ເມືອງແອດ ສະຫຼອງປີໃໝ່ຄູ່ງານຕະຫຼາດນັດສົ່ງເສີມການທ່ອງທ່ຽວ

     ງານຕະຫຼາດນັດສົ່ງເສີມການທ່ອງທ່ຽວໄດ້ຈັດຂື້ນໃນວັນ ທີ12 ເມສາ 2017 ນີ້ ຢູ່ທີ່ແຫຼ່ງທ່ອງທ່ຽວແກ້ງລິດ ເມືອງແອດ ແຂວງຫົວພັນໂດຍການເຂົ້າຮ່ວມຂອງທ່ານ ພູໂຊນ ທຳມະວິໄຊ ຮອງເຈົ້າແຂວງໆຫົວພັນ ທ່ານ ຕົ່ງລີເຕັ່ງ ເຈົ້າເມືອງໆແອດ ພ້ອມພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

 

     ໃນພິທີທ່ານ ພັນທອງເຮີ ຫຼົງໃຈ ຮອງເຈົ້າເມືອງໆແອດໄດ້ມີຄຳເຫັນປີໃໝ່ລາວ ພສ 2560 ແລະງານຕະຫຼາດນັດທີ່ແກ້ງລິດປີນີ້ ຈັດຂຶ້ນເພື່ອສົ່ງເສີມການທ່ອງທ່ຽວ, ໂຄສະນາແຫຼ່ງທ່ອງທ່ຽວ ທີ່ສຳຄັນຂອງເມືອງຕໍ່ສາຍຕານັກ ທ່ອງທ່ຽວທັງພາຍໃນ ແລະຕ່າງປະເທດເປັນການເປີດໂອກາດໃຫ້ຜູ້ປະກອບການທັງພາຍໃນ ແລະ ຕ່າງປະເທດນຳເອົາເຄື່ອງອຸປະໂພກ-ບໍລິໂພກ, ອາຫານການກິນ ແລະເຄື່ອງດື່ມມາວາງຈຳໜ່າຍຄອຍບໍລິການແຂກທີ່ມາທ່ຽວຊົມບຸນປີໃໝ່ລາວ ໄດ້ຈັບຈ່າຍໃຊ້ສອຍ ທັງເປັນການອະນຸລັກຮັກສາຮີດຄອງປະເພນີອັນດີງາມຂອງລາວ ໂດຍສະເພາະແມ່ນຮີດ 12 ຄອງ 14 ທີ່ເຄີຍເຊື່ອຖືກັນມາແຕ່ບູຮານນະການ.

     ຈາກນັ້ນທ່ານ ພູໂຊນ ທຳມະວິໄຊ ຮອງເຈົ້າແຂວງ ຜູ້ຊີ້ນຳຂົງເຂດວັດທະນະທຳ-ສັງຄົມຂັ້ນແຂວງໄດ້ຍົກໃຫ້ເຫັນຄວາມໝາຍຄວາມ ສຳຄັນຂອງການທ່ອງທ່ຽວກິດຈະກຳທ່ອງທ່ຽວທີ່ກະຈາຍລາຍຮັບໃຫ້ແກ່ປະຊາຊົນ ແລະຜູ້ປະກອບການໄດ້ເປັນຢ່າງດີ ເພາະການທ່ອງທ່ຽວບໍ່ເປັນພິດໄຟທຳລາຍສິ່ງແວດລ້ອມ-ສັງຄົມເປັນການສ້າງອາຊີບສ້າງລາຍຮັບໃຫ້ປະຊາຊົນມີຊີວິດການເປັນຢູ່ນັບມື້ດີຂຶ້ນ ພ້ອມນີ້ທ່ານຍັງໄດ້ຮຽກຮ້ອງໃຫ້ ທຸກພາກສ່ວນຈົ່ງພ້ອມກັນປົກປັກຮັກສາແຫຼ່ງທ່ອງທ່ຽວ, ປົກປັກຮັກສາທຳມະຊາດໃຫ້ມີຄວາມສວຍສົດງົດງາມ ເພື່ອດຶງດູດແຂກຈາກທົ່ວສາລະທິດໃຫ້ເຂົ້າມາທ່ຽວຊົມນັບມື້ຫຼາຍຂຶ້ນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ