ມວນຊົນສະຫຼອງບຸນປີໃໝ່ຕາມເສັ້ນທາງ ຄຶກຄຶ້ນມ່ວນຊື່ນ

   ບຸນປີໃໝ່ລາວປີນີ້ (ພສ 2560) ມວນຊົນລາວຕ່າງພາກັນຮ່ວມສະເຫຼີມສະຫຼອງ, ຫົດນ້ຳອວຍພອນເຊິ່ງກັນ ແລະ ກັນຕາມເສັ້ນທາງໜາແໜ້ນ ແລະ ຄຶກຄື້ນເໝືອນທຸກໆປີ

ອັນສ້າງຄວາມເບີກບານມ່ວນຊື່ນໃຫ້ແກ່ຊາວຕ່າງປະເທດທີ່ມາຮ່ວມກິດຈະກຳບໍ່ໜ້ອຍໂດຍສະເພາະການສະຫຼອງບຸນປີໃໝ່ລາວຂອງຊາວນະຄອນຫຼວງວຽງຈັນເຫັນວ່າຟົດຟື້ນເປັນພິເສດດ້ວຍຫຼາກຫຼາຍກິດຈະກຳທີ່ຈັດຂຶ້ນເຊີນຊວນນັກທ່ອງທ່ຽວ.

   ບັນຍາກາດການສະຫຼອງບຸນປີໃໝ່ລາວໃນໄລຍະ 3 ວັນຄື: 14-15-16 ເມສາ 2017 ພາຍໃນນະຄອນຫຼວງວຽງຈັນເຕັມໄປດ້ວຍບັນຍາກາດເບີກບານມ່ວນຊື່ນຂອງມວນຊົນຊາວນະຄອນຫຼວງ ແລະນັກທ່ອງທ່ຽວຕ່າງປະເທດຈຳນວນໜຶ່ງດ້ວຍຫຼາກຫຼາຍກິດຈະກຳ, ໃນນັ້ນກິດຈະກຳທີ່ສ້າງຄວາມຕື່ນຕາຕື່ນໃຈແກ່ນັກທ່ອງທ່ຽວຕ່າງຊາດກໍແມ່ນການປະ ກວດນາງສາວນະຄອນວຽງຈັນ, ຕາມມາດ້ວຍການຫົດສົງນ້ຳພະ, ກິດຈະກຳຕົບພະທາດຊາຍ ແລະ ອີກກິດຈະກຳໜຶ່ງກໍຄືການຫົດນ້ຳອວຍພອນເຊິ່ງກັນ ແລະ ກັນຂອງມວນຊົນຕາມເສັ້ນທາງກໍຄືຖະໜົນເສດຖາທິລາດຫາຖະໜົນຟ້າງຸ່ມ ແລະ ບໍລິເວນຫາດດອນຈັນທີ່ເຈົ້າຄອງນະຄອນຫຼວງກຳນົດໃຫ້ເປັນບ່ອນຫົດນ້ຳຂອງມວນຊົນໂດຍສະເພາະ.

   ນອກນີ້ ການສະຫຼອງບຸນປີໃໝ່ລາວໃນແຕ່ລະແຂວງທົ່ວປະເທດກໍເຕັມໄປດ້ວຍບັນຍາກາດເບີກບານມ່ວນຊື່ນຊຶ່ງບາງແຂວງ, ເມືອງ ແລະບາງທ້ອງຖິ່ນກໍຈັດກິດຈະກຳ ເປັນແບບຄອບຄົວ, ແບບເປັນໝູ່ບ້ານ ແລະ ອື່ນໆຢ່າງຄຶກຄັກບໍ່ວ່າຈະເປັນການຫຼິ້ນນ້ຳຕາມສະຖານທີ່ທ່ອງທ່ຽວຕ່າງໆທາງທຳມະຊາດ, ວັດທະນະທຳ ແລະ ປະຫວັດສາດລ້ວນ ແລ້ວແຕ່ເຕັມໄປດ້ວຍບັນຍາກາດຄຶກຄື້ນມ່ວນຊື່ນປວງຊົນລາວນ້ອຍໃຫຍ່ຕ່າງກໍ່ມີຄວາມສຸກສະໜຸກສະໜານເພາະບຸນປີໃໝ່ລາວເປັນຮີດຄອງປະເພນີອັນດີງາມຂອງຊາດທີ່ສືບທອດກັນມາແຕ່ບູຮານນະການ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ