ຣັຕນະບໍລິຫານທຸລະກິດ ສຳເລັດແຂ່ງຂັນກີລາບານເຕະຍິງ-ຊາຍ

     ວິທະຍາໄລຣັຕນະບໍລິຫານທຸລກິດຈັດພິທີປິດການແຂ່ງຂັນກີລາບານເຕະຍິງ-ຊາຍສົກ 2016-2017 ຊີງຂັນປະທານວິທະຍາໄລຣັຕນະບໍລິຫານທຸລະກິດ ຫຼື ລາຍການຣັຕນະບໍລິຫານທຸລະກິດຄັບ 2017 (RBAC Cup 2017).

 

     ການແຂ່ງຂັນໄດ້ຈັດຂຶ້ນເມື່ອ ວັນທີ 31 ມີນາຜ່ານມາທີ່ສະໜາມ ກີລາບານເຕະຫຍ້າທຽມທະນົງອາດ ເມືອງໄຊເສດຖາ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມ ແລະມອບລາງວັນຂອງທ່ານ ສົມເພັດ ຣັຕນະສິນ ປະທານວິທະຍາໄລຣັຕນະບໍລິຫານທຸລະກິດ ແລະທ່ານ ບຸນເທືຶອງ ມຸນລາສີ ຜູ້ອຳນວຍການວິທະຍາໄລຣັຕນະບໍລິຫານທຸລະກິດພ້ອມດ້ວຍຄະນະອຳນວຍການ ແລະບັນດາພະນັກງານຄູ-ອາຈານທີ່ກ່ຽວຂ້ອງຕະຫຼອດຮອດນັກສຶກສາເຂົ້າຮ່ວມຢ່າງຫຼວງຫຼາຍ.

     ການແຂ່ງຂັນລາຍການດັ່ງກ່າວມີທີມນັກສຶກສາພາຍໃນວິທະຍາໄລຣັຕນະບໍລິຫານທຸລະກິດລວມທັງພາກເຊົ້າ, ພາກບ່າຍ ແລະພາກ ຄໍ່າປີ 1, ປີ2, ປິ 3 ແລະປີ 4 ເຂົ້າ ຮ່ວມທັງໝົດ 46 ທີມ ສຳລັບທີມຊາຍ 34 ທີມ ແບ່ງອອກເປັນ 11 ກຸ່ມ ສ່ວນທີມຍິງ 12 ທີມ ແບ່ງອອກເປັນ 3 ກຸ່ມທັງ 2 ປະເພດ ດັ່ງກ່າວແຕ່ລະກຸ່ມແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າໄປ ຫຼິ້ນໃນຮອບຕໍ່ໄປ ແລະແຂ່ງຂັນສະ ເພາະແຕ່ວັນເສົາ-ອາທິດໃນເວລາພັກຮຽນ ແລະການແຂ່ງຂັນດຳເນີນມາຕັ້ງແຕ່ວັນທີ 3 ທັນວາ 2016 ຫາ 31 ມີນາ 2017.

     ຜ່ານການແຂ່ງຂັນສາມາດຄັດເລືອກໄດ້ຄູ່ຊີງຊະນະເລີດທັງ 2 ປະເພດດັ່ງກ່າວສຳລັບທີມຊາຍເປັນການພົບກັນລະຫວ່າງທີມຫ້ອງເອ12 ພາກເຊົ້າສາຍບໍລິຫານປີ 2 ພົບກັບທີມຫ້ອງ ຊີ 33 ພາກບ່າຍ ສາຍບໍລິຫານປີ 4 ສ່ວນທີມຍິງນັດຊີງຊະນະເລີດເຊັ່ນກັນທີມຫ້ອງຊີ 32 ພາກບ່າຍພາສາອັງກິດປີ 2 ພົບກັບທີມຫ້ອງຊີ 42 ພາກເຊົ້າ ສາຍພາສາອັງກິດທຸລະກິດ ປີ 3 ຜ່ານການແຂ່ງຂັນຜົນປາກົດວ່າ: ທີມນັກສຶກສາຫ້ອງ ເອ 12 ພາກ ເຊົ້າສາຍບໍລິຫານປີ 2 ໂຊຟອມເກັ່ງໄລ່ຖະຫຼົ່ມເອົາຊະນະທີມຫ້ອງຊີ 33 ພາກບ່າຍສາຍບໍລິຫານປີ 4 ຮຸ່ນອ້າຍໄປແບບຂາດລອຍ 7-3 ປະຕູຄວ້າແຊ໋ມລາຍການ ນີ້ໄປຄອງຢ່າງສົມສັກສີ, ຂະນະທີ່ທີມຍິງທີມຫ້ອງຊີ 42 ພາກເຊົ້າສາຍພາສາອັງກິດທຸລະກິດປີ 3 ຊະນະທີມຫ້ອງຊີ 32 ພາກບ່າຍພາສາອັງກິດປີ 2 ໄປ ແບບຫວຸດຫວິດ 1-0 ປະຕູຄວ້າແຊ໋ມໄປຄອງເຊັ່ນກັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ