ທ່ານຮອງເຈົ້າຄອງ ເນັ້ນນັກກີລາຫາດຊາຍ ຕ້ອງສືບຕໍ່ພັດທະນາ

     ການແຂ່ງຂັນກີລາຫາດຊາຍໃນງານບຸນປີໃໝ່ລາວ ສພ 2560 ທີ່ຫາດດອນຈັນໄດ້ຈັດຂຶ້ນ ດ້ວຍບັນຍາກາດຄຶກຄື້ນ ໂດຍມີທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ (ນວ), ທ່ານ ຄຳສະຫວັນ ໂຄດໄຊ ຮອງພະແນກສຶກສາ ແລະກີລາ ນວ, ມີຄະນະນັກກີລາຈາກບັນດາເມືອງ, ສະຫະພັນກີລາໂຮງຮຽນຕ່າງໆ ເຂົ້າຮ່ວມ.

 

     ການແຂ່ງຂັນກີລາຫາດຊາຍ ໃນງານບຸນປີໃໝ່ລາວ ພສ 2560 ປະກອບມີ 3 ກິດຈະກຳເຊັ່ນ: 1 ກິດຈະກຳແຂ່ງຂັນກີລາສັກພື້ນເມືອງ ມີ 5 ພາກສ່ວນເຂົ້າຮ່ວມ, 2 ກິດຈະກຳແຂ່ງຂັນບານເຕະຫາດຊາຍມີ 4 ຮຸ່ນຄື: ຮຸ່ນອາຍຸບໍ່ເກີນ 13 ປີມີ 8 ທິມ, ຮຸ່ນອາຍຸບໍ່ເກີນ 16 ປີມີ 6 ທິມ, ຮຸ່ນທົ່ວໄປມີ 4 ທິມ ແລະອາວຸໂສ 45 ປີ ຂຶ້ນໄປມີ 4 ທິມ ແລະ 3 ກິດ ຈະກຳບານສົ່ງ (ຍິງ-ຊາຍ) ມີທັງໝົດ 28 ທິມເຂົ້າຮ່ວມ ໃນນັ້ນກີລາບານສົ່ງຊາຍມີ 18 ທິມ ແລະບານສົ່ງຍິງມີ 10 ທິມ ຊຶ່ງ ໄດ້ເລີ່ມແຂ່ງຂັນແຕ່ວັນທີ 14 ຈົນ ເຖີງວັນທີ 16 ຈຶ່ງສຳເລັດ ທັງນີ້ ກໍ່ເພື່ອເຮັດໃຫ້ການສະເຫຼີມສະຫຼອງປີໃໝ່ລາວ ພສ 2560 ເຕັມໄປ ດ້ວຍບັນຍາກາດຟົດຟື້ນມ່ວນຊື່ນແນໃສ່ປຸກລະດົມເຍົາວະຊົນ-ໄວໜຸ່ມ ຫັນມາຫຼິ້ນກີລາຫ່າງໄກຈາກຢາເສບຕິດ.

     ສຳລັບຜົນການແຂ່ງຂັນກີລາ ຕ່າງໆປະກອບມີດັ່ງນີ້: ກີລາຕີໄກ່ພື້ນເມືອງທີໜຶ່ງ: ໄດ້ແກ່ຄ້າຍໄກ່ຊູຊີງແຊ້ມ, ທີສອງ: ຄ້າຍໄກ່ມັງກອນທອງໜຶ່ງ, ທີສາມ: ໄດ້ແກ່ມັງກອນທອງສອງ; ກີລາບານເຕະຮຸ່ນອາຍຸບໍ່ເກີນ 13 ປີ ທີໜຶ່ງ: ໄດ້ແກ່ທິມປະສານໃຈ FC, ທີສອງ: ອຸບມົງທອງ 1, ທີສາມ: ບ້ານດອນໄຮ່; ຮຸ່ນອາຍຸບໍ່ເກີນ 16 ປີ ທີໜຶ່ງ: ໄດ້ແກ່ທິມອຸບມົງທອງ1, ທີສອງ: ບຸນທົງອາໄລ່ ແລະທີສາມ ມສ ນາຝາຍ; ຮຸ່ນທົ່ວໄປທີໜຶ່ງ: ແມ່ນທິມອຸບມົງທອງ, ທີສອງ ລັດວິສາຫະກິດນ້ຳປະປານະຄອນຫຼວງ, ທີສາມບ້ານນາຫ້ອມ; ຮຸ່ນອາວຸໂສ 45 ປີຂຶ້ນໄປ ທີໜຶ່ງແມ່ນລູກນ້ຳຂອງ FC, ທີສອງ ຮ້ານເຝີຈັນມະລີ ແລະ ອັນດັບທີ 3 ໄດ້ແກ່ ມິດໄມ 2.

     ສ່ວນກິລາບານສົ່ງຊາຍອັນດັບທີ 1 ໄດ້ແກ່ແພດສາດ ຄະນະພະຍາບານສາດ1, ທີສອງ ມສ ວຽງຈັນ ແລະອັນດັບທີສາມໄດ້ແກ່ 2 ອ້າຍນ້ອງ, ກິລາບານສົ່ງຍິງ ອັນດັບທີ 1 ໄດ້ແກ່ທິມບ້ານເພຍວັດ, ທີສອງ ມສ ວຽງຈັນ1 ແລະອັນດັບທີສາມ ມສ ວຽງຈັນ 3. ນອກຈາກນັ້ນ ກໍໄດ້ມີການມອບໃຍຍ້ອງຍໍ ແລະຂັນລາງວັນໃຫ້ ແກ່ນັກກີລາດີເດັ່ນ ຊຶ່ງໃຫ້ກຽດຂຶ້ນມອບຂອງທ່ານ ສີຫຸນ ສິດທິລືໄຊ ຮອງເຈົ້າຄອງ ນວ.

     ທ່ານ ສີຫຸນ ສິດທິລືໄຊ ຮອງ ເຈົ້າຄອງ ນວ ທັງເປັນປະທານຄະນະກຳມະການຈັດງານສະເຫຼີມສະຫຼອງສົ່ງທ້າຍປີເກົ່າ ພສ 2559 ແລະຕ້ອນຮັບປີໃໝ່ລາວ ສພ 2560 ຢູ່ ນວ ໄດ້ກ່າວວ່າ: ການແຂ່ງຂັນ ກີລາຫາດຊາຍ ແມ່ນໄດ້ປະກອບສ່ວນຢ່າງໃຫຍ່ຫຼວງເຂົ້າໃນການ ສະເຫຼີມສະຫຼອງງານບຸນປີໃໝ່ລາວ ພສ 2560 ມີບັນຍາກາດຟົດຟຶ້ນ ແລະສາມາດພັດທະນາເຕັກນິກໃນການຫຼິ້ນກີລາຫາດຊາຍໄດ້ຫຼາຍຂຶ້ນ. ພິເສດໄປກວ່ານັ້ນການແຂ່ງຂັນກີລາຫາດຊາຍຄັ້ງນີ້ ແມ່ນໄດ້ຮັບການສະໜັບສະໜູນທັງໝົດ ຈາກບໍລິສັດ CNP ການຄ້າຂາອອກ-ຂາເຂົ້າ ຈຳກັດ.

     ໂອກາດດັ່ງກ່າວ ທ່ານຮອງ ເຈົ້າຄອງນະຄອນຫຼວງວຽງຈັນ ກໍ່ໄດ້ເນັ້ນໃຫ້ພະແນກສຶກສາທິການ ແລະກີລາ ນວ ແລະພາກສ່ວນຕ່າງໆລວມໄປເຖິງໂຕນັກກີລາເອງຕ້ອງເອົາໃຈໃສ່ພັດທະນາ ຕົນເອງເພື່ອສາມາດແຂ່ງຂັນກັບ
ນັກກີລາຈາກບັນດາປະເທດອາຊຽນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ