ສຳເລັດການແຂ່ງຂັນເປຕັງທົ່ວປະເທດຊີງຂັນນາຍົກ

     ການແຂ່ງຂັນເປຕັງທົ່ວປະເທດຄັ້ງທີ 9 ຊີງຂັນທ່ານນາຍົກລັດຖະມົນຕີແຫ່ງ ສປປ ລາວ ໄດ້ສໍາເລັດຢ່າງເປັນທາງການແລ້ວ ເມື່ອທ້າຍອາທິດຜ່ານມາທີ່ເດີ່ນ ເປຕັງແຫ່ງຊາດລາວ ບ້ານດົງໂດກ ເມືອງໄຊທານີ ນະຄອນຫຼວງວຽງຈັນ ແລະໄດ້ນັກກີລາເປົ້າໝາຍ ເພື່ອໄປຄັດເລືອກເຂົ້າໃນທີມຊາດລຸຍການແຂ່ງຂັນກີລາຊີເກມຄັ້ງທີ 29 ທີ່ປະເທດມາເລເຊຍໃນ ເດືອນສິງຫານີ້.

 

     ການແຂ່ງຂັນເປຕັງຊີງຂັນພະນະທ່ານນາຍົກລັດຖະມົນຕີແຫ່ງ ສປປ ລາວ ໄດ້ເລີ່ມມາຕັ້ງແຕ່ວັນທີ 29-31 ມີນາ 2017 ແລະສໍາ ເລັດໄປດ້ວຍດີ ຊຶ່ງສາມາດຄັດເອົາ ນັກກີລາເປົ້າໝາຍເພື່ອໄປຮ່ວມຝຶກຊ້ອມ ແລະຄັດເລືອກເຂົ້າເປັນ ທີມຊາດລາວກະກຽມເຂົ້າຮ່ວມການແຂ່ງຂັນລະດັບພາກພື້ນ ແລະສາກົນຕໍ່ໄປ.

     ສໍາລັບການແຂ່ງຂັນຄັ້ງນີ້ມີຄູຝຶກ ແລະນັກກີລາເຂົ້າຮ່ວມ 300 ກວ່າຄົນ ມາຈາກ 14 ແຂວງ, 5 ກະຊວງ ແລະ 6 ອົງການທຽບ ເທົ່າເຂົ້າຮ່ວມຮ່ວມແຂ່ງຂັນໂດຍ ມີການຊີງໄຊ 5 ລາຍການຄື: ດ່ຽວຍິງ, ດ່ຽວຊາຍ, ທີມຄູ່ຍິງ, ທີມຄູ່ຊາຍ ແລະທີມຄູ່ກິຕິມະສັກລຸ້ນອາຍຸ 50 ປີຂຶ້ນໄປຜ່ານການແຂ່ງຂັນປາກົດວ່າວ່າ: ຊະນະເລີດດ່ຽວຍິງເປັນຂອງນາງ ລິນດາ ແກ້ວບໍລະກົດ ຈາກກະຊວງປ້ອງກັນຄວາມສະຫງົບ (1), ຮອງຊະນະເລີດນາງ ເພັດສະ ໝອນ ໄທທີຈັກ ຈາກແຂວງໄຊຍະບູລີ ແລະອັນດັບ 3 ນາງ ນ໋ອນນີ ຜັນທະລີ ຈາກກະຊວງປ້ອງກັນຄວາມສະຫງົບ (2) ສ່ວນຊະນະເລີດດ່ຽວຊາຍເປັນຂອງ ທ້າວ ອະນຸລັກ ແວວມະນີ ຈາກກະຊວງໂຍທາທິການ ແລະຂົນສົ່ງ, ຮອງຊະນະເລີດ ທ້າວ ວິທະຍາ ສັນດີຈາກ ແຂວງຫຼວງພະບາງ ແລະອັນດັບ 3 ທ້າວ ຂະລຸຍ ເພັດວາລີ ຈາກ ສະໂມສອນຮ້ານອາຫານໜອງປຸຍ (ນະຄອນຫຼວງວຽງຈັນ) ໂດຍຊະນະເລີດທັງ 2 ປະເພດນີ້ ໄດ້ຮັບຂັນຊະນະເລີດ+ຫຼຽນຄໍາ+ເງິນລາງວັນ 1.5 ລ້ານກີບ, ຮອງຊະນະເລີດຈະໄດ້ຮັບຫຼຽນເງິນ+ເງິນລາງວັນ 8 ແສນກີບ, ອັນດັບ 3 ຈະໄດ້ຮັບຫຼຽນທອງ+ ເງິນລາງວັນ 5 ແສນກີບ.

     ຂະນະທີ່ຊະນະເລີດທີມຄູ່ຍິງ ເປັນຂອງກະຊວງປ້ອງກັນຄວາມສະຫງົບໄດ້ຂັນຊະນະເລີດ+ຫຼຽນຄໍາ+ເງິນລາງວັນ 2 ລ້ານກີບ, ອັນດັບ 2 ສະໂມສອນອາຫານ ໜອງປຸຍ (ນະຄອນຫຼວງວຽງຈັນ) ໄດ້ຫຼຽນເງິນ+ ເງິນລາງວັນ 1 ລ້ານກີບ, ອັນດັບ 3 ກະຊວງປ້ອງກັນຄວາມສະຫງົບ (2) ໄດ້ຫຼຽນທອງ+ເງິນລາງວັນ 5 ແສນກີບ; ຊະນະເລີດທີມຄູ່ຊາຍເປັນ ຂອງສະໂມສອນຕາດຖໍ້າເສືອໄດ້ ຂັນຊະນະເລີດ+ຫຼຽນຄໍາ+ເງິນລາງວັນ 5 ລ້ານກີບ, ຮອງຊະນະເລີດເປັນຂອງແຂວງບໍ່ແກ້ວໄດ້ຫຼຽນເງິນ+ເງິນລາງວັນ 2 ລ້ານກີບ ແລະອັນດັບ 3 ເປັນຂອງກະຊວງປ້ອງກັນຄວາມສະຫງົບ (1) ໄດ້ຫຼຽນທອງ+ເງິນລາງວັນ 1 ລ້ານກີບ.

     ສ່ວນຊະນະເລີດທີມຄູ່ກິຕິມະ ສັກ 50 ປີຂຶ້ນໄປເປັນຂອງສະໂມ ສອນດອນຟ້າຍ (1) ຈາກນະ ຄອນຫຼວງວຽງຈັນໄດ້ຂັນຊະນະ ເລີດ+ຫຼຽນຄໍາ+ເງິນລາງວັນ 1.5 ລ້ານກີບ, ອັນດັບ 2 ເປັນຂອງ ແຂວງບໍລິຄໍາໄຊໄດ້ຫຼຽນເງິນ+ ເງິນລາງວັນ 8 ແສນກີບ ແລະອັນດັບ 3 ເປັນຂອງສະໂມສອນ ດອນຝ້າຍ (2) ຈາກນະຄອນຫຼວງວຽງຈັນໄດ້ຫຼຽນທອງ+ເງິນ ລາງວັນ 5 ແສນກີບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2017 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

ຄຳເຫັນຜູ້ອ່ານ

ໄປເທິງສຸດ