ໄຊຍະບູລີ ແລະ ແຂວງກວາງນິງສະຫຼຸບການຮ່ວມມືໄລຍະ 6 ປີ

   ກອງປະຊຸມສະຫຼຸບການ ຮ່ວມມືໄລຍະ 5 ປີ ( 2011-2016 ) ແລະ ຜັນຂະຫຍາຍການຮ່ວມມືໄລຍະ 5 ປີຕໍ່ໜ້າລະຫວ່າງ ແຂວງໄຊຍະບູລີ ແລະ ແຂວງ ກວາງນິງ

ສາທາລະນະລັດສັງຄົມນິຍົມຫວຽດນາມໄດ້ຈັດຂຶ້ນໃນວັນທີ 5 ເມສາ 2017 ນີ້ທີ່ຫ້ອງປະຊຸມໂຮງແຮມຈິດຈະເລີນ ແຂວງ ຫຼວງພະບາງ; ຝ່າຍລາວນຳໂດຍ ທ່ານ ພົງສະຫວັນ ສິດທະວົງກຳມະການສູນກາງພັກ, ເລຂາພັກແຂວງ, ເຈົ້າແຂວງໄຊຍະບູລີ ພ້ອມດ້ວຍຄະນະ; ຝ່າຍຫວຽດ ນາມ ນຳໂດຍ ທ່ານ ຫງວຽນດຶງ ລອງ, ຮອງເລຂາພັກແຂວງ,ປະທານກຳມະການປະຊາຊົນແຂວງ ກວາງນິງ ພ້ອມດ້ວຍຄະນະເຂົ້າຮ່ວມ.

   ໃນວາລະດຳເນີນກອງປະຊຸມ ທ່ານ ພົງສະຫວັນ ສິດທະວົງ ໄດ້ສະແດງຄວາມຂໍ່ານັບຊົມເຊີຍ ແລະ ຂອບໃຈມາຍັງຄະນະພັກ, ຄະນະກຳມະການປະຊາຊົນ ແຂວງກວາງນິງ ສສ ຫວຽດນາມ ທີ່ໄດ້ໃຫ້ການຊ່ວຍເຫຼືອແຂວງ ໄຊຍະບູລີໃນໄລຍະຜ່ານມາ, ຊຶ່ງ ເປັນການປະກອບສ່ວນອັນໃຫຍ່ຫຼວງໃນການພັດທະນາເສດຖະກິດ-ສັງຄົມຂອງແຂວງ; ເປັນຕົ້ນ ແມ່ນໄດ້ຊ່ວຍທຶນກໍ່ສ້າງໂຮງ ຮຽນ, ຊ່ວຍສ້າງຊັບພະຍາກອນ ມະນຸດ ແລະ ພະນັກງານວິຊາການ, ລວມເຖິງການປູກຝັງ-ລ້ຽງສັດ, ການຄ້າ ແລະ ການບໍລິການດ້ານຕ່າງໆ. ນອກນີ້ຍັງມີແຫຼ່ງນໍ້າທີ່  ເປັນສາຂາຂອງແມ່ນໍ້າຂອງ, ຊຶ່ງເປັນພື້ນຖານໃນການສ້າງເຂື່ອນໄຟຟ້ານໍ້າຕົກຂະໜາດນ້ອຍ.

   ຈາກນັ້ນທັງສອງຝ່າຍກໍ່ໄດ້ ປຶກສາຫາລື, ແລກປ່ຽນຄຳຄິດ ຄຳເຫັນເຊິ່ງກັນ ແລະ ກັນຢ່າງ ກົງໄປກົງມາ ເພື່ອເປັນການຜັນ ຂະຫຍາຍສາຍພົວພັນຮ່ວມມືແບບ ພິເສດ ແລະ ຮອບດ້ານຂອງສອງ ພັກ-ສອງລັດ ກໍ່ຄືສອງແຂວງ, ໄຊຍະບູລີ ແລະ ແຂວງກວາງນິງ ໃຫ້ຮັດແໜ້ນ ແລະ ມີປະສິດທິຜົນ ຍິ່ງໆຂຶ້ນ.

   ໂອກາດດຽວກັນ ທ່ານເຈົ້າ ແຂວງກໍ່ໄດ້ສະເໜີໃຫ້ແຂວງ ກວາງນິງ ສືບຕໍ່ໃຫ້ການຊ່ວຍເຫຼືອ ແຂວງໄຊຍະບູລີຕື່ມອີກ ເປັນຕົ້ນ ແມ່ນ: ສະເໜີຊ່ວຍສ້າງບຸກຄະລາ ກອນລະດັບປະລິນຍາ, ຊ່ວຍສ້າງ ພື້ນຖານໂຄງລ່າງຫໍວັດທະນະທຳຂອງແຂວງ, ຊ່ວຍລະດົມຫົວໜ່ວຍ ທຸລະກິດມາລົງທຶນໃນຂົງເຂດກະ ສິກຳ ແລະ ສືບຕໍ່ສະໜັບສະໜູນໃຫ້ຂະແໜງການໃນຂົງເຂດວຽກ ງານຕ່າງໆໄດ້ພົບປະຫາລື, ແລກປ່ຽນບົດຮຽນນຳກັນຢ່າງຕໍ່ເນື່ອງ ແລະ ເປັນປົກກະຕິເພື່ອສ້າງບາດກ້າວຂະຫຍາຍຕົວທາງດ້ານວິຊາການຂຶ້ນຢ່າງບໍ່ຢຸດຢັ້ງ.  

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ