ສັງຄົມຫັນມາຕິດປ້າຍລາຄາສິນຄ້າ ແລະ ຄ່າບໍລິການເປັນເງິນກີບຫຼາຍຂື້ນ

   ໃນທ້າຍອາທິດຜ່ານມານີ້, ສາຂາທະນາຄານແຫ່ງ ສປປ  ລາວ ພາກກາງ ແຂວງສະຫວັນ ນະເຂດ ໄດ້ຈັດກອງປະຊຸມສະຫຼຸບລາຍງານການເຄື່ອນໄຫວວຽກງານຄຸ້ມຄອງເງິນຕາ

ຕ່າງ ປະເທດ ແລະສົ່ງເສີມການນຳໃຊ້ ເງິນກີບຂອງຄະນະກຳມະການ  ຕິດຕາມການຈັດຕັ້ງປະຕິບັດການບັງຄັບໃຊ້ລະບຽບການຄຸ້ມ ຄອງເງິນຕາຕ່າງປະເທດ ແລະ ສ່ົງເສີມການນຳໃຊ້ເງິນກີບຂັ້ນ ແຂວງຂຶ້ນທີ່ຫ້ອງປະຊຸມທະນາ ຄານດັ່ງກ່າວພາຍໃຕ້ການເປັນປະ ທານຂອງທ່ານ ທ່ອນແກ້ວ ພຸດທະ ໄກຍະລາດ ຮອງເຈົ້າແຂວງສະ ຫວັນນະເຂດ, ມີບັນດາຄະນະກຳ ມະການ-ອະນຸກຳມະການຕິດ ຕາມການຈັດຕັ້ງປະຕິບັດການບັງ ຄັບໃຊ້ລະບຽບການຄຸ້ມຄອງເງິນຕາຕ່າງປະເທດ ແລະ ສ່ົງເສີມການນຳໃຊ້ເງິນກີບຂັ້ນແຂວງ ແລະ ທະນາຄານທຸລະກິດເຂົ້າຮ່ວມ.

   ທ່ານ ບຸນວົງ ດວງດອກເກດ ຫົວໜ້າສາຂາທະນາຄານແຫ່ງ ສປປ ລາວ ພາກກາງ ແຂວງສະຫວັນນະເຂດໄດ້ລາຍງານໃຫ້ຮູ້ວ່າ: ການປະຕິບັດຕາມແຜນການເຄື່ອນໄຫວໃນໄລຍະຜ່ານມາຂອງ ຄະນະ ແລະ ອະນຸກຳມະການໄດ້ມີການເຄື່ອນໄຫວວຽກງານຄຸ້ມຄອງເງິນຕາຕ່າງປະເທດ ແລະ ສົ່ງເສີມການນຳໃຊ້ເງິນກີບດ້ວຍຫຼາຍຮູບການໂດຍເນັ້ນໃສ່ການຈັດກອງປະຊຸມເຜີຍແຜ່ກົດໝາຍ ແລະ ລະບຽບການຕ່າງໆກ່ຽວກັບການຄຸ້ມຄອງເງິນຕາຕ່າງປະເທດ ແລະສົ່ງເສີມການນຳໃຊ້ເງິນກີບ, ລົງໂຄສະນາຜ່ານສື່ໂທລະພາບ, ໜັງສືພິມ, ວິທະຍຸ, ຕິດຕັ້ງປ້າຍໂຄສະນາເຮັດໃຫ້ສັງຄົມຮັບຮູ້ເຂົ້າ ໃຈ ແລະ ເຫັນຄວາມສຳຄັນຂອງ ວຽກງານດັ່ງກ່າວຫຼາຍຂຶ້ນ, ບັນດາພາກສ່ວນລັດກໍໄດ້ຮ່ວມມືກັນຢ່າງກົມກຽວເຮັດໃຫ້ການຄຸ້ມ ຄອງເງິນຕາຕ່າງປະເທດເຂົ້າສູ່ ການຄຸ້ມຄອງຢ່າງລວມສູນ ແລະ ເຂົ້າສູ່ລະບົບເທື່ອລະກ້າວ, ສັງຄົມ ຫັນມາຕິດປ້າຍ, ປະກາດລາຄາສິນຄ້າ ແລະ ບໍລິການເປັນເງິນກີບ ແມ່ນນັບມື້ຫຼາຍຂຶ້ນ, ການຊຳລະສະສາງເຫັນວ່ານຳໃຊ້ເງິນກີບ ຫຼາຍຂຶ້ນ.

    ຈາກນັ້ນ, ກອງປະຊຸມຍັງໄດ້ ມີການປະກອບຄຳຄິດເຫັນເຂົ້າ ໃນແຜນການເຄື່ອນໄຫວວຽກ ຂອງຄະນະກຳມະການ ແລະອະນຸກຳມະການປະຈຳປີ 2017 ພ້ອມ ທັງສະເໜີຄົ້ນຄວ້າປະກອບ ຄຳເຫັນເພື່ອຍ້ອງຍໍຮ້ານດີເດັ່ນທີ່ ຕິດປະກາດລາຄາສິນຄ້າ ແລະ ຄ່າບໍລິການເປັນເງິນກີບນຳອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ