ຄະດີອາດຊະຍາກຳ ບັນຫາພົ້ນເດັ່ນໃນແຂວງວຽງຈັນ

     ເນື່ອງຈາກແຂວງວຽງຈັນເປັນແຂວງໜຶ່ງທີ່ມີເສດຖະກິດຂະຫຍາຍຕົວ ແລະມີພົນລະເມືອງຫຼາຍ ສະນັ້ນ ສະພາບປາກົດການຫຍໍ້ທໍ້ກໍ່ເກີດຂຶ້ນຫຼາຍເຊັ່ນດຽວກັນ ໂດຍປີຜ່ານມາມີທັງໝົດ 600 ກວ່າເລື່ອງເດັ່ນກວ່າໝູ່ແມ່ນຄະດີອາດຊະຍະກຳມີ 134 ເລື່ອງ.

 

     ທ່ານ ພັທ ແຫວນເພັດ ໂພມະຫາລາດ ຄະນະພັກກອງບັນຊາການຫົວໜ້າຫ້ອງຕຳຫຼວດ ປກສ ແຂວງວຽງຈັນ ໃຫ້ຮູ້ວ່າ: ໃນປີ 2016 ຜ່ານມາທົ່ວແຂວງວຽງຈັນ ມີຄະດີເກີດຂຶ້ນທັງໝົດ 662 ເລື່ອງ ໃນນີ້ມີຄະດີອາຊະຍາກໍາເກີດຂຶ້ນ 134 ເລື່ອງ: ມີຜູ້ຖືກຫາ 212 ຄົນ ຍິງ 41 ຄົນ, ແກ້ໄຂແລ້ວຂັ້ນເຈົ້າໜ້າທີ່ 6 ເລື່ອງ, ມີ 6 ຄົນ, ສົ່ງໄອຍະການ 66 ເລຶ່ອງ, ມີ 103 ຄົນ, ພວມດໍາເນີນ 40 ເລື່ອງ, ມີ 17 ຄົນ ຜົນເສຍຫາຍ: ລົດໃຫຍ່ 4 ຄັນ, ລົດຈັກ 43 ຄັນ, ເງິນກີບທະນາຄານ 4 ລ້ານກວ່າກີບ, ເງິນບາດໄທ 12,9 ລ້ານກວ່າບາດ, ເງິນໂດລາ 252.516 ໂດລາ, ງົວ 10 ໂຕ, ຄົນເສຍຊີວິດ 5 ຄົນ, ຍິງ 1 ຄົນ, ບາດເຈັບສາຫັດ 8 ຄົນ, ບາດເຈັບເລັກນ້ອຍ 2 ຄົນ, ເກັບກູ້ຄືນໄດ້ມີລົດຈັກ 12 ຄັນ, ປອກຄໍເງິນ 2 ອັນ, ສາຍແອວຄ້າຍ ຄືທອງນາກ 1 ເສັ້ນ, ເງິນກີບທະນາຄານ 2,2 ລ້ານກີບ, ແພບ່ຽງ-ຕີນສິ້ນ 81 ຜືນ.

     ມີຄະດີຢາເສບຕິດ 144 ລາຍ, ກັກ ຕົວ 175 ຄົນ, ຍິງ 21 ຄົນ, ຕ່າງປະເທດ 2 ຄົນ, ຂອງກາງຢາບ້າ 55.830 ເມັດ, ຢາຝິ່ນ 2,9 ກິໂລ, ກັນຊາແຫ້ງ 1,3 ກິໂລ, ລົດໃຫຍ່ 3 ຄັນ, ລົດຈັກ 18 ຄັນ, ຢາໄອ້ 22,45 ກຣາມ, ປືນດັດແປງ 2 ກະບອກ, ປືນສັ້ນ 1 ກະບອກ, ປືນແວ່ງ 1 ກະບອກ, ເງິນກີບທະນາຄານ 31,4 ລ້ານກວ່າກີບ, ເງິນບາດ 24.300 ບາດ, ເງິນໂດລາປອມ 300 ໂດລາ, ໂທລະສັບ 87 ເຄື່ອງ.

     ຄະດີອຸບັດຕິເຫດເກີດຂື້ນ 384 ລາຍ: ມີຜູ້ປະສົບອຸບັດຕິເຫດທັງໝົດ 727 ຄົນ, ຍິງ 187 ຄົນ, ມີຄົນໄດ້ຮັບບາດເຈັບເລັກນ້ອຍ 327 ຄົນ, ຍິງ 87 ຄົນ, ບາດເຈັບສົມຄວນ 126 ຄົນ,ຍິງ 71 ຄົນ, ບາດເຈັບ ສາຫັດ 102 ຄົນ, ຍິງ 15 ຄົນ, ເສຍຊີວິດ 82 ຄົນ, ຍິງ 14 ຄົນ, ມີພາຫະນະເປ່ເພທັງໝົດ 662 ຄັນ, ມູນຄ່າເສຍຫາຍ: 5,6 ຕື້ກວ່າກີບ, ແກ້ໄຂແລ້ວ 333 ລາຍ, ຄະດີພວມດຳເນີນມີ: 51 ລາຍ, ກັກຕົວຜູ້ຕ້ອງຫາ 37 ຄົນ, ຍິງ 2 ຄົນ ນອກນີ້ ຍັງມີອັກຄີໄພເກີດຂຶ້ນທັງໝົດ 12 ຄັ້ງ ມູນຄ່າເສຍຫາຍທັງໝົດຕື້ກວ່າກີບ.

     ສະນັ້ນມາໃນປີ 2017 ນີ້ຄະນະພັກ-ຄະນະກອງບັນຊາການ ປກສ ແຂວງວຽງຈັນ ຈິ່ງໄດ້ວາງແຜນວຽກວິຊາສະເພາະລົງສະກັດກັ້ນ ແລະແກ້ໄຂປາກົດການຫຍໍ້ທໍ້ໃຫ້ຮັດກຸມກວ່າເກົ່າເພື່ອເຮັດໃຫ້ວຽກງານສະກັດກັ້ນ, ແກ້ໄຂປາກົດ ການຫຍໍ້ທໍ້ໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ ແລະມີປະສິດທິຜົນດີຂຶ້ນທັງມີຄວາມໜັກແໜ້ນເຂັ້ມແຂງກ້າວໄປເຖິງການຈຳກັດແກ້ໄຂປາກົດການຫຍໍ້ທໍ້ໃຫ້ຫຼຸດໜ້ອຍຖອຍລົງເທື່ອລະກ້າວ ແລະຮັກສາໄດ້ຄວາມສະຫງົບທາງດ້ານການເມືອງຄວາມເປັນລະບຽບຮຽບຮ້ອຍທາງສັງຄົມໃຫ້ດີຂຶ້ນ.

     ໂດຍເປົ້າໝາຍທີ່ຈະຕ້ອງແກ້ໄຂເປັນຕົ້ນແມ່ນເປົ້າໝາຍນາຍໜ້າ, ກຸ່ມແກ້ງເຄືອຂ່າຍ, ການຈັດຫາໃຫ້ຄວາມສະດວກໃນການກໍ່ອາດຊະຍາກຳປະເພດຕ່າງໆນັບທັງເປົ້າໝາຍກໍ່ອາດຊະຍາກຳ ເຊັ່ນ: ລັກຊັບ, ຊີງຊັບ, ຍັກຍອກຊັບ, ມີໄວ້ຄ້າຂາຍເຖື່ອນ, ການຫຼິ້ນການພະນັນທີ່ຕ້ອງຫ້າມ, ການຜະລິດ, ການຂາຍ, ການໃຫ້ສະຖານທີ່ມົ້ວສູມເສບ, ຄອບຄອງ ແລະມີໄວ້ສິ່ງເສບຕິດປະເພດຕ່າງໆ ບັນຫາສິ່ງກິດຂວາງການສັນຈອນ, ການບໍ່ປະຕິບັດກົດລະບຽບການສັນຈອນ, ການນຳໃຊ້ພາຫະນະນຳເຂົ້າບໍ່ຖືກຕ້ອງທີ່ບໍ່ໄດ້ຮັບອະນຍາດ, ອຳນວຍຄວາມສະດວກໃຫ້ແກ່ໂສເພນີ, ການຄ້າໂສເພນີ, ການເປັນໂສເພນີກ້າວໄປເຖິງການຄ້າມະນຸດ ແລະອື່ນໆທີ່ເຫັນວ່າມີຄວາມຈຳເປັນ ແລະຮີບດ່ວນ.

 

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ເພີ່ມເຕີມໃນໝວດນີ້:

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກໍລະກົດ 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

ຄຳເຫັນຜູ້ອ່ານ

ໄປເທິງສຸດ