ພູນຊັບ ຈະເລີນທຸລະກິດດິນຈີ່ມາແຮງກຽມນຳເຂົ້າເຄື່ອງຈັກເພີ່ມ

   ທ່ານ  ພູລີວັນ  ບຸນວິໄລ ເຈົ້າຂອງໂຮງງານພູນຊັບຈະເລີນດິນຈີ່ທັນສະໄໝໃຫ້ສຳພາດຕໍ່ນັກຂ່າວເສດຖະກິດ-ສັງຄົມໃຫ້ຮູ້ວ່າ: ກ່ອນສ້າງໂຮງງານພູນຊັບຈະເລີນດິນຈີ່ທັນສະໄໝ

ເມື່ອກ່ອນຕົນເອງ ສັງເກດເຫັນວ່າດິນຈີ່ບ້ານເຮົາສ່ວນຫຼາຍບໍ່ໄດ້ມາດຖານປານໃດ ແລະ ເວລານັ້ນຕົນເອງມີໂອກາດໄປທ່ຽວປະເທດເພື່ອນບ້ານຫວຽດນາມໄດ້ເຫັນໂຮງງານດິນຈີຖືວ່າ ຮັບມາດຖານອັນດັບຕົ້ນຂອງ ຫວຽດນາມຈິ່ງເກີດແນວຄວາມຄິດ ແລະ ປຶກສາຄອບຄົວແລ້ວຕັດສິນໃຈສ້າງໂຮງງານພູນຊັບຈະເລີນດິນຈີ່ທັນສະໄໝຂຶ້ນປີ 2014 ແລະນຳເອົາເຄື່ອງຈັກມານຳຜະ ລິດໃນປີ 2015 ແຕ່ເລີ່ມຜະລິດມາລູກຄ້າກໍ່ໃຫ້ການຕອບຮັບເປັນຢ່າງດີໂດຍສະເພາະໂຄງການກໍ່ສ້າງທີສອງນຳສິນຄ້າໄປໃຊ້ແລ້ວກັບມາໃຊ້ບໍລິການອີກ ນອກຈາກນີ້ກໍ່ມີລູກຄ້າທົ່ວໄປທີ່ມາໃຊ້ແລ້ວກໍ່ບອກຕໍ່ກັນໄປຈົນມາຮອດປະຈຸບັນ.

   ປະຈຸບັນໂຮງງານມີເນື້ອທີ່ 4 ເຮັກຕາມິເຄື່ອງຈັກໜຶ່ງເຄື່ອງທີ່ສາມາດຜະລິດດິນຈີ່ 3 ຊະນິດ 6 ຮູ ,4 ຮູ ແລະດິນຈີ່ກ້ອນຕັນມີລົດຮັບສົ່ງ 6 ຄັນລົດຄັນໜຶ່ງສາມາດບັນທຸກ ໄດ້ 4 ພັນກ້ອນພິເສດທາງໂຮງງານບໍ່ຈຳກັດການຂົນສົ່ງສິນຄ້ານອກນີ້ຍັງສາມາດສ້າງວຽກເຮັດງານທຳຄົນລາວ 45  ຄົນ.

   ສຳລັບການຈຳໜ່າຍປະຈຸບັນຖືວ່າແມ່ນໄດ້ຮັບຜົນຕອບເປັນຢ່າງດີໂດຍສະເພາະກຸ່ມບໍລິສັດຮັບເໝົາກໍ່ສ້າງ ແລະ ລູກຄ້າທົ່ວໄປຊຶ່ງແຜນການຕໍ່ໜ້າທາງໂຮງງານແມ່ນຈະເສີມເຄື່ອງຈັກທີ່ຜະລິດກະໂລປູພື້ນເດີ່ນບານເຂົ້າມາເພີ່ມເພື່ອສ້າງລາຍຮັບເພີ່ມຂຶ້ນ ແລະ ສ້າງທາງເລືອກທີ່ຫຼາຍຂຶ້ນກໍ່ລູກຄ້າ.

   ສຸດທ້າຍເຈົ້າຂອງໂຮງງານພູນຊັບຈະເລີນດິນຈີ່ທັນສະໄໝຟາກເຖິງລູກຄ້າທີ່ກຳລັງກໍ່ສ້າງທັງພາກລັດ ແລະ ເອກະຊົນໃຫ້ມາຊົມໃຊ້ຜະລິດຕະພັນຄົນລາວເອງໂຮງງານພູຊັບຈະເລີນຕັ້ງຢູ່ຫຼັກ 40 ບ້ານໂຄກສາກເມືອງປາກງື່ມ ຫຼື ສາມາດຕິດຕໍ່ພົວພັນກ່ອນເບີ 020 23249999.

   ຫຼາຍຄົນຫຼາຍຄວາມຄິດ ແລະ ມີມູມມອງທີ່ແຕກຕ່າງກັນໃນການທຳມາຫາກິນແຕ່ຂໍ້ເດັດຂອງທຸກຢ່າງຢູ່ທີ່ຄວາມໃສ່ໃຈຈິງຈັງກັບສິ່ງນັ້ນຫຼາຍໜ້ອຍສ່ຳໃດ, ດັ່ງໂຮງງານພູນຊັບຈະເລີນຜູ້ຜະລິດດິນຈີ່ ທັນສະໄໝເຖິງແມ່ນວ່າທຸກວັນນີ້ ໃນນະຄອນຫຼວງວຽງຈັນຈະມີໂຮງງານດິນຈີ່ຫຼາຍແຫ່ງທີ່ມີຄຸນນະພາບ ແລະ ລາຄາແຕກຕ່າງກັນແຕ່ໂຮງງານເພີ່ມກໍ່ສ້າງສິນຄ້າຂຶ້ນມາເປັນທີ່ຖືກໃຈຂອງລູກຄ້າຈຳນວນບໍ່ໜ້ອຍຈິ່ງຕັ້ງຄວາມຫວັງຈະນຳເຂົ້າເຄື່ອງຈັກມາເພີ່ມເພື່ອສາມາດຜະລິດສິນຄ້າຢ່າງພຽງພໍຕອບສະໜອງໄດ້ທ່ວງທັນຕາມ ຄວາມຕ້ອງການຂອງລູກຄ້າ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ