ຊິເອັນພີ ສຳປະທານຫາດດອນຈັນພໍໃຈປີໃໝ່ ນັກທ່ອງທ່ຽວເຂົ້າຊົມເກືອບ 40 ພັນຄົນ ປີໜ້າຈະເພີ່ມຫຼາຍກິດຈະກຳ

     ບໍລິສັດ ຊິເອັນພີ ຂາເຂົ້າ-ຂາອອກ ຈຳກັດ ຜູ້ສຳປະທານຫາດ ດອນຈັນທີ່ໄດ້ລົງທຶນ 1 ຕື້ກີບ ເພື່ອ ພັດທະນາເຂດດັ່ງກ່າວໃຫ້ກາຍເປັນ ສະຖານທີ່ໜ້າທ່ຽວຊົມເພື່ອດຶງດູດ ນັກທ່ອງທ່ຽວທັງພາຍໃນ ແລະຕ່າງປະເທດທັງເປັນການສົ່ງເສີມ ແລະຮັກສາຮີດຄອງປະເພນີອັນດີງາມໂດຍເນັ້ນສ້າງຫຼາຍກິດຈະກຳ ພ້ອມຄວາມເປັນລະບຽບຮຽບຮ້ອຍປີນີ້ມີນັກທ່ອງທ່ຽວເຂົ້າຊົມເຖິງ 38 ພັນຄົນ ທີ່ເກີນຄາດໝາຍຕັ້ງໄວ້ຂະນະປີໜ້າພ້ອມສ້າງຫຼາຍ ກິດຈະກຳໃຫ້ຫຼາຍຂຶ້ນ.

 

     ທ່ານນາງ ຈັນນະພາ ວົງສະມໍ ຣະພູມ ປະທານກຸ່ມບໍລິສັດ ຊີເອັນພີ (CNP) ຂາເຂົ້າ-ຂາອອກ ຈຳກັດ ໃຫ້ສຳພາດນັກຂ່າວເສດຖະກິດ-ສັງຄົມຮູ້ວ່າ: ສຳລັບການສຳປະທານດັ່ງກ່າວກຸ່ມບໍລິສັດຊີເອັນພີ (CNP) ຂາເຂົ້າ-ຂາອອກຈຳກັດ ຮ່ວມກັບພະແນກຖະແຫຼງຂ່າວວັດທະນະທຳ ແລະທ່ອງທ່ຽວນະຄອນຫຼວງວຽງຈັນສ້າງສະຖານທີ່ທ່ອງ ທ່ຽວຫາດດອນຈັນໃນຫຼາຍກິດຈະກຳໃຫ້ມວນຊົນທັງພາຍໃນ ແລະຕ່າງປະເທດເຂົ້າທ່ຽວຊົມໃນໂອກາດສະເຫຼີມສະຫຼອງສົ່ງທ້າຍປີເກົ່າ ພສ 2559 ແລະຕ້ອນຮັບ ປີໃໝ່ລາວ ພສ 2560 ນຳອີກ ເພື່ອພັດທະນາເຂດດັ່ງກ່າວໃຫ້ກາຍ ເປັນສະຖານທີ່ໜ້າທ່ຽວຊົມເພື່ອ ດຶງດູດນັກທ່ອງທ່ຽວທັງພາຍໃນ ແລະຕ່າງປະເທດທັງເປັນການສົ່ງ ເສີມ ແລະຮັກສາຮີດຄອງປະເພນີ ອັນດີງາມສຳລັບກິດຈະກຳດັ່ງກ່າວບໍລິສັດໄດ້ລົງມືບຸກເບີກດ້ວຍ ການຕົບແຕ່ງສະຖານທີ່ທ່ອງທ່ຽວ ເຂດຫາດດອນຈັນໃຫ້ມີຄວາມສວຍ ງາມເພື່ອຕ້ອນຮັບນັກທ່ອງທ່ຽວທີ່ ມາທ່ຽວຊົມໃນໄລຍະບຸນປີໃໝ່ລາວນັບແຕ່ວັນທີ 13-16 ເມສາ 2017 ໂດຍບໍລິສັດໄດ້ໃຊ້ທຶນຫຼາຍກວ່າ 1 ຕື້ກີບ ເພື່ອປູກຕົ້ນໄມ້ປະດັບຫຼາຍຊະນິດພ້ອມທັງສ້າງຕູບຫຍ້າໄມ້ໄຜ່ໃນຮູບແບບລາວ 100 ກວ່າຫຼັງພ້ອມທັງຈັດໃຫ້ມີກິດຈະກຳຫຼາຍຢ່າງເປັນຕົ້ນສະແດງສິ ລະປະໂດຍນຳເອົານັກສິລະປິນທີ່ ມີຊື່ສຽງທັງພາຍໃນ ແລະຕ່າງປະເທດມາຮ່ວມເພື່ອສ້າງບັນຍາ ກາດມ່ວນຊື່ນກິດຈະກຳສ້າງຈຸດວີໄອພີແບບຄອບຄົວຈຸດຖ່າຍຮູບຮ້ານອາຫານບັນເທີງໂຊນກີລາ ສວນຫຼິ້ນນ້ຳຕີໄກ່ມວຍນ້ຳກະຕໍ້ຫາດຊາຍ ແລະອື່ນໆ.

     ທ່ານນາງ ຈັນນະພາ ວົງສະ ມໍຣະພູມ ໃຫ້ຮູ້ຕື່ມວ່າ: ໃນນາມນັກລົງທຶນຖືວ່າມີຄວາມພໍໃຈຫຼາຍ ແລະຂອບໃຈມ່ວນຊົມທັງພາຍໃນ ແລະຕ່າງປະເທດໃຫ້ຄວາມສົນໃຈມາທ່ຽວຫາດດອນຈັນຫຼາຍກວ່າ ແຕ່ລະປີຜ່ານມາແນວໃດກໍ່ຕາມປີນີ້ມີນັກທ່ອງທ່ຽວເຂົ້າຊົມຫຼາຍໃນນາມຜູ້ສຳປະທານສັນຍາປີໜ້າຈະເພີ່ມຫຼາຍກິດຈະກຳໃຫ້ມວນຊົນໄດ້ມາທ່ຽວໄດ້ມ່ວນຊື່ນຢ່າງສົມໃຈ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ