ຫ້ອງການພາຍໃນເມືອງຫົງສາຈັດກອງປະຊຸມສະຫຼຸບປະຈຳປີ

   ເມື່ອບໍ່ດົນຜ່ານມານີ້ ທີ່ສະໂມສອນໃຫຍ່ຂອງເມືອງຫົງສາ ແຂວງໄຊຍະບູລີ ຫ້ອງການພາຍ ໃນເມືອງຫົງສາ ໄດ້ຈັດກອງປະຊຸມສະຫຼຸບວຽກງານປະຈຳປີ 2016 ແລະ ວາງແຜນ

ປະຈຳປີ 2017 ຂອງຂະແໜງພາຍໃນໃຫ້ກຽດເຂົ້າຮ່ວມຂອງ ທ່ານ ຄຳ ແພງ ຕັດສະຫວັດ ກຳມະການພັກແຂວງຫົວໜ້າພະແນກພາຍ ໃນແຂວງໆໄຊຍະບູລີ, ມີທ່ານ ນາງ ດາວວິນ ລາດຊະກິດ ກຳມະການປະຈຳພັກເມືອງ ຮອງເຈົ້າ ເມືອງໆຫົງສາ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການພາຍໃນເມືອງອ້ອມຂ້າງເມືອງ ແລະ ພະນັກງານວິຊາການກ່ຽວຂ້ອງ ເຂົ້າຮ່ວມ.

   ທ່ານ ນາງ ຈັນທີ ຄຳພູວົງ ຫົວໜ້າຫ້ອງການພາຍໃນເມືອງໆຫົງສາກໍໄດ້ຂຶ້ນຜ່ານບົດສະຫຼຸບວຽກງານຫ້ອງການພາຍໃນເມືອງປະຈຳປີ 2016 ແລະ ວາງແຜນປະຈຳປີ 2017, ຮັບຟັງການຜ່ານນິຕິກໍາວຽກງານຄຸ້ມຄອງສາສະໜ້າທີ່ໂອນມາຈາກແນວລາວສ້າງ ຊາດ ມາຂຶ້ນກັບຫ້ອງການພາຍໃນ ແລະ ນິຕິກຳວຽກງານຄຸ້ມຄອງລັດຖະກອນ, ວຽກງານປົກຄອງທ້ອງຖິ່ນ, ວຽກງານແຂ່ງຂັນຍ້ອງ ຍໍ,ວຽກງານຊົນເຜົ່າ-ສາສະໜາ-ຄຸ້ມຄອງພົນລະເມືອງ ແລະ ຮັບຟັງການແນະນຳກ່ຽວກັບວຽກງານການຄຸ້ມຄອງພະນັກງານ-ລັດຖະ ກອນອຶ່ນໆອີກ.

   ນອກນັ້ນ ທ່ານ ຍັງໃຫ້ຮູ້ວ່າ: ການຈັດຕັ້ງປະຕິບັດວຽກງານໄລ ຍະ 1 ປີຜ່ານມາ ຄະນະຫ້ອງການພາຍໃນເມືອງ ໄດ້ຖືເອົາວຽກງານສຶກສາອົບຮົມການເມືອງແນວຄິດເປັນວຽກງານແຖວໜ້າ, ຊຸກຍູ້ ພະນັກງານ-ລັດຖະກອນເອົາໃຈໃສ່ເຊື່ອມຊຶມບັນດາມະຕິ, ຄຳສັ່ງ, ຂໍ້ກຳນົດ ແລະ ລະບຽບກົດໝາຍຕ່າງໆທີ່ເປັນມູນເຊື້ອຂອງຊາດ, ຂອງພັກ, ເຊື່ອໝັ້ນຕໍ່ການນຳພາ ຂອງພັກ-ລັດ, ມີສະຕິລະວັງຕົວ ຕ້ານທຸກກົນອຸບາຍຂອງສັດຕູ  ແລະ ບັນດາປາກົດການຫຍໍ້ທໍ້ຕ່າງໆເພື່ອເຮັດໃຫ້ສະມາຊິກພັກພະນັກງານເຂົ້າໃຈແຈ້ງຕໍ່ແນວທາງນະໂຍບາຍຂອງພັກ-ລັດວາງອອກ, ສາມາດຍາດແຍ້ງໄດ້ຜົນງານ ຫຼາຍດ້ານໃນປີຜ່ານມາ.

   ພ້ອມດຽວນີ້, ຜູ້ເຂົ້າຮ່ວມກອງປະຊຸມຍັງໄດ້ພາກັນຄົ້ນຄວ້າປະ ກອບຄຳເຫັນຢ່າງກົງໄປກົງມາຕໍ່ບົດສະຫຼຸບການຈັດຕັ້ງປະຕິບັດວຽກງານຂອງຂະແໜງພາຍໃນເມືອງໃນຊຸມປີຜ່ານມາ ເພື່ອຍົກ ໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ຜົນງານທີ່ຍາດມາໄດ້ເພື່ອພ້ອມກັນພັດທະນາວຽກງານພາຍໃນເມືອງໃຫ້ມີປະສິດທິຜົນດີຂຶ້ນໃນຕໍ່ໜ້າ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພະຈິກ 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

ຄຳເຫັນຜູ້ອ່ານ

ໄປເທິງສຸດ