ເມືອງພຽງ ໄຂກອງປະຊຸມສະຫຼຸບວຽກງານ ປກສ ປະຈຳປີ

   ກອງປະຊຸມສະຫຼຸບວຽກ ງານປ້ອງກັນຄວາມສະຫງົບປະ ຈຳ ປີ 2016 ແລະ ທິດທາງແຜນ ການປີ 2017 ຂອງກອງບັນຊາການປ້ອງກັນຄວາມສະຫງົບເມືອງພຽງແຂວງໄຊຍະບູລີ

ໄດ້ ຈັດຂຶ້ນໃນວັນທີ 3 ເມສາຜ່ານມາ ຢູ່ທີ່ຫ້ອງປະຊຸມກອງບັນຊາການ ປ້ອງກັນຄວາມສະຫງົບເມືອງ ໂດຍການເປັນປະທານຂອງ ທ່ານ ພັທ ບົວວິນ ວົງສີ ກຳມະການປະຈຳພັກເມືອງ ຫົວໜ້າ ກອງບັນຊາການປ້ອງກັນຄວາມສະຫງົບເມືອງ, ເປັນກຽດເຂົ້າ ຮ່ວມຂອງ ທ່ານ ສົມຫວັງ ແກ້ວ ວິໄລສັກ ເຈົ້າເມືອງໆພຽງ, ມີກຳມະການພັກເມືອງ, ບັນດາຄະນະພັກຄະບັນຊາ, ແຂກຖືກເຊີນພ້ອມ ດ້ວຍນາຍແລະພົນຕຳຫຼວດເຂົ້າ ຮ່ວມຢ່າງພ້ອມພຽງ.

   ກອງປະຊຸມໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານວິຊາສະເພາະຂອງຕົນໃນໄລຍະ ຜ່ານມາ. ຍົກໃຫ້ເຫັນຜົນງານດີ ເດັ່ນຫຼາຍດ້ານໂດຍສະເພາະແມ່ນຄະນະພັກຄະນະບັນຊາແຕ່ລະຂັ້ນ ໄດ້ເອົາໃຈໃສ່ສຶກສາອົບຮົມທາງ ດ້ານການເມືອງແນວຄິດໃຫ້ບັນ ດານາຍ ແລະພົນຕຳຫຼວດໄດ້ມີສະ ຕິຕື່ນຕົວເປັນເຈົ້າການກຳແໜ້ນຕໍ່ແນວທາງນະໂຍບາຍຂອງພັກ, ມີຄວາມເອົາໃຈໃສ່ຕໍ່ກັບໜ້າທີ່ວຽກງານກໍຄືວິຊາສະເພາະຂອງຕົນທີ່ຖືກມອບໝາຍໄດ້ສຳເລັດໜ້າທີ່, ວຽກງານການພັດທະນາກົມກອງ ກໍໄດ້ມີການຂະຫຍາຍຕົວຢ່າງຕໍ່ເນື່ອງ, ວຽກງານທຸກຂົງເຂດໄດ້ ຮັບການປັບປຸງຢ່າງເຂັ້ມແຂງ, ຈຳແນກໄດ້ມິດສັດຕູຢ່າງຈະແຈ້ງ, ສາມາດມ້າງເພທຳລາຍບັນດາ ປາກົດການຫຍໍ້ທໍ້ຢູ່ໃນສັງຄົມ ແລະກົນອຸບາຍຫັນປ່ຽນໂດຍສັນ ຕິຂອງກຸ່ມຄົນບໍ່ດີ, ອັນໄດ້ເຮັດໃຫ້ ເມືອງພຽງມີສະຖຽນລະພາບ ທາງດ້ານການເມືອງ, ມີຄວາມສະຫງົບປອດໄພໂດຍພື້ນຖານ. ກອງປະຊຸມບັນດາຜູ້ແທນຍັງໄດ້ ພ້ອມກັນຄົ້ນຄວ້າປະກອບຄຳຄິດຄຳເຫັນມີຄຳຖາມເຈາະຈີ້ມເພື່ອ ພ້ອມກັນປັບປຸງແກ້ໄຂດ້ານອ່ອນ, ຂໍ້ຄົງຄ້າງທີ່ຍັງບໍ່ທັນເຮັດໄດ້ດີໂດຍສະເພາະແມ່ນໄດ້ວາງທິດ ທາງຄາດໝາຍສູ້ຊົນ ເພື່ອໃຫ້ທັນ ກັບເລລ່ຽມອັນລຶກແລບຂອງກຸ່ມ ຄົນບໍ່ດີທີ່ຫວັງມ້າງເພທຳລາຍ ກໍຄືກໍຄວາມບໍ່ສະຫງົບ, ເພື່ອເຮັດ ໃຫ້ນາຍ ແລະພົນຕຳຫຼວດໄດ້ມີ ຄວາມຮູ້ຄວາມສາມາດກໍຄືດ້ານ ວຽກງານມີຄວາມເຂັ້ມແຂງຂຶ້ນ ກວ່າເກົ່າ ເພື່ອຈະໄດ້ຈັດຕັ້ງປະຕິບັດບັນດາວຽກງານດ້ານຕ່າງໆ ໃຫ້ບັນລຸຄາດໝາຍ, ສາມາດເປັນ ທີ່ເພິ່ງຂອງພໍ່ແມ່ປະຊາຊົນຢ່າງ ແທ້ຈິງ.

   ໃນໂອກາດນີ້ ທ່ານ ສົມຫວັງ ແກ້ວວິໄລສັກເຈົ້າເມືອງໆພຽງກໍໄດ້ມີຄຳເຫັນໂອ້ລົມຕໍ່ກອງປະຊຸມໂດຍສະເພາະແມ່ນບັນດາຄະນະພັກຄະນະບັນຊາຕະຫຼອດຮອດນາຍ ແລະ ພົນຕຳຫຼວດຈົ່ງເອົາໃຈໃສ່ເປັນເຈົ້າການຍົກສູງຄວາມຮັບຜິດຊອບຂອງຕົນເຂົ້າໃນໜ້າທີ່ວຽກງານ, ກຳແໜ້ນຕໍ່ແນວທາງນະໂຍບາຍຂອງພັກ-ລັດຍົກສູງຄຸນທາດການເມືອງ, ຄຸນສົມບັດສິນທຳປະຕິວັດໃຫ້ມີຄວາມໜັກແໜ້ນເຂັ້ມແຂງ, ສຸມໃສ່ຈັດຕັ້ງປະຕິບັດວຽກງານໃນໄລຍະໃໝ່ໃຫ້ໄດ້ຮັບຜົນດີເຮັດໃຫ້ຢູ່ພາຍໃນກຳລັງມີຄວາມເຂັ້ມແຂງສາມາດຕ້ານ ໄດ້ທຸກກົນອຸບາຍຂອງສັດຕູ ແລະ ກຸ່ມຄົນບໍ່ດີ, ຫຼີກເວັ້ນບັນຫາວິເຄາະວິຈານຂອງສັງຄົມສາມາດຕ້ານ ແລະ ສະກັດກັ້ນທຸກປະກົດການຫຍໍ້ທໍ້ຢູ່ພາຍໃນສັງຄົມໃຫ້ມີຄວາມເຂັ້ມແຂງຂຶ້ນເທື່ອລະກ້າວ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

ຄຳເຫັນຜູ້ອ່ານ

ໄປເທິງສຸດ