ກະຊວງ ກະສິກຳ ແລະ ປ່າໄມ້ ເປີດບັ້ນແຂ່ງຂັນ 3 ຂະບວນການ 4 ເປົ້າໝາຍ

   ເພື່ອສືບຕໍ່ຈັດຕັ້ງຜັນຂະ ຫຍາຍຂະບວນການແຂ່ງຂັນ-ຍ້ອງຍໍພາຍໃຕ້ຄຳຂວັນ “ຮັກຊາດ ແລະພັດທະນາ” ແລະບ່ອນອີງໃຫ້ ແກ່ບັນດາກົມ, ຫ້ອງການ, ສະຖາບັນ, ກອງ, ສູນ,

ວິທະຍາໄລ, ໂຮງຮຽນ, ພະແນກກະສິກຳ ແລະ ປ່າໄມ້ແຂວງ, ນະຄອນຫຼວງ ໃນ ຂອບເຂດທົ່ວປະເທດໃນການວາງແຜນ, ກຳນົດເປົ້າໝາຍ, ຄາດໝາຍ ສູ້ຊົນໃນການປະຕິບັດໜ້າທີ່ວິຊາສະເພາະຂອງຕົນ, ທັງເປັນການຄັດເລືອກບຸກຄົນ ແລະ ກົມກອງ ດີເດັ່ນໃນປີ 2020, ຂະແໜງກະສິກຳ ແລະ ປ່າໄມ້ຈິ່ງໄດ້ຈັດກອງປະຊຸມຄົບຄະນະບໍລິຫານງານພັກ ກະຊວງກະສິກຳ ແລະ ປ່າໄມ້ເປີດ ກວ້າງຄັ້ງທີ 4 ສະໄໝທີ V ເພື່ອ ເປີດບັ້ນແຂ່ງຂັນ 3 ຂະບວນການ 4 ເປົ້າໝາຍ ຂຶ້ນໃນວັນທີ 31 ມີນາ 2017, ທີ່ສະໂມສອນກະຊວງ ໂດຍເປັນປະທານຂອງທ່ານ ລຽນ ທິແກ້ວ ກຳມະການສູນກາງພັກ, ເລຂາຄະນະພັກກະຊວງ.

   ທ່ານ ລຽນ ທິແກ້ວ ກ່າວວ່າ: ເພື່ອເປັນການຜັນຂະຫຍາຍໂຄງການດຳເນີນງານຂອງຄະນະບໍລິຫານງານພັກກະຊວງ, ແນໃສ່ສູ້ຊົນປະຕິບັດຄາດໝາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາຂະແໜງກະສິກຳ ແລະ ປ່າໄມ້ຊົນນະບົດແຕ່ນີ້ເຖິງປີ 2020, ດັ່ງນັ້ນໃນການເປີດກອງປະຊຸມເທື່ອນີ້ກໍເພື່ອປຸກລຸກຈິດໃຈແຂ່ງຂັນຂອງທຸກການຈັດຕັ້ງ, ບຸກຄົນເຮັດໜ້າທີ່ການເມືອງຂອງຕົນຕາມການມອບໝາຍໃຫ້ສຳເລັດ, ພ້ອມທັງເປັນພື້ນຖານໃຫ້ແກ່ການກະກຽມດຳເນີນກອງປະຊຸມໃຫຍ່ຂອງຄະນະພັກທົ່ວກະຊວງກະສິກຳ ແລະ ປ່າໄມ້ທີ່ຈະ ມາເຖິງໃນໄວໆນີ້, ກະກຽມເນື້ອໃນ, ຜົນງານ ແລະ ບຸກຄະລາກອນໃຫ້ດີເດັ່ນເຂົ້າໃນອົງການຈັດຕັ້ງຂັ້ນຕ່າງໆໃຫ້ມີຄວາມໜັກແໜ້ນ ແລະ ເຂັ້ມແຂງ, ທັງເປັນກຳລັງແຮງເຮັດໃຫ້ຂະແໜງກະສິກຳ ແລະ ປ່າໄມ້ ແລະ ຊົນນະບົດທົ່ວປະເທດມີການຫັນປ່ຽນຮອບດ້ານ ຢ່າງຈະແຈ້ງ, ເຮັດໃຫ້ 3 ຂະແໜງການຫຼັກ (ວຽກດີ, ພະນັກງານ ໜັກແໜ້ນ, ການຈັດຕັ້ງເຂັ້ມແຂງ) ແລະ 4 ແຜນງານຍຸດທະສາດ (ຄ້ຳປະກັນຄວາມໝັ້ນຄົງດ້ານ ສະບຽງອາຫານ, ຜະລິດກະສິກຳເປັນສິນຄ້າ, ພັດທະນາປ່າໄມ້ແບບຍືນຍົງ ແລະຊົນນະບົດພັດ ທະນາ) ຕົ້ນຕໍທີ່ພັກ ແລະ ລັດຖະບານມອບໝາຍທົ່ວຂະແໜງການມີຜົນສຳເລັດ, ມີບາດກ້າວບຸກທະລຸທີ່ຈະແຈ້ງໃນທົ່ວຂະແໜງການກະສິກຳ ແລະ ປ່າໄມ້ ເພື່ອເຮັດໃຫ້ຂະແໜງການນີ້ກ້າວເຂົ້າສູ່ສັງກັດໃໝ່ແຫ່ງການຫັນເປັນອຸດສາຫະກຳ ແລະ ທັນສະໄໝ, ສະອາດ, ສີຂຽວ ແລະ ຍືນຍົງສາມາດເປັນເຈົ້າການໃນການເຊື່ອມໂຍງເຂົ້າ ກັບສາກົນ ແລະ ພາກພື້ນໄດ້ຫຼັງປີ 2020.

   ດັ່ງນັ້ນ, ການແຂ່ງຂັນຮັກຊາດ ແລະ ພັດທະນາຈະກາຍເປັນຂະບວນການຟົດຟື້ນໄດ້ກໍຕໍ່ເມື່ອທີ່ປະຊຸມເປັນເອກະພາບ, ມີຄວາມກຽມພ້ອມດ້ານແນວຄິດຕັດສິນໃຈທຸກ ວຽກງານທີ່ພັກມອບໝາຍໃຫ້, ແຂ່ງຂັນກັນດ້ວຍຈິດໃຈສາມັກຄີອັນໜັກແໜ້ນ ແລະ ຊ່ວຍເຫຼືອເຊິ່ງ ກັນ ແລະ ກັນ ດ້ວຍຄວາມຈິງໃຈ ແບບເພື່ອນມິດສະຫາຍ, ເຊື່ອແນວ່າບັນດາສະມາຊິກພັກ, ພະນັກງານທຸກຄົນຈະເຂົ້າຮ່ວມຢ່າງຕັ້ງໜ້າໃນຂະບວນການດັ່ງກ່າວ.

   ນອກນັ້ນ, ພາຍໃນກອງປະຊຸມຍັງຈະໄດ້ຮັບຟັງການເຜີຍແຜ່ເອກະສານສຳຄັນເປັນຕົ້ນແມ່ນດຳລັດຂອງນາຍົກລັດຖະມົນຕີແຫ່ງ ສປປ ລາວ ສະບັບເລກທີ 121/ນຍ, ລົງວັນທີ 24 ກມພາ 2010 ວ່າດ້ວຍການເພີ່ມທະວີວຽກງານ ແຂ່ງຂັນ-ຍ້ອງຍໍໃນໄລຍະໃໝ່ “ຮັກຊາດ ແລະພັດທະນາ”, ຄຳແນະນຳຂອງລັດຖະມົນຕີກະຊວງ ພາຍໃນສະບັບເລກທີ 01/ ພນ, ລົງວັນທີ 26 ມີນາ 2013 ກ່ຽວກັບການຈັດຕັ້ງປະຕິບັດດຳລັດ ຂອງນາຍົກລັດຖະມົນຕີສະບັບ ເລກທີ 121/ນຍ, ພ້ອມກັນນັ້ນຍັງຈະໄດ້ຮັບຟັງບົດສະຫຼຸບວຽກງານແຂ່ງຂັນ-ຍ້ອງຍໍໃນໄລຍະ ໃໝ່ “ຮັກຊາດ ແລະພັດທະນາ” ແຕ່ປີ 2012-2016 ແລະປະ ກາດຂໍ້ແຂ່ງຂັນ 3 ຂະບວນການ 4 ເປົ້າໝາຍ, ໂດຍຈະມີບັນດາກົມ, ຫ້ອງການ, ສະຖາບັນ, ໂຮງຮຽນ ຊົນລະປະທານຊັ້ນສູງທ່າງ່ອນ ແລະ ສູນພັດທະນາ ແລະ ບໍລິການດ້ານກະເສດຫ້ວຍຊອນ-ຫ້ວຍ ຊົ້ວຂຶ້ນຈັບມືແຂ່ງຂັນເພື່ອເປັນບ່ອນອີງໃນການຊີ້ນຳໆພາ ແລະ ຈັດຕັ້ງປະຕິບັດວຽກງານແຂ່ງ ຂັນ-ຍ້ອງຍໍໃນໄລຍະໃໝ່ “ຮັກ ຊາດ ແລະ ພັດທະນາ” ຂອງຂະແໜງກະສິກຳ ແລະ ປ່າໄມ້ໃຫ້ໄດ້ຮັບການຜັນຂະຫຍາຍ ແລະ ຈັດຕັ້ງປະຕິບັດໃຫ້ປາກົດຜົນເປັນຈິງ ແລະຖືກທິດພ້ອມໃທັງມີບາດກ້າວຫັນປ່ຽນໃໝ່ຢ່າງຕັ້ງໜ້າ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

ຄຳເຫັນຜູ້ອ່ານ

ໄປເທິງສຸດ