20 ປີພີແອນພີຈຳໜ່າຍວັດສະດຸກໍ່ສ້າງທຸລະກິດຍັງຂາຍດີຕໍ່ເນື່ອງ

     ບໍລິສັດພີແອນພີ ອິນເຕີ ເທຣດດິ້ງຈຳກັດຜູ້ດຽວຜູ້ສະໜອງຈຳໜ່າຍອຸປະກອນເຄື່ອງໃຊ້ວັດສະດຸກໍ່ສ້າງມາຕະຫຼອດ 20 ກວ່າປີສັງຄົມຍັງໃຫ້ການຕອບຮັບດີ ແລະມີຈຳນວນເພີ່ມຂຶ້ນໃນແຕ່ລະປີໂດຍສະເພາະສິນຄ້າເຄື່ອງເຢັນ ເຮັດໃຫ້ທຸກປີທຸລະກິດຂະຫຍາຍຕົວລະດັບ 5%.

 

     ເມື່ອບໍ່ດົນມານີ້ທ່ານ ນາງ ປາດ ຖະນາ ຝຣາຊໂຍທາ ຜູ້ອຳນວຍການບໍລິສັດພີແອນພີອິນເຕີເທຣດ ດິ້ງຈຳກັດໃຫ້ສຳພາດວ່າ: ບໍລິສັດ ພີແອນພີອິນເຕີເທຣດດິ້ງຈຳກັດ ສ້າງຕັ້ງປີ 2006 ໂດຍເລີ່ມຕົ້ນ ທຸລະກິແມ່ນຂາຍເຄື່ອງເຢັນ ແລະຕິດຕັ້ງປະເພດແອ, ຕູ້ເຢັນໄລຍະເລີ່ມຕົ້ນກໍມີຄວາມເປັນຫ່ວງຢູ່ແຕ່ຂາຍມາຫຼາຍເດືອນກາຍເປັນປີ ເຫັນວ່າລູກຄ້າໃຫ້ຄວາມເຊື່ອໝັ້ນ ແລະມີຍອດຂາຍເພີ່ມຂຶ້ນຕໍ່ເນື່ອງ ຈິ່ງເຮັດໃຫ້ທຸລະກິດເຕີບໃຫຍ່ຂະ ຫຍາຍຕົວຮອດປະຈຸບັນ.

     ການດຳເນີນທຸລະກິດຂອງບໍລິສັດມາຮອດປະຈຸບັນຄົບ 20 ປີ ພໍດີຕະຫຼາດຈຳໜ່າຍແມ່ນຂະຫຍາຍຂຶ້ນມາເລື້ອຍໆໂດຍປີຜ່ານມາທຸລະກິດເພີ່ມຂຶ້ນ 5% ລູກຄ້າສ່ວນໃຫຍ່ ແມ່ນຢູ່ນະຄອນຫຼວງ ແລະພາກໃຕ້.

     ປະຈຸບັນທາງບໍລິສັດແມ່ນຈຳໜ່າຍສິ້ນຄ້າ 3 ໝວດທີ່ນຳເຂົ້າ ປະເທດຈີນ, ໄທປະເພດທໍ່ນ້ຳທໍ່ນ້ຳປະປາ, ທໍ່ໄຟ, ກາເສືອ, ກາ OK ແລະອຸປະກອນ PVC ກາຊ້າງ, ທໍ່ເຫຼັກເຄືອບສັງກະສີ, ທໍ່ນ້ຳຮ້ອນລວມເຖິງອຸປະກອນໃຊ້ ຫ້ອງນ້ຳທຸກຊະນິດ, ໄຟຟ້າ ແລະເຄື່ອງເຢັນປະເພດແອ.

     ສຳລັບຄວາມຫຍຸ້ງຍາກໃນ ການດຳເນີນທຸລະກິດແນ່ນອນ ສິ່ງທີ່ຫຼີກລຽງບໍ່ໄດ້ແມ່ນບັນຫາຄູ່ແຂ່ງປະເພດດຽວກັນຂຶ້ນຫຼາຍ ໂດຍສະເພາະການແຂງຂັນເລື່ອງລາຄາແນວໃດກໍ່ຕາມທາງບໍລິສັດຈະພະຍາຍາມຫາທຸກຊ່ອງທາງ ເພື່ອໃຫ້ໄດ້ສິນຄ້າທີ່ມີຄຸນນະພາບແຕ່ລາຄາບໍ່ສູງເກີນໄປມາເປັນຈຸດຂາຍ ແລະບໍລິການສັງຄົມດ້ວຍໃຈເຊື່ອວ່າຈຸດນີ້ຈະສາມາດຂັບ ເຄື່ອນທຸລະກິດໄປອີກຍາວນານ. 

     ທ່ານຜູ້ອຳນວຍການຍັງໃຫ້ຮູ້ຕື່ມວ່າ: ທຸລະກິດດັ່ງກ່າວຕໍ່ໜ້າແມ່ນຈະໄປໄດ້ດີເພາະປະເທດລາວກຳລັງຢູ່ໃນໄລຍະພັດທະນາຄວາມຕ້ອງການຊົມໃຊ້ສິນຄ້າມີທ່າອຽງເພີ່ມຂຶ້ນແຕ່ລະປີສະນັ້ນ ແຜນການໃນອະນາຄົດອັນໃກ້ ແມ່ນຈະຂະຫຍາຍໄປຫຼວງພະບາງ.

     ບໍລິສັດພີແອນພີປະຈຸບັນສາມາດສ້າງວຽກເຮັດງານທຳໃຫ້ຄົນລາວ 150 ຄົນ ສຳນັກງານໃຫຍ່ຕັ້ງຢູ່ຖະໜົນ ໄກສອນ ພົມວິຫານ ບ້ານໂພນສະອາດ ເມືອງໄຊເສດຖາ ນະຄອນຫຼວງວຽງຈັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ຄຳເຫັນຜູ້ອ່ານ

ໄປເທິງສຸດ