ຍີ່ປຸ່ນ-ອາເມລິກາຊຸກຍູ້ການຄ້າ ແລະ ການລົງທຶນ

   ຍີ່ປຸ່ນ ​ແລະ ອາ​ເມ​ລິ​ກາ ຕົກລົງກັນ​ທີ່​ຈະ​ຮັດ​ແໜ້ນ​ຄວາມ​ສຳພັນ​ລະ​ຫ່ວາງ​ທັງ​ສອງ​ປະ​ເທດ​ໃຫ້​ແໜ້ນ​ແຟ້ນຍິ່ງ​ຂຶ້ນ ​ເພື່ອ​ຮັບ​ບົດບາດ​ເປັນ​ຜູ້ນຳ​ໃນ​ການ​ກຳນົດ​ມາດ​ຕະຖານ​ການ​ຄ້າ ​ແລະ ການ​ລົງທຶນ​ລະດັບ​ສູງ​ໃນ​ພາກ​ພື້ນ​ອາຊີ-​ປາຊິ​ຟິກ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ທາ​ໂຣ ອາ​ໂສະ ຮອງ​ນາຍົກລັດຖະມົນຕີຂອງ​ຍີ່ປຸ່ນ ​ແລະ ທ່ານ​ໄມ ​ເພນ ຮອງ​ປະທານາທິບໍດີ​ຂອງ​ອາ​ເມ​ລິ​ກາ ອອກ​ຖະ​ແຫຼ​ງການ​ຮ່ວມ​ກັນ ຫຼັງ​ຈາກ​ປຶກ​ສາ​ຫາລື​ກັນ​ດ້ານ​ເສດຖະກິດລະດັບ​ພາ​ຄີ​ຢູ່​ນະຄອນຫຼວງ​ໂຕ​ກຽວ​ຂອງ​ຍີ່ປຸ່ນ​ໃນ​ວັນ​ທີ່ 18 ​ເມສາ​ທີ່​ຜ່ານ​ມາວ່າ ທັງ​ສອງ​ປະ​ເທດ​ຕ້ອງ​ການ​ທີ່​ຈະ​ເປັນ​ຜູ້ນຳ​ໃນ​ການ​ຊຸກຍູ້​ເສດຖະກິດ​ພາກ​ພື້ນ​ອາຊີ-​ປາຊິ​ຟິກ ​ແລະ ທົ່ວ​ໂລກ ຜ່ານ​ການ​ພັດທະນາ​ຄວາມ​ສຳພັນ​ທາງ​ດ້ານ​​ເສດຖະກິດ​ລະຫວ່າງ​ຍີ່ປຸ່ນ ​ແລະ ອາ​ເມ​ລິ​ກາ, ທ່ານ ​ເພນ​ກ່າວ​ວ່າ ການ​ເຈລະຈາ​ລະຫວ່າງ​ຍີ່ປຸ່ນ ​ແລະ ອາ​ເມ​ລິ​ກາ ຈະ​ສາມາດ​ນຳ​ໄປ​ສູ່​ຂໍ້​ຕົກລົງ​ການ​ຄ້າ​ເສລີ​ລະຫວ່າງ​ສອງ​ປະ​ເທດ​ໄດ້ ພ້ອມທັງ​ເນັ້ນວ່າ ທ່ານ ​ໂດ​ນັລທຣຳປະທານ​າທິບໍດີ​ອາ​ເມ​ລິ​ກາ ມີ​ຄວາມ​ມຸ່ງ​ໝັ້ນຕໍ່​ການ​ສະໜັບສະໜູນ​ການ​ເຈລະຈາ​ດ້ານ​ການ​ຄ້າ.

   ຮອງ​ຜູ້ນຳ​ອາ​ເມ​ລິ​ກາ​ກ່າວ​ກັບ​ນາຍົກລັດຖະມົນຕີ​ຍີ່ປຸ່ນ​ລະຫວ່າ​ງຮັບ​ປະທານ​ອາຫານ​ຄໍ່າ​ຮ່ວມ​ກັນ​ວ່າ ທ່ານ​ທຣຳຕັດສິນ​ໃຈ​ຈະ​ຮ່ວມ​ງານ​ຢ່າງ​ໃກ້​ຊິດ​ກັບ​ຍີ່ປຸ່ນ, ສ ​ເກົາຫຼີ ​ແລະ ພັນທະ​ມິດ​ອື່ນໆ​ໃນ​ພາກ​ພື້ນ ລວມ​ທັງ​ສປ ຈີນ ​ເພື່ອ​ບັນລຸ​ແນວທາງ​ແກ້​ໄຂ​ບັນຫາ​ຢ່າງ​ສັນຕິ. ​

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ