ແຂ່ງຂັນກີລາເພາະກາຍ ແລະຍິງຫຸ່ນງາມແຫ່ງຊາດ

     ສະຫະພັນກີລາເພາະກາຍແຫ່ງຊາດລາວ ແລະກະຊວງສຶກສາທິການ ແລະກີລາໄດ້ຈັດການແຂ່ງຂັນກີລາເພາະກາຍແຫ່ງຊາດປະຈຳປີ 2017 ຂຶ້ນໃນວັນທີ 1 ເມສາ 2017, ທີ່ຫໍວັດທະນະທໍາແຫ່ງຊາດນະຄອນຫຼວງວຽງຈັນ,

ໂດຍການເປັນກຽດເຂົ້າຮ່ວມຂອງທ່ານ ບົວລານ ສີລິປັນຍາ ຮອງລັດຖະມົນຕີກະຊວງສຶກສາທິການ ແລະກີລາ, ທ່ານ ບຸນມີ ບັນນາວົງ ປະທານກີລາເພາະກາຍແຫ່ງຊາດລາວບັນດາບໍລິສັດ ແລະຫ້າງຮ້ານຜູ້ໃຫ້ການສະໜັບສະໜູນ, ຜູ້ເຂົ້າແຂ່ງຂັນພ້ອມດ້ວຍຊາວນະຄອນຫຼວງວຽງຈັນເຂົ້າຮ່ວມເຊຍຢ່າງຫຼວງຫຼາຍ.

     ການແຂ່ງຂັນເພາະກາຍຊາຍປະຈຳປີ 2017 ມີການແຂ່ງຂັນທັງໝົດ 4 ລຸ້ນຄື: ເພາະກາຍຊາຍລຸ້ນ 68-85 ກິໂລ ແລະລຸ້ນ 55-67 ກິໂລ, ຊາຍຫຸ່ນດີ ແລະຍິງຫຸ່ນດີ. ການແຂ່ງຂັນປະກອບມີ 7 ທ່າບັງຄັບຄື: ກ້າມແຂນດ້ານໜ້າ, ກ້າມປີກດ້ານໜ້າ, ກ້າມເອິກດ້ານຂ້າງ, ໜ້າແຄ່ງດ້ານຫຼັງ, ກ້າມປີກດ້ານຫຼັງ, ກ້າມຊີ້ນຫຼັງແຂນ, ກ້າມທ້ອງ ແລະຕົ້ນຂາດ້ານໜ້າ.

     ຜ່ານການແຂ່ງຂັນປະເພດຊາຍລຸ້ນນ້ຳໜັກ 68-85 ກິໂລ ຜູ້ທີ່ສະແດງທ່າບັງຄັບ 7 ທ່າທີ່ສວຍງາມ ແລະຖືກໃຈຄະນະກໍາມະການ, ກອງເຊຍຢ່າງຄຶກຄື້ນຊະນະເລີດ ໄດ້ແກ່ໝາຍເລກ 2 ທ້າວ ອິນທາ ກອງຄຳມະນີ, ຮອງອັນດັບທີໜຶ່ງໝາຍເລກ 1 ທ້າວ ສຸທິດາວີ ວົງສຸທິ ແລະຮອງອັນດັບທີສອງໝາຍ ເລກ 3 ທ້າວ ສັກຕິສຸກ ດວງແກ້ວມະນີ ສ່ວນລຸ້ນ 55-67 ກິ ໂລຊະນະເລີດໄດ້ແກ່ໝາຍເລກ 1  ທ້າວ ຕຸ້ຍ ໄຊຍະລາດ, ຮອງອັນດັບທີໜຶ່ງໝາຍເລກ 8 ທ້າວ ພຸດ ສະຫວັນ ສີຊົມພູ ແລະຮອງອັນ ດັບທີສອງໝາຍເລກ 2 ທ້າວ ສິນໄຊ ພົມມະວໍລະຈັກ, ທີໜຶ່ງທັງສອງລຸ້ນໄດ້ຮັບເງິນລາງວັນຄົນລະ 4 ລ້ານກີບ, ທີສອງໄດ້ຮັບເງິນລາງວັນ 3 ລ້ານກີບ ແລະທີສາມ 2 ລ້ານກີບ ພ້ອມຂັນລາງວັນ ແລະລາງວັນອື່ນໆ.

     ພິເສດປີນີ້ມີຍິງຫຸ່ນງາມເຂົ້າ ຮ່ວມແຂ່ງຂັນເປັນຄັ້ງປະຫວັດສາດ ແລະໄດ້ຮັບຄວາມນິຍົມຈາກມວນຊົນຜູ້ເຂົ້າຊົມເປັນຢ່າງຫຼວງ ຫຼາຍ, ຍິງຫຸ່ນງາມທີ່ສະແດງທ່າທີຖືກໃຈກຳມະການຊະນະເລີດໄດ້ແກ່ໝາຍ 1 ນາງ ກິນນາລອນ ນັນທະລາດ, ຮອງອັນດັບສອງໝາຍເລກ 10 ນາງ ພອຍໄພລິນ ພັນທະລີ ແລະຮອງອັນດັບສອງໝາຍເລກ 5 ນາງ ດາວໄລ ລາວັນ, ຂະນະທີ່ຊາຍຫຸ່ນງາມທີ່ສຸດຊະນະເລີດໄດ້ແກ່ໝາຍເລກ 15 ທ່ານ ໝາຍນັດ ແສນລິດທີ, ຮອງອັນດັບ ໜຶ່ງໝາຍເລກ 19 ທ້າວ ຂາວພອນ ພອນປະເສີດ ແລະຮອງອັນດັບທີສອງ ທ້າວ ອຸ້ຍ ສີວິເສດ ທີໜຶ່ງປະເພດຊາຍ-ຍິງໄດ້ຮັບເງິນລາງວັນຄົນລະ 2,000,000 ກີບ, ທີສອງ 1,500,000  ກີບ ແລະທີສາມ 1,000,000 ກີບ ພ້ອມຂັນລາງວັນ ແລະລາງວັນອື່ນໆ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ຄຳເຫັນຜູ້ອ່ານ

ໄປເທິງສຸດ