ບຸນເກີດ ເນັ້ນຄວາມແຕກຕ່າງຂອງການສ້າງ ທຸລະກິດໂຮງຮຽນ

   ໃນປະຈຸບັນການສຶກສາໄດ້ກາຍເປັນອີກໜຶ່ງຮູບແບບຂອງທຸລະກິດທີ່ເກີດຂຶ້ນເປັນຈຳນວນຫຼາຍຢູ່ພາຍໃນບ້ານເຮົາໂດຍສະເພາະນະຄອນຫຼວງວຽງຈັນ ແລະ ກໍຍັງເປັນທຸລະກິດທີ່

ມີການແຂ່ງຂັນສູງເພື່ອດຶງດູດຜູ້ມາຮຽນໂດຍແຕ່ລະໂຮງຮຽນກໍຈະມີກົນລະຍຸດທີ່ແຕກຕ່າງກັນໄປຊຶ່ງມັນກໍເປັນການດີໃຫ້ແກ່ພາກລັດໃນການຈະສ້າງບຸກຄະລາກອນທີ່ດີອອກມາ ຮັບໃຊ້ສັງຄົມຕາມທີ່ໂຮງຮຽນບຸນເກີດພວມດຳເນີນຢູ່ໃນຂະນະນີ້.

   ທ່ານ ວົງທອງ ພິລາວົງ ຮອງ ອຳນວຍການໂຮງຮຽນບຸນເກີດໃຫ້ຮູ້ເມື່ອບໍ່ດົນມານີ້ວ່າ: ບຸນເກີດເປັນ ໂຮງຮຽນເອກະຊົນແຫ່ງໜຶ່ງທີ່ໄດ້ຮັບການສ້າງຕັ້ງຂຶ້ນໃນປີ 2008 ແລະໄດ້ດຳເນີນການຮຽນ-ການ ສອນມາຮອດປະຈຸບັນກໍຄືການມຸ່ງ ເນັ້ນໃນການຈະພັດທະນາບຸກຄະ ລາກອນເພື່ອສະໜອງໃຫ້ແກ່ພາກລັດ, ທັງເປັນການຊ່ວຍຫຼຸດຜ່ອນຄວາມໜາແໜ້ນໃຫ້ກັບໂຮງຮຽນລັດໃນຂອບເຂດທົ່ວປະເທດຊຶ່ງຜ່ານການດຳເນີນທຸລະກິດດ້ານການຮຽນ-ການສອນຂອງໂຮງຮຽນມາຮອດປະຈຸບັນຖືໄດ້ວ່າໂຮງຮຽນດັ່ງກ່າວເປັນໂຮງຮຽນໜຶ່ງທີ່ໄດ້ຮັບຄວາມໄວ້ເນື້ອເຊື່ອໃຈຈາກສັງຄົມເປັນຢ່າງດີຊຶ່ງສະແດງອອກຜ່ານຕົວເລກຂອງນັກຮຽນທີ່ເພີ່ມຂຶ້ນໃນແຕ່ລະສົກປີ, ສະຖິຕິຂອງນັກຮຽນທີ່ໄດ້ເສັງນັກຮຽນ ເກັ່ງ, ການໄດ້ຮັບການຍ້ອງຍໍຮຽນດີຮຽນເກັ່ງ, ແຂ່ງຂັນກີລາ ແລະ ສີລະປະດີເດັ່ນຂັ້ນຕ່າງໆ, ການ ສ້າງໂຮງຮຽນໃຫ້ເປັນໂຮງຮຽນ ສີຂຽວ, ສະອາດ, ປອດຢາເສບຕິດ ແລະ ການສ້າງບຸກຄະລາກອນອອກມາຮັບໃຊ້ສັງຄົມພາຍຫຼັງທີ່ຮຽນຈົບໄປແລ້ວ.

   ປະຈຸບັນ ໂຮງຮຽນດັ່ງກ່າວແມ່ນໄດ້ໃຫ້ບໍລິການສິດສອນເດັກແຕ່ຂັ້ນອະນຸບານ, ຊັ້ນປະຖົມ ແລະ ມັດທະຍົມສຶກສາ, ສະເພາະປີ 2017 ມີນັກຮຽນມາເຂົ້າຮຽນທັງໝົດ 700 ກວ່າຄົນ ໃນຂອບເຂດ ທົ່ວປະເທດ ຊຶ່ງທາງໂຮງຮຽນຈະ ມີຫໍພັກສຳລັບນັກຮຽນທີ່ມາຈາກ ຕ່າງແຂວງເພື່ອອຳນວຍຄວາມ ສະດວກໃຫ້ແກ່ຜູ້ມາຮຽນ, ສ່ວນຫຼັກສູດການຮຽນ-ການສອນແມ່ນ ທາງໂຮງຮຽນໄດ້ປະຕິບັດຕາມຫຼັກ ສູດຂອງຫ້ອງການສຶກສາເມືອງ, ພະແນກສຶກສານະຄອນຫຼວງ ແລະ ກະຊວງວາງອອກ, ແຕ່ໃນນັ້ນໂຮງຮຽນຍັງເນັ້ນໜັກຄອມພີວເຕີ ແລະ ພາສາອັງກິດເພີ່ມຈາກທີ່ກະຊວງວາງອອກ ແລະ ໃຫ້ເລີ່ມຈັດຕັ້ງປະຕິບັດແຕ່ຂັ້ນອະນຸບານຂຶ້ນໄປ, ທັງນີ້ກໍເພື່ອເປັນການປູພື້ນໃຫ້ແກ່ນັກຮຽນທີ່ຈະຮຽນຕໍ່ໃນອະນາຄົດ.

   ນອກຈາກ ການຮຽນ-ການ ສອນຕາມຫຼັກສູດຂອງຂັ້ນເທິງແລ້ວ, ໂຮງຮຽນຍັງສຸມໃສ່ຊຸກຍູ້ສົ່ງເສີມນັກຮຽນໃນການຮຽນຮູ້ກ່ຽວກັບການສ້າງອາຊີບທີ່ຕິດພັນກັບຊີວິດການຢູ່ກໍຄືສອນໃຫ້ເຂົາເຈົ້າມີອາຊີບເສີມແຕ່ຄາວທີ່ຍັງເປັນນັກຮຽນ, ຫາກວ່ານັກຮຽນ ຄົນໃດທີ່ບໍ່ສາມາດຮຽນຕໍ່ໄດ້ກໍສາ ມາດເອົາອາຊີບດັ່ງກ່າວໄປປະກອບອາຊີບເພື່ອຫາລາຍໄດ້ລ້ຽງ ຕົນເອງ ແລະ ຄອບຄົວ,ອັນນີ້ກໍເພື່ອເປັນການປູກຈິດສຳນຶກທີ່ດີໃຫ້ແກ່ນັກຮຽນນັບແຕ່ຂັ້ນປະຖົມຈົນເຖິງການຮຽນຕໍ່ວິຊາຊີບ ແລະ ການປະກອບອາຊີບ.

   ທ່ານ ວົງທອງ ພິລາວົງ ໃຫ້ຮູ້ ຕື່ມວ່າ: ຢ່າງໃດກໍຕາມເພື່ອເຮັດໃຫ້ທຸລະກິດດ້ານໂຮງຮຽນໄດ້ດຳເນີນຢ່າງຕໍ່ເນື່ອງໃນຕໍ່ໜ້າ ແລະ ສອດຄ່ອງກັບແນວທາງຂອງພັກ-ລັດຖະບານ, ທາງໂຮງຮຽນຍັງສືບຕໍ່ ສຸມໃສ່ປັບປຸງ  ແລະພັດທະນາວິຊາ ການທຸກລະດັບເພື່ອເຮັດໃຫ້ວຽກ ການຮຽນ-ການສອນ, ການພັດ ທະນາບຸກຄະລາກອນກໍຄືການສ້າງຄົນດີມີຄວາມຮູ້ຄວາມສາມາດເຂົ້າມາພັດທະນາປະເທດໃນອະນາຄົດໃຫ້ນັບມື້ເພີ່ມຫຼາຍຂຶ້ນ, ຊຶ່ງອັນນີ້ແມ່ນໜ້າທີ່ຂອງໂຮງຮຽນ ທຸກແຫ່ງບໍ່ສະເພາະແຕ່ໂຮງຮຽນພາກລັດ ຫຼື ເອກະຊົນກໍຕ້ອງໄດ້ ຄົ້ນຄິດ ແລະແກ້ໄຂຮ່ວມກັນເພື່ອເຮັດໃຫ້ບຸກຄະລາກອນບ້ານເຮົາມີຄວາມສາມາດເທົ່າທຽມກັບພາກພື້ນ ແລະ ສາກົນ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ