6 ອາຫານເຊົ້າ ແຮງກິນ ແຮງອ້ວນ

     ອາຫານເຊົ້າເປັນສິ່ງທີ່ມີປະໂຫຍດ ເພາະຈະຊ່ວຍເຮັດໃຫ້ຮ່າງກາຍມີພະລັງງານທີ່ສາມາດນຳໄປທຳກິດຈະກຳຕ່າງໆໃນຊີວິດປະຈຳວັນໄດ້ ແຖມຍັງຊ່ວຍໃຫ້ສົດຊື່ນ, ຊ່ວຍກະຕຸ້ນພະລັງງານສະໝອງໄດ້ ຊຶ່ງອາຫານກໍ່ມີຫລາຍປະເພດ ແຕ່ຍິ່ງຮັບປະທານເຂົ້າໄປແລ້ວຍິ່ງເຮັດໃຫ້ອ້ວນ ແລະທຳຮ້າຍສຸຂະພາບ.

 

  • ນໍ້າຫວານຕ່າງໆ: ເຊັ່ນ: ກາເຟເຢັນ, ຊາຂຽວ, ໂກໂກ້ ແລະນໍ້າຫວານຕ່າງໆ ເປັນຂອງຄູ່ໃຈຄົນເຮັດວຽກເລີຍກໍ່ວ່າໄດ້ ບາງຄົນຕ້ອງດື່ມກາເຟກ່ອນທຸກມື້ຈິ່ງໄປທຳງານເຮັດວຽກ ຊຶ່ງໃນນໍ້າເຫລົ່ານີ້ອຸດົມໄປດ້ວຍນໍ້າຕານ, ນົມ, ຄຣີມທຽມ ຍົກຕົວຢ່າງ: ກາເຟເຢັນຈອກ 1 ມີແຄລໍຣີສະເລຍຢູ່ທີ່ 97-400 ກິໂລກແຄລໍຣີ, ໄຂມັນ 0,4-22,1 ກຣາມໂປຣຕີນ, ຄາໂບໄຮເດດ 14,4-494 ກຣາມ, ເປັນສ່ວນທີ່ມີນໍ້າຕານ 11-38 ກຣາມ ຫລືປະມານ 3-10 ບ່ວງຊາ.
  • ນໍ້າໝາກໄມ້ສຳເລັດຮູບ: ຫລາຍຄົນມັກດື່ມນໍ້າໝາກໄມ້ຕອນເຊົ້າ ເພາະຄິດວ່າມີປະໂຫຍດ ແລະເຮັດໃຫ້ຮ່າງກາຍສົດຊື່ນ ແຕ່ເຖີງຂະຂຶ້ນຊື່ວ່ານໍ້າໝາກໄມ້ກໍ່ແມ່ນ ແຕ່ກໍ່ບໍ່ໄດ້ດີສະເໝີໄປ ເພາະໃນນໍ້າໝາກໄມ້ສຳເລັດຮູບມັກອຸດົມໄປດ້ວຍນໍ້າຕານສູງຫລາຍ ທາງທີ່ດີຄວນຄັ້ນດື່ມເອງ ຫລືກິນໝາກໄມ້ສົດຈະດີກວ່າ.
  • ອາຫານທອດ: ເປັນອີ່ຫຍັງທີ່ຮັບປະທານງ່າຍ ແລະເໝາະກັບການເລັ່ງດ່ວນໃນຕອນເຊົ້າຫລາຍ ເພາະສະດວກ ແລະໄວ ແຕ່ຂອງກິນພວກນີ້ມັກອຸດົມໄປດ້ວຍນໍ້າມັນ ແຖມແຄລໍຣີສູງ.
  • ອາຫານຈານດ່ວນ: ອາຫານປະເພດນີ້ມີປະລິມານແປ້ງ, ໄຂມັນ ແລະນໍ້າຕານສູງ ຫາກຮັບປະທານເປັນະຈຳຈະເຮັດໃຫ້ສ່ຽງຕໍ່ການເປັນໂລກອ້ວນ ແລະໂລກເບົາຫວານໄດ້.
  • ອາຫານເຊົ້າແບບສຳເລັດຮູບ: ເຊັ່ນ: ອາຫານກະປ໋ອງ, ໝີສຳເລັດຮູບ, ໂຈກສຳເລັດຮູບ ຊຶ່ງອຸດົມໄປດ້ວຍໂຊດຽມຂ້ອນຂ້າງສູງ ຊຶ່ງເຮົາຈະໄດ້ຮັບໂຊດຽມ ບໍ່ເກີນ 2000 ມິນລິກຣາມຕໍ່ມື້ ຫລືປະມານ 1 ບ່ວງຊາ ຂຶ່ງຫາກໄດ້ຮັບໃນປະລິມານຫລາຍເກີນຄວາມຈຳເປັນແລ້ວ ຈະເຮັດໃຫ້ເກີດອາການບວມນໍ້າ, ຂາດສານອາຫຫານ, ຄວາມດັນເລືອດສູງ, ໂລກໄຕ, ໂລກຫົວໃຈ, ໂລກຫລອດເລືອດ ເປັນຕົ້ນ.
  • ອາຫານປີ້ງ: ເຊັ່ນ: ປີ້ງໝູ, ປີ້ງໄກ່, ປີ້ງຕັບ ແລະອື່ນໆ ຖືໄດ້ວ່າເປັນອາຫານມັກຕອນເຊົ້າຂອງໃຜໆຫລາຍໆຄົນ ເພາະຫາກຊື້ມາຮັບປະທານງ່າຍ ອີ່ມທ້ອງ ອີກທັງປະຢັດເວລາໃນການຮັບປະທານອີກ ຊຶ່ງປີ້ງໝູ 1 ຕ່ອນ ໃຫ້ 130 ແຄລໍຣີ ແລະໂດຍສ່ວນໃຫຍ່ຄົນທົ່ວໄປມັກຈະຮັບປະທານປະມານ 3 ຕ່ອນ ຕໍ່ຄົນ ຄິດເປັນພະລັງງານ 470 ກິໂລແຄລໍຣີ ຖ້າກິນແບບນີ້ທຸກມື້ ນໍ້າໜັກກໍ່ຂຶ້ນໄດ້ຄືກັນ.
ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກັນຍາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

ຄຳເຫັນຜູ້ອ່ານ

ໄປເທິງສຸດ