ສຳເລັດກອງປະຊຸມຂອບການຮ່ວມມືແມ່ນ້ຳຂອງ - ແມ່ນ້ຳຄົງຄາ

   ໃນວັນທີ 7 ເມສາ2017, ຄະນະຜູ້ແທນ ສປປ ລາວ ນໍາໂດຍ ທ່ານ ສົງການຫຼວງມຸນິນທອນຫົວໜ້າເຈົ້າໜ້າທີ່ອາວຸໂສຂອບການຮ່ວມມືແມ່ນ້ຳຂອງ-ແມ່ນ້ຳຄົງຄາ ຂອງ ສປປ ລາວ

, ຫົວໜ້າ ກົມເສດຖະກິດ, ກະຊວງການຕ່າງປະເທດໄດ້ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງ ທີ 8 ທີ່ ນິວເດັນລີ, ອິນເດຍ, ຊຶ່ງ ໄດ້ມີເຈົ້າໜ້າທີ່ອາວຸໂສ ຈາກກະຊວງການຕ່າງປະເທດຂອງ 6 ປະເທດ: ກໍາປູເຈຍ, ອິນເດຍ, ສປປ ລາວ, ມຽນມາ, ໄທ ແລະ ສສ ຫວຽດນາມເຂົ້າຮ່ວມກອງປະຊຸມດັ່ງກ່າວພາຍໃຕ້ການເປັນປະທານ ຮ່ວມຂອງ ທ່ານ ນາງ ເພຣິດຕີຊາຮັນຫົວໜ້າເຈົ້າໜ້າທີ່ອາວຸໂສອິນເດຍ ແລະ ທ່ານ ກຽວ ໂມ ຕັນ ໜ້າເຈົ້າໜ້າທີ່ອາວຸໂສມຽນມາ.

   ຈຸດປະສົງຂອງກອງປະຊຸມແມ່ນເພື່ອທົບທວນຄືນການຈັດຕັ້ງປະຕິບັດແຜນປະຕິບັດງານຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາສົກ (2016-2018) ທີ່ໄດ້ຖືກຮັບຮອງເອົາໃນກອງປະ ຊຸມລັດຖະມົນຕີຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງ ທີ 7, ໃນປີ 2016, ທີ່ນະຄອນ ຫຼວງວຽງຈັນ, ສປປ ລາວ. ພ້ອມດຽວກັນນັ້ນ, ກອງປະຊຸມດັ່ງກ່າວກໍໄດ້ປຶກສາຫາລືກັນເພື່ອກະກຽມໃຫ້ແກ່ກອງປະຊຸມລັດຖະມົນຕີຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງທີ 8 ທີ່ມີແຜນຈະຈັດຂຶ້ນໃນຕົ້ນເດືອນສິງຫາ 2017, ທີ່ຟິລິບປິນ.

   ໃນເດືອນກັນຍາ 2015, ໃນ ໂອກາດທີ່ຮອງປະທານາທິບໍດີ ຂອງອິນເດຍ ໄດ້ມາຢ້ຽມຢາມ ລັດຖະກິດ ຢູ່ ສປປ ລາວ, ກະ ຊວງການຕ່າງປະເທດຂອງ ສປປ ລາວ ແລະອິນເດຍ ໄດ້ຮ່ວມກັນລົງນາມໃນສັນຍາການຮ່ວມມືທີ່  ອິນເດຍໃຫ້ການຊ່ວຍເຫຼືອ ສປປ ລາວ ໃນໂຄງການເຫັນຜົນໄວພາຍ ໃຕ້ຂອບການຮ່ວມມືແມ່ນ້ຳຂອງ-ແມ່ນ້ຳຄົງຄາ ແລະປະຈຸບັນ ມີ 3 ໂຄງການຂອງ ສປປ ລາວ ທີ່ມີແຜນຈະລົງນາມບົດບັນທຶກຄວາມເຂົ້າໃຈລະຫວ່າງກະຊວງກະສິກຳ ແລະ ປ່າໄມ້ຂອງລາວ ແລະ ສະຖານເອກອັກຄະລັດຖະທູດອິນເດຍທີ່ນະຄອນຫຼວງວຽງຈັນຊຶ່ງມີມູນຄ່າໜຶ່ຶ່ງແສນຫ້າສິບພັນໂດລາສະຫະລັດ. ພ້ອມກັນນັ້ນ, ລັດຖະບານອິນເດຍໄດ້ປະກາດຈະໃຫ້ທຶນການສຶກສາ ທັງໝົດຫຼາຍ ກວ່າ 900 ທຶນ ແກ່ບັນດາປະເທດສະມາຊິກແມ່ນ້ຳຂອງໃນຂອບສອງຝ່າຍ ແລະ ຫຼາຍຝ່າຍກໍຄືຂອບການຮ່ວມມືແມ່ນ້ຳຂອງ-ແມ່ນ້ຳຄົງຄາ.

   ຄຽງຄູ່ກັບກອງປະຊຸມເຈົ້າໜ້າທີ່ອາວຸໂສ ຄັ້ງນີ້, ໃນວັນທີ 8 ເມສາ 2017, ເຈົ້າພາບອິນເດຍກໍໄດ້ຈັດກອງປະຊຸມເວທີປຶກສາຫາລືສົ່ງເສີມນະໂຍບາຍການເຊື່ອມຈອດ ແລະ ການຮ່ວມມືແມ່ນ້ຳຂອງ-ແມ່ນ້ຳຄົງຄາ (Mekong-Ganga Cooperation Policy Dialogue on “Stronger Connectivity, Enhancing Ties”) ໂດຍມີຄະນະຜູ້ແທນຈາກ 6 ປະເທດສະມາຊິກເຂົ້າຮ່ວມ ລວມທັງ ສປປ ລາວຊຶ່ງມີຄະນະຜູ້ແທນຈາກກະຊວງອຸດສາຫະກຳ ແລະ ການຄ້າ, ກະຊວງໂຍທາທິການ ແລະ ຂົນສົ່ງ ແລະກະຊວງການຕ່າງປະເທດເຂົ້າຮ່ວມ ແລະ ປຶກສາຫາລືກ່ຽວກັບການຈັດຕັ້ງປະຕິບັດການເຊື່ອມຈອດ, ວິໄສ ທັດ ແລະແຜນການຈັດຕັ້ງປະຕິບັດການເຊື່ອມຈອດດ້ານໂຄງລ່າງ ແລະ ໂຄງບົນໃນພາກພື້ນກໍຄືການເຊື່ອມຈອດກັບສາກົນຕາມທິດຂອງລັດຖະບານແຫ່ງ ສປປ ລາວໃນການຫັນປະເທດຈາກປະເທດບໍ່ມີຊາຍແດນຕິດຈອດກັບທະເລໃຫ້ກາຍເປັນສູນກາງແຫ່ງການເຊື່ອມຈອດໃນອະນຸພາກພື້ນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ