍພຽງໜ້ອຍດຽວ ເພາະໃນລະຫວ່າງມື້ກ້າມເນື້ອ ແລະເສັ້ນເອັນຕ່າງໆຖືກໃຊ້ງານ ຢູ່ໃນລະດັບໜຶ່ງແລ້ວສ່ວນຄົນທີ່ ອອກກຳລັງກາຍຕອນເຊົ້າຈະຕ້ອງໃຊ້ເວລາໃນການຍືດເສັ້ນຍືດ ສາຍດົນແດ່ ເພາະຮ່າງກາຍຂອງເຮົາຫາກໍ່ເລີ່ມອອກຈາກທີ່ພັກລະຫວ່າງນອນຫຼັບ ແລະອາດໃຊ້ເວລາດົນຂຶ້ນໃນສະພາບອາກາດທີ່ເຢັນ.

     ຖ້າທ່ານອອກກຳລັງກາຍ ດ້ວຍການແລ່ນ ຫລືຂີ່ລົດຖີບ ຫຼັງຈາກຍືດກ້າມເນື້ອແລ້ວເຮົາແນະນຳໃຫ້ຍືເສັ້ນຍືດສາຍຮ່າງກາຍ ກ່ອນແລ່ນໄລຍະທາງໄກດ້ວຍ ການຍ່າງຄວາມໄວປະມານ 6 ກມ/ຊມ ປະມານ 5-10 ນາທີ ເພື່ອໃຫ້ຮ່າງກາຍປັບຕົວ ຈາກນັ້ນ ຄ່ອຍແລ່ນໄວຂຶ້ນເລື້ອຍໆ.

     ສິ່ງສຳຄັນສຸດທ້າຍໃນການ ຍືດເສັ້ນຍືດສາຍຄວນໃຫ້ຄວາມສຳຄັນກັບການຍືດກ້າມເນື້ອ ເມື່ອໃດທີ່ທ່ານຍືດກ້າມເນື້ອແລ້ວຮູ້ສຶກຕືງປວດສະແດງວ່າກ້າມເນື້ອໃນສ່ວນນັ້ນອາດຈະຍັງບໍ່ພ້ອມໃຊ້ງານເຕັມທີ່ ຄວນຍືດກ້າມເນື້ອຈົນກວ່າ ຄວາມຕືງປວດນັ້ນຈະທຸເລົາລົງ ແລ້ວຄ່ອຍເລີ່ມອອກກຳລັງກາຍຫາກຝືນຟ້າວອອກກຳລັງກາຍ ແທນທີ່ທ່ານຈະໄດ້ເຜົາແຄລໍຣີ່ ອາດຈະກາຍເປັນເສຍເງິນຫາໝໍ ເພື່ອຮັກສາອາການກ້າມເນື້ອຈີກແທນກໍ່ເປັນໄດ້.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ