ສິດເກົ່າ ມສ ເມືອງວັງ ມອບເຄື່ອງຊ່ວຍເຫຼືອຕອບແທນຄຸນຄູ່

     ເພື່ອເປັນການຕອບແທນບຸນຄຸນຂອງຄູອາຈານທີ່ໄດ້ປະກອບສ່ວນສອນໃຫ້ມີຄວາມຮູ້ຄວາມສາມາດ ແລະມີຄຸນສົມບັດຈົນເຮັດໃຫ້ທຸກຄົນມີໜ້າທີ່ການງານສຳເລັດປະສົບການໃນທຸກມື້ນີ້ ເມື່ອວັນທີ 10 ເມສາ 2017 ທີ່ໂຮງຮຽນ ມສ ເມືອງວັງ ເມືອງວິລະບູລີ ແຂວງສະຫວັນນະເຂດ

ສະມາຄົມສິດເກົ່າໄດ້ນຳເອົາເຄື່ອງຊ່ວຍເຫຼືອປະເພດອຸປະກອນຫຼີ້ນກິລາມາມອບໃຫ້ໂຮງຮຽນດັ່ງກ່າວ ໂດຍເປັນກຽດເຂົ້າຮ່ວມຂອງທ່ານ ສາລີ ແສງສຳລານຜູ້ອຳນວຍການໂຮງຮຽນ, ທ່ານ ເພັດສະໄໝ ໄຊສຸກດາວົງ ຮອງອຳນວຍການໂຮງຮຽນ ມີບັນດາຄູອາຈານ,ລູກສິດເກົ່າ 32 ຄົນ ແລະນ້ອງນັກຮຽນທີ່ເຂົ້າຮ່ວມ.

     ເຄື່ອງທີ່ນຳໄປມອບຄັ້ງນີ້ສະມາຄົມສິດເກົ່າໂຮງຮຽນ ມສ ເມືອງວັງ 32 ຄົນໄດ້ຮ່ວມກັນລະດົມຈາກຜູ້ມີນ້ຳໃຈໃສສັດທາປະກອບກັບຂອງສ່ວນຕົວ ຊຶ່ງລວມມີປະເພດບານຕີ, ບານເຕະ, ກະຕໍ້ ແລະຊຸດກີລາລວມມູນຄ່າ 4 ລ້ານກວ່າກີບ.

     ໃນພິທີການມອບໃນຄັ້ງນີ້ກໍ່ເປັນການຕອບແທນບຸນຄຸນຂອງຄູອາຈານ ພ້ອມທັງເປັນການຍົກລະດັບຂອງວຽກງານການສຶກສາ ແລະກີລາ ເພື່ອໃຫ້ນັກຮຽນລຸ້ນນ້ອງໄດ້ມີໂອກາດໃນການຫຼີ້ນກີລາໃຫ້ມີສຸຂະພາບເຂັ້ມແຂງ ແລະຫ່າງໄກຈາກຢາເສບຕິດ ໂດຍຕ່າງໜ້າສະມາຄົມສິດເກົ່າກ່າວຂຶ້ນ ມອບແມ່ນທ້າວ ບຸນທະວີ ທິດທິ ພອນ ແລະກ່າວຮັບໂດຍອາຈານ ສາລີ ແສງສຳລານ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ