ລນລ ເລົ່າຄືນມູນເຊື້ອ 22 ມີນາ

   ໃນອາທິດຜ່ານມາລັດວິສາຫະກິດນໍ້າມັນເຊື້ອໄຟລາວ (ລນລ) ໄດ້ຈັດພິທີປາຖະກະຖາຫວນຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວຄົບຮອບ 62 ປີ (22 ມີນາ ປີ 1955-22 ມີນາ ປີ 2017)

ຢູ່ທີ່ຫ້ອງປະຊຸມ ລັດວິສາຫະກິດນໍ້າມັນເຊື້ອໄຟ ລາວ ຊຶ່ງໃຫ້ກຽດເຂົ້າຮ່ວມ ແລະ ປາຖະກະຖາໂດຍ ທ່ານ ສີສຸກ ພິ ລາວົງ ອະດີດຮອງຫົວໜ້າຄະນະ ໂຄສະນາອົບຮົມສູນກາງພັກ, ມີຫົວໜ້າອໍານວຍການ, ຫົວໜ້າພະ ແນກ, ຮອງຫົວໜ້າພະແນກ, ສະມາຊິກພັກ ແລະ ພ້ອມດ້ວຍພະນັກງານທົ່ວ ລນລ ເຂົ້າຮ່ວມ.

   ທ່ານ ສີສຸກ ພິລາວົງ ໄດ້ຍົກ ໃຫ້ເຫັນສະພາບແວດລ້ອມຂອງການກໍາເນີດຂະຫຍາຍຕົວຂອງພັກປະຊາຊົນປະຕິວັດລາວຕະຫຼອດໄລຍະ 62 ປີ ຜ່ານມາ. ຜົນງານການເຄື່ອນໄຫວພາຍໃຕ້ການຊີ້ນໍາໆພາຂອງພັກໃນແຕ່ໄລຍະກໍຄື: ໄລຍະຕໍ່ສູ້ກູ້ຊາດຂອງປະຊາຊົນບັນດາເຜົ່າຢ່າງພິລະອາດຫານ, ບໍ່ຍອມຈໍານົນ, ບໍ່ຍອມເປັນຂ້ອຍຂ້າ, ເດັດດ່ຽວໜຽວແໜ້ນ ແລະອຸທິດເລືອດເນື້ອເຫື່ອແຮງຂອງຕົນເພື່ອປະເທດຊາດ, ສາມາດປົດປ່ອຍປະເທດຊາດໄດ້ໃນວັນທີ 2 ທັນວາ ປີ 1975, ໄລ ຍະການປົກປັກຮັກສາ ແລະ ສ້າງພັດທະນາປະເທດຊາດກໍຄືໄລຍະແຫ່ງການຈັດຕັ້ງປະຕິບັດແນວທາງປ່ຽນແປງໃໝ່ຂອງພັກ ແລະ ຍົກໃຫ້ເຫັນການເສີມຂະຫຍາຍມູນເຊື້ອຂອງພັກປະຊາຊົນປະຕິວັດລາວໃຫ້ປາກົດຜົນເປັນຈິງ.

   ການປາຖະກະຖາຄັ້ງນີ້ຍັງເປັນການໂຄສະນາສຶກສາອົບຮົມ, ວຽກງານການເມືອງ-ແນວຄິດໃຫ້ແກ່ສະມາຊິກພັກ, ພະນັກງານລັດວິສາຫະກິດນໍ້າມັນເຊື້ອໄຟລາວໃຫ້ຮັບຮູ້ ແລະເຂົ້າໃຈຕໍ່ກັບມູນເຊື້ອ, ການກໍາເນີດການຂະຫຍາຍຕົວຂອງພັກ, ເຊື່ອມຊຶມແນວທາງນະໂຍບາຍ ແລະ ກໍາແໜ້ນເນື້ອໃນເຫດການສໍາຄັນຂອງຊາດ, ແບບຢ່າງອັນປະເສີດຂອງຜູ້ນໍາພັກ-ລັດເຮົາ ເພື່ອພ້ອມກັນນໍາໄປເສີມຂະຫຍາຍເຂົ້າໃນວຽກງານວິຊາສະເພາະຂອງຕົນໃຫ້ປະສົບຜົນສໍາເລັດໃນໜ້າທີ່ການງານ.

   ພາຍຫຼັງສໍາເລັດການປາຖະກະຖາແລ້ວ ທ່ານ ສີສຸກ ພິລາວົງ  ຍັງໄດ້ມອບປື້ມເອກະສານກອງປະຊຸມໃຫຍ່ຄັ້ງທີXຂອງພັກ ແລະ ປຶ້ມຊີ້ແຈງອະທິບາຍເພື່ອເຊື່ອມຊືມກໍາແໜ້ນເນື້ອໃນມະຕິກອງປະຊຸມໃຫຍ່ຄັ້ງທີXຂອງພັກພ້ອມດ້ວຍເອກະສານອຶ່ນໆທີ່ສໍາຄັນກ່ຽວກັບພັກເຮົາໃຫ້ແກ່ຫ້ອງການລັດວິສາຫະກິດນໍ້າມັນເຊື້ອໄຟລາວອີກດ້ວຍ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ