ຍັງບໍ່ດີ!ມູກະຕຸ້ນຊໍຕ້ອງພັດທະນາຝີມື

    ໂຊເຊ ມູຣິນໂຢ້ ຜູ້ຈັດການທີມ ແມນຢູ ຈັດໃສ່ ລຸ້ດ ຊໍ ແບ໊ກຊ້າຍຜູ້ດີ ອີກຮອບ ແມ້ລ່າສຸດຈະມີສ່ວນຊ່ວຍໃຫ້ທີມໄດ້ຈຸດໂທດຕີສະເໝີ ເອຟເວີຕັນ 1-1 ວັນອັງຄານທີ່ຜ່ານມາ

ໂດຍສັ່ງການໄປວ່າ ຊໍຈະຕ້ອງພັດທະນາຕົວເອງຕ້ອງເຕີບໂຕ ແລະ ຕ້ອງປັບຂະບວນຄວາມຄິດດ້ານບານເຕະ ບອກເຫດຜົນທີ່ວັນນີ້ຫຼີ້ນພໍໄດ້ ເພາະຫຼີ້ນຝັ່ງດຽວກັນທີ່ເຂົາຢືນສັ່ງການຂ້າງສະໜາມ ຖ້າປ່ຽນໄປຫຼີ້ນອີກຟາກ ອາດບໍ່ໄດ້ເຮັດຫຍັງເທົ່າທີ່ຄວນເຮັດ ເພາະບໍ່ມີຄົນບອກ.

   ໂຊເຊ ມູຣິນໂຢ້ ຜູ້ຈັດການທີມ ແມນຢູ ຍັງບໍ່ປ່ອຍວາງກັບ ລຸ້ດ ຊໍ ແບ໊ກຊ້າຍທີມຊາດອັງກິດ ແມ້ຫາກະຈັດເຕັມໄປໃນບໍ່ເທົ່າໃດວັນ ຫຼ້າສຸດລົງສະໜາມເປັນຕົວສຳຮອງ ແລະມີສ່ວນເຮັດໃຫ້ທີມໄດ້ຈຸດໂທດຕີສະເໝີ ເອຟເວີຕັນ 1-1 ໃນຊ່ວງທົດເຈັບ ເກມລີກວັນຄານທີ 4 ເມສາ ທີ່ຜ່ານມາແຕ່ກະຖືກເວົ້າໃນສາເຫດທີ່ເຮັດຜົນງານໄດ້ໜ້າພໍໃຈ ເພາະຫຼີ້ນຢູ່ຝັ່ງທີ່ເຂົາສັ່ງການຂ້າງສະໜາມພໍດີ ບອກວ່າເປັນນັກເຕະທີ່ດີແຕ່ຕ້ອງຮູ້ຈັກຄິດຮູ້ຈັກເຮັດ ແລະ ຕ້ອງພັັດທະນາຕົວເອງໃຫ້ຫຼາຍກວ່ານີ້.

   ມູຣິນໂຢ້ ບໍ່ໄດ້ເອົາ ລຸ້ດ ຊໍ ລົງສະໜາມຕັ້ງແຕ່ຟອມຕົກ ແລະ ເຈັບໜັກກ່ອນໜ້ານີ້ບໍ່ມີຊື່ໃນເກມສະເໝີເວສບຣອມວິຊ ອັລບ້ຽນ 0-0 ແລະ ມູຣິນໂຢ້ຈັດໜັກໄປວ່າສາເຫດເພາະ ຊໍ ຍັງຕາມຫຼັງ ແອຊລີ ຍັງ, ມັດເຕໂອ ດາມ້ຽນ ແລະ ດາເລ່ ບລິນ ເຖິ່ງຢ່າງນັ້ນຂ່າວວ່າທັງສອງຝ່າຍເຄຍກັນຮຽບຮ້ອຍ ຊໍມີຊື່ເປັນຕົວສຳຮອງໃນເກມກັບເອຟເວີຕັນ ແລະ ປ່ຽນໂຕລົງມາແທນ ຍັງ ທີ່ບາດເຈັບຊ່ວງກາງເຄິ່ງຫຼັງ.

   ຊໍ ມີສ່ວນໃນປະຕູຕີສະເໝີຈາກຈຸດໂທດ ເມື່ອລູກຍິງເກັບຕົກໜ້າຈຸດໂທດຂອງເຂົາບີບໃຫ້ ແອຊລີ ວິລລ້ຽມ ຕ້ອງໃຊ້ແຂນເຮັດບານແມ້ງ ປ້ອງກັນປະຕູຈົນຖືກໄລ່ອອກ ແລະ ເປັນ ຊລາຕັນທີ່ຍິງບໍ່ພາດ ແຕ່ມູຣິນໂຢ້ ບໍ່ປ່ອຍຊໍໄປງ່າຍໆ ຂ້ອຍວ່າເຂົາມີສັກກະຍະພາບຫຼາຍ ແຕ່ຄວາມສາມາດຕ້ອງມາພ້ອມຄວາມຄິດດ້ານບານເຕະ ແລະ ຄວາມຄິດເລື່ອງມືອາຊີບ ຂ້ອຍຄິດວ່າໃນສະໄໝກ່ອນມັນຍາກຫຼາຍທີ່ຈະເປັນນັກເຕະທີ່ດີ ຍາກທີ່ຈະລໍ່າລວຍ ຫຼັງຈາກເລິກຫຼີ້ນ ແຕ່ຕອນນີ້ພວກເຂົາມີເງິນມີຄໍາຕັ້ງແຕ່ເລີ່ມຕົ້ນຫຼີ້ນອາຊີບ  ມັນບໍ່ແມ່ນຊີວິດທີ່ງ່າຍສໍາລັບພວກເຂົາ.

   ຂ້ອຍຄິດວ່າເຂົາຕ້ອງປ່ຽນຄວາມຄິດເລື່ອງບານເຕະ ຕອນນີ້ຂ້ອຍຕ້ອງບອກເຂົາ ການທີ່ເຂົາເຮັດນັ້ນເຮັດນີ້ໃນເຄິ່ງຫຼັງເປັນປະຕິກິລິຍາທີ່ຕ້ອງສຽງຂອງຂ້ອຍ ຖ້າເຂົາຫຼີ້ນອີກຟາກສະໜາມ ເຂົາຈະບໍ່ໄດ້ເຮັດ ເພາະຂ້ອຍບໍ່ໄດ້ໄປຄິດໃຫ້ເຂົາ ເຂົເຕ້ອງໃຫຍ່ ແລະ ການເຕີບໂຕມາພ້ອມຄວາມຄວາມຮັບຜິດຊອບ ເຂົາມີຄວາມສາມາດ ຂ້ອຍຢາກຊ່ວຍເຂົາ ຂ້ອຍວ່າເຂົາມີອະນາຄົດບ່ອນນີ້ ແຕ່ແມນຢູ ຖ້າບໍ່ໄດ້ ເຮົາຊະນະໃນລີກມາ 20 ນັດແລ້ວ ມັນບໍ່ພຽງພໍ ເພາະເຮົາຊະນະໜ້ອຍໂພດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ